Colosenses 1:7 - Nuevo Testamento Toba Sombrero Negro

⁷ Dojo' ami yapaĝagueneque ca'li ñe'me qadaqaya Epafras, nach'eñe jo'ne qat'onataĝanaĝaua nataq'aen Cristo nejoĝonec jo'ne yataqatelegue, nach'eñe jo'ne adiyamaqai'tem.

Nuevo Testamento Toba Sur

⁷ Qaq damayi qami' ÿapaxaguenque so qanauochaxaua qadqaÿa Epafras. Somayi maichi qad'onataxanaxaua, qaq do'onataxaatacot so Cristo, da yaqto' qami' itaua'n.

La'aqtaqa Ñim Lo'onatac 'Enauacna 2013

⁷ Qaq damaye qami' ỹapaxagueneque so Epafras, som qanauochaxaua qaltaq qaro'onataxanaxaua de'era qaro'onataxanaxac, som ỹataqta ipaqueelec da lasataxac da do'onataxan souaxat da lauoche So Cristo.

Colosenses 1:7 Referans Kwoze

Colosenses 4:12

Ami yamaĝalo lamaic ñe'me Epafras, mach'e lalemaĝajet ñe'me Cristo Jesús; nach'eñe jo'ne ami chiyaqauelo ca'li, qama'le nach'e eta't ami nachoĝodelo'te nale yauo'oe gaa'me netamenaĝaco, qaedi a'nañaĝachiyec da'me ami chimadichidiñe, yataqachiñe anaviquila't da'me qaedi auauoyi joda'me loequenataĝanaĝac joñe'me Dios.

Filemón 1:23

Lamaic ñe'me Epafras, mach'e ñecoñetaĝaua qa'a jajouaĝam joñe'me Cristo Jesús.

Hebreos 2:17

Qo'che' joñe'me youen da'me yataqata ena'am qoyen da'me 'loyaĝa'j jogaa'me laqaya'olqa, qaedi yovida'a da'me qoyen Letaĝayaĝanaĝane'j jo'ne p'ajaye 'me yataqatelegue nataq'aen choĝodenataĝanaĝaic da'me dajo'tot joñe'me Dios, nataq'aen da'me yapalaĝa't gaa'me loeco joga'me jiyaĝadipi, qama'le yachiyoĝotayilo da'me leleuaĝa'.

Colosenses 4:7

Ñe'me qadaqayolec Tíquico, yecochaĝaua jo'ne 'uañaĝaic nataq'aen nalo'taguet da'me t'onataĝaneuo'o ñe'me Jaliaĝanec, nach'eñe ami 'yaĝatema qomle ena'uaque daa'me yep'iquenataĝanaĝaco.

Hebreos 3:2

Qa'a joñe'me Jesús yoqo'cha joñe'me Dios da'me ya'uo yema da'me qoyamaĝalegue, ena'am ñe'me Moisés jo'ne nach'e ena'am yoqo'cha joca'li joñe'me Dios da'me en lecochiya yema ga'me noic jo'ne Dios lec'oqo'tepi.

2 Timoteo 2:2

Nataq'aen jenjo' joote jayem auomachitapega ca'li japaĝague'tape gaa'me jiyaĝadipi, qama'le nayi jetaque nach'ena jenjo' auapaĝagueneque gaa'me qadaqaya' jo'ne yataqata auep'etapegalo, qaedi naajo' naqaenaua qomle yapaĝague'n gaa'me laqaya'.

Filipenses 2:25

Qalaĝaja nayi 'uo da'me yelnataĝac laqaya, da'me yitaĝa ami jamaĝalo joñe'me qadaqaya Epafrodito, nach'eñe ñe'me adamaĝajequi jo'ne anamaĝayiquena ca'li qaedi jayem lecochiya nale 'uo joga'me jouetac, naqaeñe jo'ne yecochaĝaua nayi, yataqata 'uañaĝaicolec joñe'me. Qama'le jeetapega 'noota qom ami 'viyelaĝalo nayi,

2 Corintios 11:23

¿Qo'li Cristo lalemaĝaje'te? Jayem nach'e ena'am, ñapacalo'te jogaa'me, mate mane'e da'me ñenaĝategue da'me dojo' ena'am ta'le jayem chiyoĝojeta't. Da'me 'yonataĝanaĝac napacalo'te jogaa'me, ñapacalo'te jogaa'me da'me nach'e eta't jayem qoyecoñe', ñapacalo'te jogaa'me da'me nach'e eta't jayem qoye'uaĝan, nataq'aen ñapacalo'te jogaa'me da'me nach'e eta't jayem qoyadetapelegue da'me jetaque jayem qoyalat.

1 Corintios 4:2

Qa'a ga'me jo'ne yaconeguet da'me 'nelopaguec, 'noota ta'le yaloĝon queda'me eja nalo'taguet da'me yataqachiñe ye'et joga'me.

1 Timoteo 4:6

Qom auapaĝaguenataĝaneque naa'me naajo' namaĝajoĝonaĝaco jogaa'me adaqaya', qama'le am yataqata eja nataq'aen onaĝaic lamaĝajec joñe'me Cristo Jesús. Qa'a nataq'aen yataqata aue'n ejoda naa'me 'naqataqa jo'ne en t'añi da'me qadepe'e, nach'enaua jo'ne joote oquetapegue'to 'me napaĝaguenataĝanaĝaco jo'ne yataqata onaĝayaqa.

Efesios 5:21

Nataq'aen anecochiyapega't nale onolqa'tape da'me ami, yajouaĝat da'me yataqata a'nonaĝachiyegui joñe'me Cristo.

1 Corintios 7:25

Nayi japaĝague'n jogaa'me jamaĝayaqa: dojo' qaya'te lapaĝaguenataĝanaĝac ñe'me Jaliaĝanec ta'le yeloĝonaĝa'teguet joda'me, qalaĝaja ami janema da'me mach'e yelnataĝac, nach'eda lelnataĝac ga'me jo'ne joote yedalegue da'me Dios lichoĝodenataĝanaĝac, qama'le auaqanachichi da'me a'uamaqachiñe.

1 Corintios 4:17

Qo'che' joote ami jamaĝalo ñe'me Timoteo, jo'ne joqopita, ena'am ga'me yalec 'me equegue ñe'me Jaliaĝanec, nataq'aen jep'etec ñe'me. Nach'eñe ami netouenaĝaneque qomle da'me yadic queda'me jequegue ñe'me Jesucristo, da'me jo'ne nach'e eta't japaĝaguenataĝanec ena'uaque gaa'me nemaĝaiqui' gaa'me jec'atapegalo.

Mateo 25:21

Ñe'me lejaliaĝanec enaac: «¡Yataqachiñe 'noota da'me at'onatac nataq'aen am yataqatelegue! Qama'le queda'me a'nañaĝatela't da'me aue'et ga'me jaleca, nayi jalcote ga'me am jepotaneguet. ¡Ayala, anec'ata ñe'me adejaliaĝanec qaedi am ñetonaĝaua!»

Mateo 24:45

Yitaĝa ñe'me Jesús enaac: —Jega: ¿jach'e jogamaĝa ga'me namaĝajec da'me yataqata yepaquetelegue ga'me 'lonatac nataq'aen 'uo da'me yayaten, da'me uotaĝa ga'me ladipa yamaĝalegue qaedi yiqui'yaĝa'tape gaa'me ueteda'a ga'me 'lachaqa' nale yovita ga'me laloqo' da'me niqui'yaĝac?

Mateo 18:29

Ñe'me 'lonataĝanaĝaua yejoidiñe naa'me leliquetel da'me dajoya'aguet, qama'le nachoĝodenot: «Jayem avichoĝoden, cha'li jayem auajoya'a qama'le am jejeten.»

Colosenses 4:9

Na'me nach'e ena'am lequiaĝaua ñe'me Onésimo, mach'e jauotec nataq'aen qadaqaya jo'ne 'uañaĝaic, jo'ne ami chiyaqauelo ca'li. Jogaa'me ami 'yaĝatema qomle yema ga'me jo'ne 'uo jena'me jenjo'.