Apocalipsis 7:14 - Nuevo Testamento Toba Sombrero Negro

¹⁴ Qama'le ja'ateguet: “Negue't. Naqa'am jo'ne auayaten, am jaliaĝanec.” Qama'le jayem 'yaĝatem: “Naa'me naajo' jo'ne nach'enaua 'me chiyoqodaue da'me lachoĝode'j let'adaic, nach'enaua jo'ne joote yiyo'y naa'me louo, yataqata yapaga't q'ae'n, yajouaĝat da'me yiyoĝotec jaga'me letauo' joñe'me 'Naĝanaĝate Lec'oĝot.

Nuevo Testamento Toba Sur

¹⁴ Nachi aÿim shiita': –Aque', 'am ÿataxala', 'am mayi 'auaÿaten. Nachi somayi 'eeta': –Qomyi ne'ena, nachina na chigoqtoigui da lta'adaic que'ejnaxac. Nachina na iÿoi' naua alogo qataq ÿataqta qui'itta, souaxat da deÿoxonalo naua ltago'q ñi qagueta llalec.

La'aqtaqa Ñim Lo'onatac 'Enauacna 2013

¹⁴ Nache aỹem sasateguet somaye sheeta': –'Am ỹataxala', 'am maye 'auaỹaten. Nache somaye 'eeta': –«Qomye ne'ena, nachena nam saishet da ileu co'ollaq huaigui so lta'araic que'eenaxac ana 'alhua. Namayepi ỹataqta huo'o da lpi'iỹaxac Ñim Lo'onatac 'Enauacna. Qaq Ñimaye nache ỹapalaxat na lasouaxashetpi, chegoqchigui da l-leuaxa Ñi Qagueta Llalec.

Apocalipsis 7:14 Referans Kwoze

1 Juan 1:7

Qalaĝaja, qom qolaqataue da'me yoqochiñe, nach'e naq'aeta da'me Dios uetaue da'me yoqochiñe, qama'le 'uo da'me qadaqayayaĝac, nataq'aen male lapalaqate' ena'uaque jodaa'me qadoeco queda'me naliñi qoyen jaga'me letauo' joñe'me Jesucristo jo'ne Lec'oĝot ñe'me Dios.

Apocalipsis 22:14

Made'tape jogaa'me jo'ne yiyo'y joga'me louo, qa'a nach'egaua jo'ne yauata da'me 'uo da'me ladiquiyaĝa'j q'aen jaga'me epaq jo'ne 'uo da'me nec'alaĝa choqoda'me e'n yaqanate't da'me tado'uet q'aen joga'me najom ga'me noic.

Hebreos 13:12

Qama'le nach'e ena'am ñe'me Jesús qoyen p'aye ga'me noic da'me 'uo da'me lachoĝodec ca'li yeleu, qaedi qodoĝotaĝaneque gaa'me loeco ga'me jiyaĝadipi, yajouaĝat da'me naliñi qoyen jaga'me mach'e letauo'.

Apocalipsis 1:5

qama'le nach'e ena'am chiyoqo'ot joñe'me Jesucristo, nach'eñe jo'ne choqotaĝanaĝaic 'me yataqatelegue, joñe'me jo'ne 'uaechiñe da'me 'niyelaĝajeguem da'me chiyaqauelo gaa'me napa'lpi, qama'le yataqata nejaliaĝatelo'te yema jogaa'me nejaliaĝanaqa jena'me aleua. Nach'eñe jo'ne jalcote da'me qo'mi noqopitalo, Qama'le qo'mi doĝotaĝaneque gaa'me qadoeco Ca'li naliñi jaga'me letauo' da'me qoyalat.

Apocalipsis 12:11

Da'me lomataĝanaĝa'j jogaa'me qadaqaya'olqa chiyoĝotayi jaga'me letauo' joñe'me 'Naĝanaĝate Lec'oĝot, jaga'me letauo' jo'ne naliñi qoyen ca'li yeleu, Choqonaa'me 'naqataqa jo'ne 'yaĝate'tape. Ja t'oita da'me qoyalatalo'te, Dite da'me najetede'eguet da'me leleuaqa'.

Hebreos 9:14

Chane'eja qom naq'aeta da'me dojo', qama'le jalcote da'me yaguegue da'me lañoqotaĝanaĝac jaga'me letauo' joñe'me Cristo, qa'a chiyaqayi ñe'me Dios Lepaqal jo'ne nach'e eta't da'me 'uo, ñe'me Cristo mach'e nemenot joñe'me Dios, da'me ena'am ta'le najaqajec jo'ne qaya'te lejepaĝanaĝa. Chane'eja jaga'me letauo' da'me yataqata e'n yoqovite' naa'me mach'e qadai'li, nach'eda da'me jo'ne ja yaqanatet ta'le chiyaqayilo jogaa'me najaqajel toye's, qama'le nayi yataqata jaqanatetaq da'me jo'onataĝanaĝauo'o ñe'me Dios jo'ne nach'e eta't da'me nec'aletaye.

1 Pedro 1:19

dite da'me qoyen jaga'me letauo' joñe'me Cristo, jo'ne nach'aga 'me onaĝai, ena'am ga'me 'naĝanaĝate lec'oĝot 'me qaya'te lapite'na nataq'aen ja paĝachigui da'me qoyalat.

1 Corintios 6:11

Uo'oe gaa'me naq'aeta ca'li da'me 'loyaĝa'j. Qalaĝaja male ami qonachilaĝa'n; male joote ami qoyiyota'alo qaedi oviyo'ot ñe'me Dios; male ami qoye'n yataqatelo'te q'ae'n; nach'eda lañoqotaĝanaĝac ñe'me Jaliaĝanec Jesucristo nataq'aen Lepaqal 'me ja 'nalegue ñe'me Qanedios jo'ne ami 'yetema da'me dojo'.

Apocalipsis 5:9

Qama'le 'yotedac jenjo' nalac jo'ne dalaĝaic: “Naqa'am jo'ne aueloteguet qoyen Da'me auacona ga'me nenañejec Qaedi anaqa't jogaa'me 'nanaĝanaqatel, Qa'a naqa'am jo'ne am qoyalat joca'li Qama'le naliñi jana'me adetauo' Da'me aue'n nejetenatac ñe'me Dios Joga'me jiyaĝadipi jo'ne yodapecache naa'me 'loyaĝaco naa'me 'laqataqa, Ena'uac da'me neqomyaĝac Nataq'aen ena'uaque gaa'me noyaqa.

Mateo 24:21

qa'a gaa'me noloqo'ote qom'te yataqachiñe 'uo da'me nachoĝodec, jo'ne ja naq'aeta ga'me 'uo chiyoqo'teguet ca'li 'uaechiñe qoye'et jena'me aleua, chayovida'a nayi, uotaĝa ta'le yitaĝa 'uo qom'te.

Juan 16:33

Joote ami ja'aĝatema yema daa'me daajo' qaedi ami uetauelo da'me 'nemaĝac da'me adaloi'ta't queda'me jayem ovi'tajop. Ga'me aleua laje'pi ami yachalo'te qomle da'me adachoĝodequi, qalaĝaja 'noota qom a'nañaĝachi qa'a da'me jayem joote ñomat ñe'me jo'ne nejaliaĝatelo'te ga'me aleua laje'pi.

Apocalipsis 17:6

Chane'eja da'me jayem male jauana jañe'me yauo da'me joote en taĝai q'aen jana'me letauo't ga'me jiyaĝadipi jo'ne ja 'nalo'te, nach'egaua jo'ne joote qoyala't yajouaĝat da'me 'yaĝatetedac joñe'me Jesús. Qama'le da'me jayem yataqata da'me joqoch'em.

Romanos 5:3

Nataq'aen ja jaldata da'me dojo', dite da'me nach'e ena'am ñi'yoĝodetapela't da'me uo'oe gaa'me qadachoĝodeco; qa'a jayatenaq queda'me qadachoĝodec qo'mi yanema da'me qadalo'oguet da'me qanapogaĝadenaĝac.

Hechos 14:22

Naa'me naajo' ale'u 'yañaqate'tape joga'me p'etaqadaiquipi nataq'aen 'yelopetapeque da'me 'nañaĝatela'ajalo da'me quetedalegue da'me lepe'e', qama'le yaqateque jogaa'me da'me qoyouetaque da'me naje'tegueta ga'me yodapecache 'me lachitataico, qaedi yaqanate't ta'le tadoue da'me Dios lejaliaĝa.

Apocalipsis 15:2

Nach'e ena'am jauana jaga'me qa'em lat'edai jo'ne yataqata chichiñe joga'me noĝop jo'ne yaleeguet ga'me dole' lauaq. Qama'le ga'me na'ña jaga'me qa'em lat'edai uo'oe ga'me jiyaĝadipi, naqaegaua jo'ne noma't ca'li ñe'me jiyac polio' choqoga'me jo'ne mach'e lequi'i, nach'eñe ñe'me jiyac polio' jo'ne 'uo ga'me naloqotenec jo'ne lenaĝat q'aen.

Apocalipsis 2:9

Joote jayaten da'me adachoĝodequi nach'e ena'am jayaten da'me qaya'te adeuoyaĝaqui, mate mane'e ena'am ta'le yataqata ami neuoyaĝadi, qama'le nach'e ena'am jayaten da'me eeta da'me ami dachinataĝalo'te jogaa'me jo'ne eetapela'ajalo lec'oqo'tepi joñe'me Dios. Qalaĝaja nach'egaua jo'ne ja p'etaqadayaqa, dite da'me chiyoqodayi da'me lemaĝac joñe'me Satanás.

2 Ts 1:4

Qama'le nayi yataqata 'uo da'me qadamaic nale ami jenataqa'talo nataq'aen ami ja'aĝataqa'tape nale 'uo ga'me jouaqa'ta na'me tamenaĝaiqui jena'me jenjo' aleua jo'ne mach'e Dios 'lemaqa. Nataq'aen da'me jayatenaq na'me ovi'ta yataqata 'uo ga'me laqalaic da'me jenjo' 'noota, chayovida'a da'me 'uo ga'me adachoĝodequi, qalaĝaja yataqata ami ejoda da'me auep'iiya'a joñe'me Qadet'a Dios.

Marcos 13:19

Gaa'me noloqo'ote qom'te yataqachiñe 'uo da'me nachoĝodec, jo'ne ja naq'aeta ga'me 'uo chiyoqo'teguet ca'li 'uaechiñe ye'et jena'me aleua joñe'me Dios, chayovida'a nayi, uotaĝa ta'le yitaĝa 'uo qom'te.

Apocalipsis 7:9

Mane'e ca'li yem da'me dojo' qama'le jauana ga'me jiyaĝadipi let'adaic jo'ne qaya'te yaqanatet ta'le noloqoten, jo'ne qoyachiyoĝotauelo yemeda jogaa'me noyaqa let'adayaqa nataq'aen yodapecache da'me neqomyaĝa'j nataq'aen yodapecache naa'me 'loyaĝaco naa'me 'laqataqa. Qama'le jauanalo da'me nechatetedañe ena'uac da'me dajotauo jaga'me je'onaĝaiqui jo'ne nejaliaĝaiqui, qama'le nach'e ena'ama dajoteda'aguet joñe'me 'Naĝanaĝate Lec'oĝot. Qama'le uo'oe naa'me louo jo'ne pagaĝayaqa nataq'aen da'me yachi'y jaa'me chaic layoqote, onolqa'tape jogaa'me jiyaĝa'u da'me lajoqot'alo.