Apocalipsis 8:7 - Nuevo Testamento Toba Sombrero Negro

⁷ 'Uo ñe'me piyem le'ec jo'ne 'uaechiñe da'me dajedaĝan, qama'le jauana jajo'me loñi jo'ne ena'am ta'le qa' da'me qoyecodelegue jena'me aleua, choqoga'me dole' jo'ne yeleguet jaga'me netauo'. Qama'le gaa'me lael jena'me aleua jo'ne tres, 'uo ga'me onolec jo'ne yavic, nach'e ena'am jogaa'me ep'a uo'oe gaa'me yavi'j, nataq'aen yema jena'me nolelaĝa jo'ne dadala 'me uetalegue jena'me aleua.

Nuevo Testamento Toba Sur

⁷ Nachi som hua'auchiguiñi namaxashic can dashiidaxan, nachi anac aso lachi qataq so nodec ÿalecteguet na ntago'q mayi qaicodelec 'enauac ana 'alhua. Nachi ÿavic añi 'oonole naua tres qo'ipa, nataq'en ana 'alhua, qataq na 'auaqpi dadala.

La'aqtaqa Ñim Lo'onatac 'Enauacna 2013

⁷ Nache so hua'auchiguiñi namaxashec piguem le'ec can ỹashiiyigui aso lasheere, nache anac aso lache qataq so norec ỹalecteguet na ntago'q. Nache ỹavic so 'oonolec naua tres lpa'axaco ana 'alhua, nataqa'en ana qo'oipaq, qataq nataqa'en 'enauac na 'auaqpi.

Apocalipsis 8:7 Referans Kwoze

Apocalipsis 9:4

Qama'le qoyamaĝalo'te da'me ja 'naĝa't jena'me lolelaĝa jena'me aleua uotaĝa jogaa'me uo'oe jo'ne dadala'y uotaĝa jogaa'me ep'a, dite jogaa'me jiyaĝa'u jo'ne ja netayelo naa'me nepel jaga'me 'lanaĝanaqate joñe'me Dios.

Apocalipsis 9:18

Qama'le qoyalat onolec ga'me lae jena'me jiyaĝadipi jo'ne tres gaa'me lael, yajouaĝat da'me na'ñalo naa'me naajo' ne'uaĝanagueco jo'ne tres 'me chiyaqauelo naa'me nedegaqa'te joga'me pegaĝadipi: na'me dole' nataq'aen jana'me nemala' choqona'me azufre.

Apocalipsis 9:15

Chane'eja male qoyejodegue jogaa'me cuatro piyem laje' qaedi yala't onolec gaa'me tres jena'me jiyaĝadipi, qa'a joote jalchi'ena da'me naqataĝanatac da'me qom male yovita da'me laloqo' jo'ne nayi, jenjo' nolo', jena'me jenjo' auoĝoic nataq'aen jenjo' uo'e.

Apocalipsis 16:21

qama'le di'me piyem 'uo jaga'me 'naqañe jo'ne qonajaĝa'ña ga'me jiyaĝadipi jo'ne lache 'me napacalegue da'me lejaliaĝadec ga'me cuarenta kilos jana'me onole lache. Chane'eja jogaa'me jiyaĝa'u ma'ejama'le da'me e'n lauteua' joñe'me Dios, qa'a yajouaĝadetem da'me yalateque jana'me lache, nach'eda da'me ne'uaĝanague'j jo'ne yataqachiñe let'adaic.

Apocalipsis 16:2

Joñe'me piyem le'ec jo'ne 'uaechiñe male ec, qama'le yecodelegue ga'me le'ec jaga'me yomaĝaiqui jo'ne mach'e loqote jena'me aleua, qama'le yema ga'me jiyaĝadipi jo'ne netayelo ga'me en 'nanaĝaijetel ñe'me jiyac polio' nataq'aen da'me 'yamaqate'n da'me netametot ga'me lequi'i ñe'me, male naje'moto ga'me nijiquiaĝa jo'ne co'yaq nataq'aen da'me dalataĝanac.

Apocalipsis 12:4

Jena'me lauenec yauelegue onolec ga'me lae jena'me uaqachiñipi jo'ne nalo'taguet tres naa'me lael jo'ne netedot di'me piyem, qama'le yajaĝachi'ña jena'me aleua. Qama'le jo'me ñaĝadiaq polio' male neta'ña ga'me dajoya'ña jaga'me yauo jo'ne jetaque c'oe, qaedi yalic ga'me lec'oĝot da'me yemta niyiñe.

Apocalipsis 6:8

Qama'le jauana ga'me pegaq laqaya jo'ne yoqoviyat da'me 'loyaĝac, nataq'aen jo'me netalegue jo'ne lenaĝat da'me «Neleuaĝa.» Jo'me chiyoĝogue nach'e ena'am jauana jo'me laqaya jo'ne equegue, 'me lenaĝat da'me «Napa'lpi Necoñetaĝaiqui'», qama'le nach'ejoua jo'ne qoyanema da'me lañoqotaĝanaĝa'j qaedi yala't ga'me onolec gaa'me cuatro jiyaĝa'u jo'ne uetedalegue jena'me aleua, qama'le yauote ga'me nalada't qaedi dalataĝa'tape, nataq'aen dalataĝatec da'me noqouaĝa choqogaa'me napite'nadi nataq'aen gaa'me yejidi jo'ne diquiya'ape.

1 Pedro 1:24

Qa'a naa'me nedii's jo'ne qoyedidiñe joca'li eet'oi: “Yema ga'me jiyaĝadipi ena'am ga'me auaqapi, Nataq'aen da'me mach'e 'loyaĝac ena'am ga'me la'uo jena'me auaqapi. Ga'me lolelaĝa male daqaqa qomle qama'le ga'me la'uo 'naqañe,

Santiago 1:11

Qa'a qom nenoĝojeguem jañe'me ajeua qama'le 'uo 'lañaĝac jena'me lauaq, qama'le en daqaqa jena'me lolelaĝa; chane'eja jena'me te'me la'uo male en 'naqañe ena'uac, qama'le da'me te'me 'lonaĝa male qaya. Qama'le nach'e naq'aeta qomle ga'me neuoyaq, da'me ena'am ta'le daqaqa ga'me mach'e nemenaĝaiqui.

Apocalipsis 7:1

Mane'e ca'li yem da'me dojo', qama'le jauanalo jaa'me cuatro piyem laje' jo'ne nechateta'ñalo naa'me cuatro loiquiaqa'te jena'me aleua, qama'le jogaa'me cha'li 'nelaĝatetedañe naa'me cuatro laya'che, qaedi ja yajedelegue jena'me aleua uotaĝa ga'me noĝop let'adaic, qama'le nach'e ena'ama gaa'me ep'a, qaga'te ta'le ch'e onole da'me yajedelegue.