Colosenses 1:16 - Nuevo Testamento Toba Sombrero Negro

¹⁶ Qa'a chiyaqayi joñe'me Cristo, ñe'me Dios ye't joca'li ena'uaque gaa'me uo'oe: gaa'me ueteda'ague di'me piyem nataq'aen gaa'me uetedalegue jena'me aleua, gaa'me di'yo't nataq'aen gaa'me ja di'yo't, gaa'me uo'oe jo'ne ja di'yo't 'me nejaliaĝatedelegue jena'me aleua, jo'ne 'uo da'me lañoqotaĝanaĝa'j choqoda'me 'lañaĝa'j. Ena'uaque gaa'me uo'oe qoye'tema joñe'me qama'le qoye'n lalemaĝaje'te joñe'me.

Nuevo Testamento Toba Sur

¹⁶ Qaq ÿachigoxotchigui somayi co'ollaq i'ot 'enauac nam hueto'ot na piguem qataq nam huetalec ana 'alhua, qataq 'enauac nam sa ishit da qaila'a, qataq nam ishit da qaila'a. Nataq'en nam nta'alpi, damaxasoxonapecpi, nataxala'pi qataq na 'añaxaicpi mayi saq cha'a, 'enauac chigoqchigui somayi. Qaq 'enauac maichi lalamaxatpi.

La'aqtaqa Ñim Lo'onatac 'Enauacna 2013

¹⁶ Qataq chegoqchigui Somaye co'ollaq Ñim Lo'onatac 'Enauacna ỹo'ot 'enauac nam hueto'ot na piguem qataq nam huetalec ana 'alhua, 'enauac nam ishet da qaila'a, qataq nam saishet da qaila'a, qataq na saqcha'a na'añaxacpi maye damaxasoxonapec qataq nam huo'o da la'añaxac. Ñim Lo'onatac 'Enauacna chegoqchigui naqa'en So Cristo 'enauac nam ỹo'ot. Qaq So Cristo, nache 'enauac maiche lalamaxatpi.

Colosenses 1:16 Referans Kwoze

Romanos 11:36

Qa'a ena'uaque gaa'me di'yo't 'me uo'oe mach'e chiyoqodo'ot ñe'me Dios, di'yo't jogaa'me qa'a 'ye't joñe'me, nataq'aen mach'e loqo'te joñe'me. ¡'Noota qom nach'e eta't qo'nonaĝachigui joñe'me Dios! Jaja'a. Nach'e naq'aeta da'me dojo'.

Juan 1:3

Qama'le nach'eñe q'aen da'me en chiyaqayi yema da'me male yauo'oe ena'uaque naa'me 'lonataqa jo'ne e'n di'yo'quena joñe'me Dios.

1 Corintios 8:6

qalaĝaja qo'mi qamqa'me jayatenaq queda'me 'uo ñe'me Dios jo'ne onolec, mach'e Qadet'a jo'ne 'netoqo't ena'uaque gaa'me uo'oe, nataq'aen qo'mi yanema da'me qat'oyaĝac jeloqot'ot joñe'me. Nach'e naq'aeta queda'me onolec ñe'me Jaliaĝanec Jesucristo nach'eñe necochoqo't ñe'me Dios joca'li ye'et jena'me aleua nataq'aen ena'uaque gaa'me uo'oe, qama'le da'me qo'mi joda'me qat'oyaĝac chiyoĝoguet joñe'me.

Hebreos 2:10

Qa'a joñe'me Dios jetaque yema joga'me lec'oqo'tepi nach'e ena'am da'me ueda'ajop da'me 'lonaĝac. Chane'eja joñe'me jo'ne 'netoqo't yemeda gaa'me uo'oe qama'le yema mach'e loĝot joñe'me, yataqata chimaqachiñe da'me 'lonataĝanaĝac jo'ne 'yetec joñe'me Jesús ca'li, da'me en taue da'me lachoĝodec chayovida'a yovita da'me ja 'nalegue, qaedi naqaeñe qoyen Lec'alaĝaiqui' joga'me jiyaĝadipi.

Hebreos 1:2

Qalaĝaja nayi naa'me naajo' noloqo'ote jo'ne p'atedegue, male 'uo joñe'me jo'ne mach'e C'oĝot, qama'le nach'eñe jo'ne qo'mi yapaĝague'n, nach'eñe jo'ne qoyen loqo'te ena'uaque jogaa'me jo'ne uo'oe, qa'a nach'eñe 'me chiyaqayi da'me ye'et ena'uac joca'li.

Efesios 1:10

Qom male yovita ga'me laloqo' qama'le yataqata en yomat yema joga'me jetaque ye'et, da'me yemata'a't yema jogaa'me uo'oe, gaa'me ueteda'a di'me piyem, chayovida'a jena'me ue'ta jena'me aleua, qaedi male yataqata qonauachigui da'me qoyen nejaliaĝanec joñe'me Cristo, yataqata qodajotalegue joñe'me.

Colosenses 1:15

Cristo nach'eñe Dios jo'ne naloĝola't, jo'ne ja di'yoq mañaĝa; nach'eñe Dios Lec'oĝot jo'ne 'uaechiñe da'me 'uo joca'li maliaĝa qaya ga'me qoye'et.

Colosenses 2:10

qama'le nayi yataqata ami jaqachiguilo da'me lajoĝoc ñe'me Dios, qa'a Cristo nach'eñe laqai'j ena'uaque gaa'me nañoqotaĝanaĝaco nataq'aen nejaliaĝaco.

Filipenses 2:10

qaedi male naqaeñe jo'ne qonetamenot da'me yejoidiñe naa'me leliquetel yema jogaa'me uo'oe: jogaa'me ueteda'ague di'me piyem choqogaa'me uetedalegue jena'me aleua nataq'aen jogaa'me uetedo'ot jena'me aleua,

Colosenses 1:20

qama'le chiyaqayi q'aen joñe'me queda'me yitaĝa niyamaĝadenegueta ena'uaque jogaa'me uo'oe, ena'uaque jogaa'me neda'ña jena'me aleua nataq'aen gaa'me neda'ague jodi'me piyem, qama'le ya'uo da'me 'nemaĝac jo'ne yachiyoĝochichigui da'me leleuaĝa ñe'me Cristo ca'li qoyep'elegue jaga'me sodoso.

1 Pedro 3:22

Nach'eñe joñe'me Jesucristo joote yec'adije'ma di'me piyem qama'le nayi male neta'ña na'me yayaten joñe'me Dios, qama'le nejaliaĝatelo'te joga'me piyem laje'pi choqoga'me nepaqa'lpi laqaya' jo'ne te'me 'uo da'me lejaliaĝa'j nataq'aen da'me lañoqotaĝanaĝa'j.

Colosenses 2:15

Nataq'aen doĝotaĝaneque da'me lañoqotaĝanaĝa'j ena'uaque gaa'me uo'oe jo'ne ja di'yo't jo'ne te'me 'uo da'me 'lañaĝa'j nataq'aen lañoqotaĝanaĝa'j, nataq'aen chiyaqayi joñe'me Cristo Dios e'n qonauachiguilo q'ae'n qomle en lecoñetae's da'me noqoiguegue jena'me mataĝanaĝaiquipi.

Efesios 6:12

Qa'a ja jeloquiaĝaye gaa'me jiyaĝa'u jo'ne ch'e napat nataq'aen p'inaqa, qa'a gaa'me qadaute'u nach'egaua gaa'me payagodipi jo'ne lejaliaqa' di'me p'ajeguem, nach'egaua jo'ne nejaliaĝatelo'te gaa'me 'nonataqa jo'ne chiyoqodaue ga'me 'lalaĝa.

Romanos 8:38

Jayem jayatetelegue da'me qaya'te jenaĝa chiyaqayi ta'le qo'mi yaqanate't qaedi qolaqa'e da'me loqopich'i ñe'me Dios: uotaĝa da'me neleuaĝa, uotaĝa da'me 'noyaĝac, uotaĝa jogaa'me piyem laje', uotaĝa jogaa'me nañoqotaĝanaĝaco 'nañaĝaco 'me uedo'ot di'me piyem, uotaĝa ga'me 'uo nayi, uotaĝa ga'me na'taquena,

Juan 1:10

Joñe'me jo'ne 'naqatac joote ue'ta jena'me aleua, choqoda'me mate mane'e nach'eñe jo'ne Dios en chiyaqayi joca'li da'me male ye'et jena'me aleua, qalaĝaja gaa'me aleua laje'pi ja yateto'n joñe'me.

Romanos 9:5

Nach'egaua lec'oqo'tepi dia'me jachiyojoĝogueta 'me qadet'al; nataq'aen qadaqachidiaĝa'u, qama'le chiyaqayi da'me mach'e nejiyaĝauayaĝa'j novidetaquena ñe'me Dios liquiyac, mach'e Dios 'me napacalo'te ena'uaque gaa'me uo'oe, 'noota qom nach'e eta't qo'nonaĝachigui. Jaja'a, nach'e naq'aeta da'me dojo'.