Apocalipsis 6:6 - Nuevo Testamento Toba Sombrero Negro

⁶ Qama'le jomachiya jo'me 'naqatac jo'ne chimaqapiñgui jo'me laeñi jogaa'me yejidi, jo'ne eetac: “Da'me nejetenaguec ga'me onataĝanaĝaic, auen qomle da'me lajo'vi ena'am ga'me onolec kilo ga'me trigo lojoche, uotaĝa tres gaa'me kilos ga'me cebada lojoche. Qalaĝaja ena'te auen ne'uela't ga'me aceite uotaĝa ga'me uva li'i.”

Nuevo Testamento Toba Sur

⁶ Nachi sa'axaÿa so n'aqtac chimaxangui na laiñi soua shiguiÿac, 'eeta': –Ca un kilo na trigo naÿa'aguet qome aca lashiue ca shiÿaxaua da do'onataxan yi 'oonolec na'a'q, qataq tres kilo na cebada. Qalaxayi sa ishit qome da huo'o ca qon'ac na aceite qataq na lataxa.

La'aqtaqa Ñim Lo'onatac 'Enauacna 2013

⁶ Nache sa'axaỹa so na'aqtac chemaxangui na laiñi soua cuatro shiguiỹa'c maye nca'altraue'c, 'eeta': «Añi lasheue ca 'onataxanaxaic ye 'oonolec na'a'q, nalotalec da qaisheenaxana ca un kilos na trigo huo'otaq ca un kilos na cebada. ¡Qalaxaye saishet qome da huo'o ca qona'ac na aceite qataq na lataxa!»

Apocalipsis 6:6 Referans Kwoze

Apocalipsis 9:4

Qama'le qoyamaĝalo'te da'me ja 'naĝa't jena'me lolelaĝa jena'me aleua uotaĝa jogaa'me uo'oe jo'ne dadala'y uotaĝa jogaa'me ep'a, dite jogaa'me jiyaĝa'u jo'ne ja netayelo naa'me nepel jaga'me 'lanaĝanaqate joñe'me Dios.

Apocalipsis 4:6

Nataq'aen ga'me dajoya'ya jaga'me je'onaĝaiqui nach'e ena'am 'uo ga'me jo'ne ena'am ta'le qa'em lat'edai, jo'ne yaqa'ñe ena'am jaga'me cristal da'me chichiñe. Qama'le di'me laeñi jo'ne neta'ña jaga'me je'onaĝaiqui, ga'me jo'ne mach'e equejopa naa'me lael, uo'oe gaa'me cuatro yejidi polio' jo'ne najaqatelegue jaa'me 'lae'tepi ga'me dajoya'ague choqoga'me netauaqague.

Apocalipsis 7:3

enaac: “¡Ena'te auauoyi ga'me a'vichiyec jo'ne ja no'en jena'me aleua uotaĝa ga'me noĝop let'adaic uotaĝa jogaa'me ep'a, chayovida'a qom yem da'me ja'anaq naa'me nepel jogaa'me jo'ne mach'e lalemaĝaje'te ñe'me Qanedios!”

Mateo 24:7

Qama'le ga'me noic delo'ye' ga'me noic laqaya, nataq'aen gaa'me nejaliaqa'te deloiquitapega't. Nataq'aen 'uo da'me noqouaĝa, nataq'aen qayoĝode' gaa'me ale'u lael deda'tape.

Apocalipsis 4:8

Onolqa'tape jogaa'me yejidipi uo'oe gaa'me laua' jo'ne seis, 'me yapadichiñe jana'me 'lae'tepi jo'me p'aye jaa'me laua' choqojo'me p'auo. Nataq'aen da'me yema ga'me nolo' choqoga'me pi'yaq da'me ja yaĝadiñi da'me 'yotedac: “¡Yataqata ja 'nalegue joñe'me, Naqaeñe joñe'me Jaliaĝanec Dios jo'ne qaya'te yacalaatac, Joñe'me jo'ne jalchi'ena 'uo nataq'aen nach'e eta't da'me qo'mi ue'tajopa!”