Biblia Todo Logo
Bib sou entènèt

- Piblisite -




Apocalipsis 9:21 - Nuevo Testamento Toba Sombrero Negro

21 Nach'e ena'am da'me ja jetaque yaĝadiñi da'me lalataĝanaĝa'j uotaĝa da'me napine'j uotaĝa da'me lequejeguetaĝa'j uotaĝa da'me lecachaĝa'j.

Gade chapit la Kopi

Nuevo Testamento Toba Sur

21 Nataq'en sa ishit da ÿaxaañi da dalaataxan, qataq da l'enaxanaxac, qataq da nquishishaxac, qataq da lcachaxac.

Gade chapit la Kopi

La'aqtaqa Ñim Lo'onatac 'Enauacna 2013

21 Nataqa'en ne'ena shiỹaxauapi saishet da ỹaxaañi da lalaataxanaxac, qataq saishet da ỹaxaañi da ldanaxanaxac; nataqa'en saishet da ỹaxaañi da lcachaxac, qataq da ncachetague' aca sa lhua.

Gade chapit la Kopi




Apocalipsis 9:21
24 Referans Kwoze  

Qalaĝaja jogaa'me jo'ne qolanaqaiquipi choqoga'me qoleguetaĝanaĝaiquipi, nataq'aen gaa'me jo'ne qodaqaequeda'a, choqoga'me lataĝanaĝaiquipi nach'e ena'am da'me quejeguetaĝaiquipi nataq'aen gaa'me jo'ne yeda'n gaa'me laqaya', choqogaa'me jo'ne netametot nale ga'me nequi'i, choqoga'me ena'uac joga'me pecaiquipi, yema jogaa'me yovidedeta qomle da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.


Qalaĝaja joga'me p'aye nach'ega jo'ne ueteda'a jogaa'me jo'ne jomayaqa, nach'egaua jo'ne yeda'n gaa'me laqaya', choqogaa'me jo'ne 'yetetedac da'me nequejeguetaĝa, qama'le nach'e ena'ama jogaa'me lataĝanaĝayaqa nataq'aen jogaa'me p'iya'alo jogaa'me ch'e nequi'il nataq'aen jogaa'me noqopideta da'me napaĝagueteguet da'me noqovinaĝanaĝac.


Nataq'aen da'me 'uo jo'me nediijec jo'ne uetalegue jajo'me nepe jo'ne mach'e lenaĝat 'me ja en 'te di'yoq, eetojo': «Jayem Babilonia jo'ne p'ajaye, nach'ayem lat'e yema jana'me quejeguetaĝailpi, jayem chiyaqayi da'me male qodaqaeca'a jena'me jiyaĝadipi jo'ne netedalegue jena'me aleua.»


Nach'e ena'am jo'oyapega nale jenate'ta, qom ami jejapichiyalo, ñe'me Ñedios janomeguet q'aen da'me yepocoĝo jouaĝat ami jo'ne chayovida'a ñoyen, qa'a jouaĝat gaa'me qayoĝode' ami jo'ne ja yaĝadiñi gaa'me loeco jo'ne 'ye'tape nataq'aen da'me yauote ga'me ja no'en choqoda'me quetedalegue da'me nequejeguetaĝa nataq'aen gaa'me namanaĝanaĝaco 'me napaĝaguenalo.


Qama'le jañe'me yauo yamaĝadoue gaa'me nejaliaĝanaqa jo'ne yelodelegue jena'me aleua da'me nequejeguetaĝa. Chane'eja joga'me jiyaĝadipi jo'ne netedalegue jena'me aleua nach'e ena'am e'n taĝaiquipi da'me nequejeguetaĝa, ena'am da'me uotaĝa qoniyomaĝañi ga'me lataĝa.”


Qa'a yemeda naa'me noyaqa da'me en taĝaiquipi da'me nequejeguetaĝa, ena'am da'me uotaĝa qoniyomaĝañi ga'me lataĝa. Chane'eja jogaa'me nejaliaĝanaqa jo'ne uetedalegue jena'me aleua nach'e ena'ama da'me e'n lequejeguetaĝaua jañe'me Babilonia, nataq'aen jogaa'me menaĝayaqa jo'ne uetedalegue jena'me aleua male en neuoyaĝadi' da'me mach'e lañoqotaĝanaĝac da'me nequejeguetaĝa.”


Qa'a nach'enaua jo'ne e'n nalidiñi jana'me letauo' jenjo' noic Jo'ne mach'e ac'oqo'tepi 'me ja 'nalo'te Choqodia'me at'aqataĝanaĝanaqa. Chane'eja nayi male auanema jaga'me netauo' qaedi niyomidigui. ¡Queda'me ta'chelo da'me aua'uo da'me ne'uaĝanague'j nayi!”


Qama'le yec'atalegue ñe'me piyem le'ec laqaya jo'ne eetac: “¡Yataqata qonolaĝachiñe nayi di'me noic let'adaic jo'ne lenaĝat da'me Babilonia! Di'me jo'ne en taĝaiquipi yemeda joga'me aleua laje'pi, da'me en taĝayaqa q'aen ga'me lataĝa jo'ne lequejeguetaĝa, ¡male qoyapalaĝat nayi!”


Netamenoto gaa'me qop'iya'alo 'me ja ejoda, napaĝagueta da'me 'uo ga'me napinec qaedi pi'yoĝo'n nataq'aen ja yeuote'n gaa'me laqaya'. Mach'egaua deloiquitapega't, c'alaĝanaĝayaqa nataq'aen gamachaqaega yalemataĝanaĝa'n. Mach'e niyamaĝadetapela'ajalo, nach'e eta't necotayapega't, nataq'aen jogaa'me chiyaqayilo da'me male onolqa'tape uo'oe naa'me mach'e tayapegue'galo.


Qa'a gaa'me chiyoqodaue na'me lauel ga'me jiyaĝaua nach'egaua jo'ne chiyoĝogueta naa'me lelnataĝaco 'me ja 'noe'n, da'me nalataĝanaĝac, da'me leuaua jaga'me ja yataqachiñe loua, da'me nequejeguetaĝa, da'me noqovinaĝanaĝac choqoda'me nejenaĝanaĝac.


'Uo da'me chiyaqayi da'me lec'atenaĝanaĝac joñe'me Jo'ne chimaqachiñe, nataq'aen da'me chiyaqayi da'me eja; Qa'a nach'eñe jo'ne ya'uo da'me ne'uaĝanaguec Jañe'me quejeguetaĝai lat'edai, Yajouaĝat da'me lequejeguetaĝa jo'ne 'naĝa't ena'uaque Joga'me jiyaĝadipi jo'ne neteda'ña jena'me aleua. Chane'eja 'yiyelaĝatec jañe'me yauo da'me leleuaqa' jodia'me mach'e lalemaĝaje'te.”


Qama'le ñe'me jiyac polio' jo'ne aleua le'ec qoyanem da'me lañoqotaĝanaĝac qaedi en nec'aletaye ga'me jiyac lequi'i, qaedi yaqanatet ta'le doje nataq'aen da'me yala't ena'uaque jogaa'me jo'ne ja netametot.


Nach'e ena'am da'me yauo'oe naa'me 'nanaqa let'adayaqa, chayovida'a da'me en 'naqañe ga'me dole' jo'ne chiyaqaje'ma di'me piyem, qama'le talegue jena'me aleua, qama'le ena'uaque joga'me jiyaĝadipi yauata da'me dojo'.


Qama'le nach'e ena'am qoyaje'tem da'me ya'uo ga'me nalada't queda'me nautenalo joga'me lec'oqo'tepi joñe'me Dios, chayovida'a da'me noma't, qama'le nach'e ena'am da'me qoyanem da'me lañoqotaĝanaĝac qaedi nejaliaĝatelo'te ena'uaque ga'me jiyaĝadipi jo'ne yodapecache naa'me 'laqataqa, choqonaa'me neqomyaĝaco nataq'aen jogaa'me noyaqa.


Qalaĝaja gaa'me lael jena'me jiyaĝadipi jo'ne maliaĝa uo'oe, da'me ja yala't jaa'me nalataĝanaqate, maliaĝa ja yaĝadiñi da'me 'yetetedac da'me ja no'en jo'ne jalchi'ena 'lonata'j, qama'le ja yaĝadiñi da'me netamenoto jogaa'me nepaqa'li choqogaa'me nouaq 'lonataqa jo'ne nequi'il 'me oro, uotaĝa plata, uotaĝa bronce, uotaĝa qa' uotaĝa ga'me epaq, naa'me naajo' ch'e nequi'il jo'ne ja yauana'ape, nataq'aen da'me ja domachiya'ape, choqoda'me ja yaqanate't ta'le yeuo'tape.


Jañe'me yauo yatedañe ca'li jogaa'me 'netaqa'te jo'ne 'uo ga'me malaĝadaic da'me 'loyaĝa'j choqoga'me tomaĝadaic. Nataq'aen uo'oe jogaa'me li'yodaqa'te laqaya' jo'ne oro choqogaa'me qadi jo'ne onaĝayaqa choqogaa'me perlas. Nataq'aen lajoqot'a jaga'me yomaĝaiqui jo'ne oro 'me jaqachigui q'aen da'me ja no'en jo'ne ye'et, 'me yalequetenat da'me lequejeguetaĝa jo'ne paĝachigui.


Swiv nou:

Piblisite


Piblisite