Apocalipsis 9:15 - Nuevo Testamento Toba Sombrero Negro

¹⁵ Chane'eja male qoyejodegue jogaa'me cuatro piyem laje' qaedi yala't onolec gaa'me tres jena'me jiyaĝadipi, qa'a joote jalchi'ena da'me naqataĝanatac da'me qom male yovita da'me laloqo' jo'ne nayi, jenjo' nolo', jena'me jenjo' auoĝoic nataq'aen jenjo' uo'e.

Nuevo Testamento Toba Sur

¹⁵ Huaña, nachi qaisodeec se'esoua cuatro namaxa'shi, da yaqto' ÿalauat ñi 'oonolec naua tres nam shiÿaxauapi. Cha'ayi soomayi nachi qaÿaqataxaatai'salo, da yaqto' da ivita que'eca naloqnec na'a'q mayi huetoigui ca ca'agoxoic qataq vi'i, qaq lhuottai'salo.

La'aqtaqa Ñim Lo'onatac 'Enauacna 2013

¹⁵ Huaña, nache se'eso namaxashec piguem le'ec isore'c soua cuatro namaxa'she, da yaqto' ỹalauat so 'oonolec naua tres lpa'axaco nam shiỹaxauapi, cha'aye Ñim Lo'onatac 'Enauacna, maiche iqataxanai'salo qataq mashe ivita ye laloqo' qataq na'a'q qataq ca'agoxoic qataq vi'i da isore'c.

Apocalipsis 9:15 Referans Kwoze

Apocalipsis 9:18

Qama'le qoyalat onolec ga'me lae jena'me jiyaĝadipi jo'ne tres gaa'me lael, yajouaĝat da'me na'ñalo naa'me naajo' ne'uaĝanagueco jo'ne tres 'me chiyaqauelo naa'me nedegaqa'te joga'me pegaĝadipi: na'me dole' nataq'aen jana'me nemala' choqona'me azufre.

Apocalipsis 8:7

'Uo ñe'me piyem le'ec jo'ne 'uaechiñe da'me dajedaĝan, qama'le jauana jajo'me loñi jo'ne ena'am ta'le qa' da'me qoyecodelegue jena'me aleua, choqoga'me dole' jo'ne yeleguet jaga'me netauo'. Qama'le gaa'me lael jena'me aleua jo'ne tres, 'uo ga'me onolec jo'ne yavic, nach'e ena'am jogaa'me ep'a uo'oe gaa'me yavi'j, nataq'aen yema jena'me nolelaĝa jo'ne dadala 'me uetalegue jena'me aleua.

Apocalipsis 8:9

Qama'le nach'e ena'am yele'u yema ga'me noĝop laje'pi jo'ne uetañgui jaga'me netauo', chaqagaa'me licotal jo'ne uo'oe, nach'e ena'am qoyenoĝo'n.

Apocalipsis 9:10

Naa'me lauenaqa nach'e ena'am 'uo na'me le jo'ne ena'am jena'me le jena'me noĝopic: nach'ena naa'me naajo' jo'ne 'uo da'me yaqanatet ta'le ya'uo da'me layaliaĝa'j joga'me jiyaĝadipi nalo'taguet cinco naa'me auoĝoyaqa.

Apocalipsis 9:5

Qalaĝaja ja qoyaje'tem ta'le yala't jogaa'me jiyaĝa'u, dite da'me yauote jo'ne en layaliaĝa 'me nalo'taguet cinco naa'me auoĝoyaqa da'me en lachoĝodaĝaiqui, qama'le da'me layaliaĝa'j jo'ne chiyaqayi ena'am da'me qom detoĝon ga'me noĝopic.

Apocalipsis 8:8

Joñe'me piyem le'ec laqaya jo'ne dajoyalegue ñe'me jo'ne 'uaechiñe, nach'e ena'am yajediye jaga'me lajeede, qama'le qoyajaĝañgui ga'me noĝop let'adaic ga'me jo'ne ena'am ta'le qajoĝonaĝa let'adaic jo'ne edetañgui. Qama'le gaa'me lael jena'me noĝop let'adaic 'uo ga'me onolec jo'ne neleguemaĝata jaga'me netauo'.

Apocalipsis 8:10

Joñe'me piyem le'ec laqaya jo'ne dajoyalo'te joñaa'me dos piyem laje' male yajediye jaga'me lajeede, qama'le 'uo jaga'me uaqachiñi lat'edai jo'ne edetañgui, ena'am jaga'me coyadaĝanaqate da'me lauaq, qama'le 'naqañe, chiyaqaje'ma di'me piyem, qama'le tachi'ña ga'me lae jogaa'me ñachel, naqaegaua jo'ne tres gaa'me lael, qama'le nach'e ena'am tañguilo jogaa'me noĝo'pi jo'ne natetedajeguem.

Apocalipsis 20:7

Mane'e qomle yenoĝodegue joga'me mil 'uoidi, qama'le ñe'me Satanás male yitaĝa qoyachiyoĝotaue da'me necoñetaĝanaĝaiqui da'me male yitaĝa qoyejoye,