Apocalipsis 7:17 - Nuevo Testamento Toba Sombrero Negro

¹⁷ qa'a joñe'me 'Naĝanaĝate Lec'oĝot jo'ne dajotalegue jaga'me je'onaĝaiqui jo'ne nejaliaĝaiqui, nach'eñe jo'ne nouatoqo't ena'uaque jogaa'me, qama'le yauetegue joga'me noĝop jo'ne yayetaye 'me chiyaqayi da'me nec'alaĝa. Nataq'aen joñe'me Dios male yiyo'y naa'me 'lae'te da'me niyojeguem yema jana'me lachi'.”

Nuevo Testamento Toba Sur

¹⁷ Cha'ayi ñi qagueta llalec mayi netangui na laiñi yi so'onqa', ñimayi ilo'ogue qome namayipi, 'eeta'am naq'en ana qagueta, qataq ÿauega cam chochi npaxaatashiguem na 'etaxat mayi chigaqaigui da nca'alaxa. Huaña, nachi ñi Dios iÿouec 'enauac na lachi' namayipi.

La'aqtaqa Ñim Lo'onatac 'Enauacna 2013

¹⁷ Cha'aye Ñim Lo'onatac 'Enauacna iỹouec 'enauac na lache' namayepi, qataq Ñi Qagueta Llalec maye netangui na laiñi añi so'onaxaqui, nacheñi ñi ilotague' namayepi, 'eeta'am ca ilotague' ana lalopi qaguetapi qataq ỹauega ca laỹe' na 'etaxat maye npaxaatasheguem maye chegaqaigui da nca'alaxa.»

Apocalipsis 7:17 Referans Kwoze

Juan 4:14

qalaĝaja joga'me jo'ne niyomigui ga'me noĝop jo'ne mach'e janegue, ja yitaĝa ta'le 'niyelaĝa ga'me noĝop lamaic. Qa'a joga'me noĝop jo'ne mach'e janegue ja yitaĝa em, qama'le ena'am ga'me ladic joga'me noĝop jo'ne nec'alaĝaiqui, chayovida'a ga'me jiyaĝaua taue da'me 'loyaĝac jo'ne ja 'naidena'a.

Juan 4:11

Jañe'me yauo male enaac: —Jaliaĝanec, yataqachiñe ja auana ga'me lo'o ta'le anaqadijeguem ga'me noĝop qa'a janjo' nopi'yaĝaiqui yataqachiñe qaya'ñgui: qama'le ¿jach'e jogamaĝa auachiyoĝo'tague ga'me noĝop jo'ne nec'alaĝaiqui?

Apocalipsis 22:1

Qama'le joñe'me piyem le'ec jayem yaloĝona di'me ñache jo'ne chichiñe jena'me noĝop jo'ne le'ec. Qama'le da'me 'loyaĝac di'me ñache ena'am ta'le cristal, nataq'aen da'me chiyoqotelegue ñe'me lejaliaqa' joñe'me Dios choqoñe'me 'Naĝanaĝate Lec'oĝot.

Apocalipsis 21:4

Qama'le joñe'me yiyo'y yema naa'me lachi'y ga'me jiyaĝadipi. Ja yitaĝa ta'le 'uo da'me yeleu ga'me jiyaĝaua, uotaĝa ta'le 'uo joga'me noyetac. Male qaya'te lachoĝode'j, nach'e ena'am da'me qaya'te layaliaĝa'j, qa'a ena'uaque jogaa'me 'uaechidiñe, nayi male ja yitaĝa ta'le uo'oe.

Apocalipsis 21:6

Yem da'me dojo' qama'le yitaĝa jayem dojapegue', enaac: —Male joote jen yem. Mach'e jayem jo'ne je'uaechiñe nataq'aen da'me naqayem jo'ne jep'ategue, ena'am ta'le jayem alfa nataq'aen da'me jayem omega. Ga'me jo'ne yelinquip, janema qomle ga'me laiquip jo'ne chiyaqayi da'me nec'alaĝa, 'me chiyaqañgui ga'me noĝop jo'ne nach'e eta't da'me nayetaye, 'me ja qoyaqanatet ta'le qodicot.

Juan 10:11

Naqayem jo'ne jayem 'naĝanaĝate nouatoqo't 'me onaĝaic. Ga'me jo'ne onaĝaic 'naĝanaĝate nouatoqo't yanegue da'me 'loyaĝac qaedi nec'alaĝatedegue jogaa'me 'naĝanaĝatelpi;

Juan 10:14

“Naqayem jo'ne jayem 'naĝanaĝate nouatoqo't 'me onaĝaic, qama'le jateto'n naa'me yelopi 'naĝanaĝatelpi, nataq'aen naa'me nach'e ena'am jayem yateto'n.

Apocalipsis 5:6

Chane'eja 'uo jo'me jauana jo'ne dajotalegue jo'me nejaliaĝaiqui jo'ne je'onaĝaiqui chaqaja'me cuatro yejidi, da'me uetañgui laeñi jaa'me 'yaĝaicachidi: nach'ejo jo'ne 'Naĝanaĝate Lec'oĝot da'me nechatetañe, qalaĝaja di'yoq da'me naqaeñe ñe'me jo'ne joote qoyalat; uo'oe gaa'me siete jo'ne lepeel, nataq'aen jogaa'me 'lae'te jo'ne siete. Gaa'me 'lae'te naqaegaua gaa'me siete lepaqa'li joñe'me Dios jo'ne qonamaĝata yema jena'me aleua.

Mateo 2:6

«Qalaĝaja am noic Belén, 'me ouetaue di'me aleua Judá, ja naqaeda ta'le yataqachiñe am 'naja jo'ne ja auena'ama gaa'me noyaqa let'adayaqa 'me p'ajodaye; qa'a 'uo qomle ga'me jaliaĝanec jo'ne am chiyaqaue jo'ne yaue'j qomle gaa'me yalaqapi jo'ne Israel laje'pi.»

Apocalipsis 4:11

“Am Qadejaliaĝanec nataq'aen da'me mach'e am Qanedios, Naqa'am jo'ne am tachigui da'me yataqata am qo'nonaĝachigui, Jouaĝat da'me 'uo da'me at'onaĝac nataq'aen da'me adañoqotaĝanaĝac let'adaic, Qa'a naqa'am jo'ne aue't yema naa'me naajo' uo'oe; Qa'a naq'aeta da'me mach'e adelnataĝac ca'li, Qama'le uo'oe nayi da'me male aue'n di'yo'quena.”

1 Pedro 5:2

'Noota qom yataqata adechiliyalo jogaa'me 'naĝanaĝatel jo'ne Dios lec'oqo'tepi 'me ami qoyanema qaedi adechiliyalo. 'Noota qom anoualaĝañetape'to, qa'a naqaeda da'me jo'ne Dios 'yamaqaten, qama'le ena'te aueñe'tem da'me ch'e ami qoyamaqatalo'te, uotaĝa ta'le aueñi adelnataĝaqui da'me ami qoyejeteneque jaga'me laicaua, dite da'me nach'e eta't da'me anejapachita.

Hechos 20:28

Chane'eja 'noota qom a'vicheta't adechiliyalo ena'uaque ga'me p'etaqadaiquipi, nach'eda jo'ne Dios Lepaqal ami e'n 'naĝanaĝate neuatoqo'tpi qaedi adechiliyalo ena'uaque ga'me Dios lec'oqo'tepi jo'ne nach'eñe en lajo'vi jaga'me letauo' ñe'me mach'e lec'oĝot da'me ecot.

Mateo 5:4

“Nataq'aen made'tapolqa qomle gaa'me jo'ne noye'tape, qa'a nach'egaua gaa'me jo'ne qoloyaĝanate'tape qomle.

Juan 4:10

Jesús 'yateguet: —Ta'le auayaten ga'me jo'ne Dios am yanem nataq'aen jayem auayaten da'me am jiyaĝatapecot qaedi jayem aniyomaĝan, qama'le ga'me aviyaĝanaque qama'le am janem ga'me noĝop jo'ne nec'alaĝaiqui.

Apocalipsis 14:4

Naqaenaua jo'ne jamaĝaiquipi, jo'ne ja 'nalegue da'me 'loyaĝa'j; qama'le nach'e eta't da'me quetedapegue' ñe'me 'Naĝanaĝate Lec'oĝot, ta'ya ga'me ta'ya. Naa'me naajo' jo'ne joote qonec'alaĝatedegue, qoyachiyoĝotauelo jogaa'me jiyaĝa'u, qama'le 'uaetede'eguet da'me qoyen najaqaje's jo'ne qoyanem ñe'me Dios choqoñe'me 'Naĝanaĝate Lec'oĝot.

Apocalipsis 21:22

Qalaĝaja ja jauana ga'me tamenaĝaiqui ta'le uetaue jodi'me noic, qa'a nach'eñe joñe'me Jaliaĝanec Dios jo'ne qaya'te yaqalaatac, nach'eñe 'me ena'am ta'le tamenaĝaiqui, choqoñe'me 'Naĝanaĝate Lec'oĝot.

Apocalipsis 21:23

Nach'e ena'am di'me noic ja youetaque jaga'me ajeua da'me qaedi yecoyadelegue, uotaĝa joga'me auoĝoic, qa'a mach'e en yoqotelegue da'me lauaqayaĝac joñe'me Dios, qama'le nach'eñe joñe'me 'Naĝanaĝate Lec'oĝot mach'e lecoyadaĝanaĝat.