Apocalipsis 6:2 - Nuevo Testamento Toba Sombrero Negro

² Qama'le jauana ga'me pegaq jo'ne pagaĝaic, nach'e ena'am jo'me netalegue jo'ne lajoqot'a jo'me lechiquenec. Qoyanem jajo'me noqop'a jo'ne oro da'me joote domataĝatac, qama'le ec qaedi yitaĝa domataĝan.

Nuevo Testamento Toba Sur

² Nachi samata'a, qaq sela'a so caaÿo lapagaxaic. Qaq so netalec huo'o so lchicnec lasoqta'a. Nachi somayi qoÿami' aso nado'o na nta'a. Nachi jec, da yaqto' dauegaxan, qataq da yaqto' nachi 'eetai' da dauegaxaatai'.

La'aqtaqa Ñim Lo'onatac 'Enauacna 2013

² Qaq aỹem samata'a somaye, nache sela'a da nnoxonec so caaỹo lapagaxaic. Qaq so netalec somaye nasoqta'a aso lchecna qataq so lchecnec, nache somaye qoỹami' aso naro'o na nta'a. Cha'aye nauec so npa'aguenaxauapi, qataq cha'aye nache 'eetai' da dauegaxaatai'.

Apocalipsis 6:2 Referans Kwoze

Apocalipsis 3:21

Jogaa'me jo'ne yovidedeta da'me noma't joga'me ja no'en, nach'egaua jo'ne janema da'me jayem neteda'ñe' di'me yejaliaqa', da'me ena'am da'me jayem ca'li jomataĝan, qama'le joneta'ñe' ñe'me Taĝadena' di'me mach'e lejaliaqa'.

Apocalipsis 14:14

Yem da'me dojo' qama'le yitaĝa jelojeguem, qama'le jauana jo'me piyem lo'oc jo'ne pagaĝaic, qama'le 'uo ñe'me netalegue jo'me piyem lo'oc jo'ne ena'am ta'le naqaeñe 'me Jiyaĝaua Lec'oĝot. Jena'me laqaic 'uo ga'me noqop'a jo'ne oro, nataq'aen lajoqot'a ga'me ledaĝanaĝat jo'ne yaec.

Apocalipsis 11:15

Ñe'me piyem le'ec laqaya jo'ne dajoyalo'te ñaa'me seis piyem laje' male yajediye jaga'me mach'e lajeede, qama'le qodomachiya ga'me nejamaĝa let'adaic jo'ne chimaqapegue di'me piyem jo'ne eetac: “Joñe'me jo'ne mach'e Qadejaliaĝanec Male nejaliaĝatelo'te yema jena'me aleua laje'pi Choqoñe'me Liquiyac joñe'me Qadet'a, Qama'le nach'eñe ñe'me jo'ne qaya'te ta'le loiquiaqa' da'me lejaliaĝa.”

Apocalipsis 17:14

Yem da'me dojo' qama'le deloi'te' ñe'me 'Naĝanaĝate Lec'oĝot, qalaĝaja ñe'me 'Naĝanaĝate Lec'oĝot noma't jogaa'me, qa'a ñe'me 'Naĝanaĝate Lec'oĝot naqaeñe jo'ne Lejaliaĝane'j ena'uaque jogaa'me jaliaĝanaqa, nataq'aen yataqata yaguegue da'me mach'e lañoqotaĝanaĝac. Qama'le gaa'me jo'ne ueteda'ajop joñe'me nach'egaua jo'ne Dios yiyaĝanalo 'me mach'e liquiyaqa, nach'egaua jo'ne yataqata p'iida'a joñe'me.”

Apocalipsis 15:2

Nach'e ena'am jauana jaga'me qa'em lat'edai jo'ne yataqata chichiñe joga'me noĝop jo'ne yaleeguet ga'me dole' lauaq. Qama'le ga'me na'ña jaga'me qa'em lat'edai uo'oe ga'me jiyaĝadipi, naqaegaua jo'ne noma't ca'li ñe'me jiyac polio' choqoga'me jo'ne mach'e lequi'i, nach'eñe ñe'me jiyac polio' jo'ne 'uo ga'me naloqotenec jo'ne lenaĝat q'aen.

Apocalipsis 11:18

Qa'a joga'me jiyaĝadipi jo'ne qaya'te lepe'e' male 'uo da'me nalimaĝa let'adaic; Qalaĝaja male yovita jena'me nolo' da'me a'uaĝa'n jogaa'me, Qom aua'uo da'me adec'atenaĝanaĝac jodia'me joote yele'u; Nataq'aen da'me auanema da'me nejetenague'j jogaa'me jo'ne mach'e adalemaĝaje'te jo'ne at'aqataĝanaĝanaqa, Choqoga'me mach'e ac'oqo'tepi jo'ne yataqatelo'te Nataq'aen yema jogaa'me jo'ne yataqata am 'nonaĝachidegue, Gamachaqaegaua jo'ne p'ajodaye, uotaĝa ja p'ajodaye; Nataq'aen da'me auala't jogaa'me jo'ne yolaĝachidegue jena'me aleua.”

1 Corintios 15:25

Qa'a youetaque queda'me Cristo cha'li nejaliaĝatelegue ena'uac chayovida'a qom Dios yapiaĝalo'te ena'uaque gaa'me qadaute'upi ñe'me Cristo.

Apocalipsis 19:14

Quetedapegue' ena'uaque jogaa'me mach'e nejoĝonaqapi, jo'ne yatedañe naa'me louo jo'ne onaĝayaqa da'me 'loyaĝa'j, yoqovite' choqoda'me pagaĝayaqa, qama'le nach'e ena'ama netalo'te jogaa'me pega' jo'ne pagaĝayaqa.

Mateo 28:18

Jesús nichiidi'uo jogaa'me qama'le yanema da'me laqataĝac, enaac: —Dios joote jayem yachalegue da'me yañoqotaĝanaĝac let'adaic, qaedi ñejaliaĝatelo'te yemeda gaa'me ueteda'ague di'me piyem nataq'aen gaa'me uetedalegue jena'me aleua.

Apocalipsis 9:7

Jogaa'me qojequioĝoil ena'ama jogaa'me pega' jo'ne niyamaqataqa qaedi nalada't lo'ol; naa'me laqai'go uo'oe naa'me netayelo jo'ne noqop'al jo'ne oro, qama'le naa'me latajoĝoco di'yoq da'me ena'am ta'le jiyaĝaua naa'me latajoĝoco.