Colosenses 1:4 - Nuevo Testamento Toba Sombrero Negro

⁴ qa'a joote janomaqa da'me yataqachiñe auep'iiya'a joñe'me Cristo Jesús, nataq'aen queda'me adoqopichiyalo ena'uaque joga'me Dios lec'oqo'tepi.

Nuevo Testamento Toba Sur

⁴ Cha'ayi co'ollaq huo'o da qad'axaÿaxac da qadpi'iÿaxaqui so Cristo Jesús qataq da qadauotaxanaqtaiqui 'enauac nam lalamaxatpi ñi Dios,

La'aqtaqa Ñim Lo'onatac 'Enauacna 2013

⁴ Cha'aye qomi' saỹaanaq da lta'araic da qarpi'iỹaxaqui So Cristo Jesús, qataq da qarauotaxanaqtaiqui 'enauac nam lalamaxatpi Ñim Lo'onatac 'Enauacna.

Colosenses 1:4 Referans Kwoze

Efesios 1:15

Chane'eja, queda'me joote ami jayate'n da'me yataqata auep'iiya'a joñe'me Jaliaĝanec Jesús, nataq'aen da'me yataqata adoqopichiyalo jogaa'me adaqayadi' jo'ne nataq'aen p'iida'a jena'me jenjo' 'noota,

2 Ts 1:3

Ami yaqaya'olqa, 'noota qom yemeda naa'me naajo' noloqo'ote janemaĝam da'me qadamaic joñe'me Dios, jouaĝat da'me ami. Nach'ena jena'me jenjo' ta'le jauoqo, qa'a da'me ami male yataqata auep'iiya'a joñe'me Dios, nataq'aen da'me di'yoq yataqata anoqopich'iya't, da'me ami naqaya' onolqa'tape da'me ami.

1 Ts 1:3

Nataq'aen queda'me jouaqa'tot joñe'me Qadet'a Dios, nach'e eta't jenataqa'ta joda'me yataqata ja aĝañiñi jena'me jenjo' jo'ne adepi'i, da'me onaĝaic adoqopich'i nataq'aen da'me yataqata ami 'uañaĝayaqa nale te'me 'uo ga'me ami qoyachalo'te jo'ne ja no'en, qa'a jouaĝat da'me yataqata auache'ta joñe'me Jaliaĝanec Jesucristo.

Hebreos 6:10

Qa'a ñe'me Dios nach'eñe jo'ne ja 'nalegue, qama'le ja yapalaĝate'ta da'me at'onataqadi' choqoda'me adoqopich'ii jo'ne joote aualoĝoñiya joñe'me, da'me alecochiiyapegalo jogaa'me adayii jo'ne yataqatelo'te adepi'iyaĝa'u, nach'eda da'me jo'ne maliaĝa a'vichetac.

1 Juan 4:16

Naq'aeta da'me male jayatenaq queda'me yataqachiñe da'me Dios qo'mi noqopitalo. Da'me noqopich'i chiyoĝoguet joñe'me Dios, qama'le gamachaqaega jo'ne nach'e eta't 'uo da'me loqopich'i, nach'ega ne'tajop joñe'me Dios, nataq'aen joñe'me Dios netaue joga'me.

Filemón 1:5

Qa'a jep'iquilegue da'me yataqata auep'iya'a ñe'me Qadejaliaĝanec Jesús nataq'aen queda'me adoqopitalo ena'uaque jogaa'me Dios lec'oqo'tepi.

1 Juan 3:14

Jayatenaq queda'me jachiyajaqaue da'me neleuaĝa qama'le nayi jaĝaue da'me qadec'alaĝa; dojo' jayatenaq qa'a qadoqopitalo gaa'me qadaqaya'olqa. Ga'me jo'ne ja noqopita ga'me laqaya maliaĝa uetaue da'me neleuaĝa.

Gálatas 5:6

Qom joqotaĝaguet ñe'me Cristo, male ja p'ajaye da'me joote jaconaĝaguet ga'me 'nanaĝajet 'me nichaĝajoĝonaĝac uotaĝa qom ja naq'aeta. Da'me jo'ne p'ajaye ta'le jep'iyaqa ñe'me Cristo, nataq'aen da'me dojo' qadepi'iyaĝac qo'mi tauelo q'ae'n da'me qadoqopitalo jogaa'me qadaqaya'olqa.

1 Juan 3:23

Nach'eda da'me lamaĝajoĝonaĝac, qaedi jep'iyaqa joñe'me Lec'oĝot Jesucristo nataq'aen 'noota qom ñoqopitaqapega't. Naq'aeta da'me qo'mi yamaĝalo'te ca'li.

1 Ts 3:6

Qama'le nayi joote 'niyelaq joñe'me Timoteo, chiyoĝogue di'me Tesalónica, qama'le yataqata onaĝaic ga'me 'laqataĝanaĝac, da'me ami yataqata t'añi nayi joga'me adepi'i, chayovida'a da'me adoqopich'ii jo'ne ami uetauelo. Choqoda'me qo'mi t'aqataĝatapema da'me nach'e eta't qo'mi auenachetapegalo da'me qo'mi, yataqata ja qo'mi 'te auapalaĝache'talo, nach'e eta't qo'mi avichoĝodeñi, chayovida'a da'me 'uo ga'me lamaic da'me yitaĝa qo'mi auañiyalo, qama'le nach'e ena'am da'me qo'mi 'uo da'me qadamaic da'me yitaĝa ñauanaĝa't qomle.

Colosenses 1:9

Qo'che' da'me qo'mi, chiyoqotelegue jo'me nolo' ca'li ami janoma'alo, ja jaĝanaĝañi da'me ami jajelaĝanaĝalo'te nataq'aen jajelaĝanaqatapecot joñe'me Dios qaedi yataqachiñe ami yayatenaĝanaĝaneque da'me loequenataĝanaĝac, choqogaa'me yodapecache nayatenaĝanaĝaco nataq'aen gaa'me netadenataĝanaĝaco 'me ami yanema joñe'me Lepaqal.

2 Corintios 7:7

Nataq'aen ja jaldata qo'mi made'tape da'me jauanaĝa, dite da'me nach'e ena'am jayatenaq queda'me ami chiyaqayilo matac joñe'me. Tito qo'mi 'yaĝatema queda'me jetaque qo'mi auañiyalo, jo'ne ami totelo'te q'ae'n ga'me jo'ne 'uo ca'li, nataq'aen queda'me jayem auenachetapega. Mane'e ca'li jomachiya da'me lep'iquenataĝanaĝac qama'le yataqata nichiyaĝategue da'me yamaic.

Gálatas 3:26

Ami joote auep'iiya'a ñe'me Jesucristo, qo'che' ena'uaque ami joote ami Dios lec'oqo'tepi,

Gálatas 3:28

Chane'eja male ja p'ajaye da'me ami judiopi uotaĝa ja ami 'te judiopi, qom ami nelataqa uotaĝa uojotedañi, uotaĝa ami le'emdipi uotaĝa ami yauodipi, qa'a ena'uaque ami qoyapetenegueta ñe'me Cristo qama'le ena'uac nalo'ta't.

Efesios 6:18

Nach'e eta't anetameñetapecot joñe'me Dios; nale aviyaĝañiyot joñe'me, auomachii'ta joñe'me Lepaqal qaedi nach'eñe ami netamenaĝanaĝa'n. Ena'te ami lichiguilo qama'le auajelaĝañilo'te yema ga'me Dios lec'oqo'tepi.