Apocalipsis 5:5 - Nuevo Testamento Toba Sombrero Negro

⁵ Qalaĝaja 'uo ga'me onolec jogaa'me 'yaĝaicachidi 'me jayem dojapegue', enaac: “Ena'te yitaĝa anoyetac, qa'a ñe'me Jauaĝaic jo'ne chiyaqaue gaa'me lec'oqo'tepi ñe'me Judá, joñe'me jo'ne lolelaĝaic ñe'me David, nach'eñe jo'ne domataĝan qama'le yeloteguet qoyen da'me naqa't gaa'me siete 'nanaĝanaqate lidi'ñe qaedi 'youachigui ga'me nenañejec.”

Nuevo Testamento Toba Sur

⁵ Nachi so 'oonolec so nquedoxonecpi aÿim 'enapega, 'eeta': –Sa ishit qome da 'anoÿiitac. Cha'ayi ñi qoÿiitega León mayi chigoxoigui na llalaqpi so Judá, nataq'en chigoxoguet so nta'a David, ñimayi dauegaxan. Qaq ñimayi ishit da ÿauachigui ada'ada nede qataq da nqa't soua siete qaiuaxaatalguete n'anaxanaqte.

La'aqtaqa Ñim Lo'onatac 'Enauacna 2013

⁵ Qalaxaye huo'o so 'oonolec som nqueroxonecpi aỹem 'enapega, 'eeta': «Saishet da qoqueto'ot da 'anỹeetac, cha'aye Ñim talec da lo'onataxanaxac co'ollaxa so nta'a David, Ñim qaiỹaxana naxa da quiyoc lỹa maye chegoxoguet so Judá, Ñimaye mashe dauegaxan. Qaq ỹoqo'oye nachaqñita da huo'o da 'enec da nqa't naua siete na'anaxanaqtel qataq ishet da ỹauachigui ara nere.»

Apocalipsis 5:5 Referans Kwoze

Apocalipsis 22:16

“Jayem Jesús nach'ayem jo'ne jamaq ñe'me yamaĝajec jo'ne piyem le'ec qaedi ami 'yaĝatema yema da'me dojo', da'me ami jo'ne ovitauelo gaa'me tamenaĝaiqui'. Naqayem jo'ne jachiyoĝoguet di'me David, nataq'aen da'me nach'ayem jo'ne uaqachiñi 'me edetañgui nale ne'teta.”

Hebreos 7:14

Qa'a joñe'me Qadejaliaĝanec yataqachiñe qoyayaten da'me chiyaqauelo ga'me lec'oqo'tepi di'me Judá, nach'egaua jo'ne qaya'te 'uo ga'me 'laqatac ñe'me Moisés ta'le dojelo'te ca'li 'yaĝatetac da'me 'loyaĝa'j gaa'me netaĝayaĝanaĝanaqa.

Romanos 15:12

Isaías nach'e ena'am yediñe da'me dojo': “Ga'me lolelaĝai 'me chiyoĝoguet di'me Jesé yitaĝa nolelijeguem qomle, Nach'eñe ñijeguem qomle qaedi nejaliaĝatelo'te yema ga'me noyaqapi, Qama'le nach'eñe joñe'me dajoteda'a jogaa'me.”

Romanos 1:3

Qama'le nach'eda da'me 'naqataĝanaĝac jo'ne 'yaĝat ñe'me c'oĝot Jesucristo mach'e Qadejaliaĝanec, nach'eñe niyiñe ca'li ena'am ga'me ch'e jiyaĝaua jo'ne chiyoĝogueta ga'me c'oqo'tepi ñe'me David,

Apocalipsis 6:1

Yem da'me dojo' qama'le jauana joñe'me 'Naĝanaĝate Lec'oĝot da'me naqa't jogaa'me 'nanaĝanaqatel. Mane'e ca'li qonaqat jaga'me onole, qama'le jomachiya ga'me onolec gaa'me cuatro yejidi jo'ne 'uo ga'me lejamaĝa jo'ne ena'am da'me 'loĝoyaĝac jajo'me qajoĝonaĝa: “¡Oc nayi!”

Apocalipsis 4:4

Nach'e ena'am ga'me jo'ne equejop jaga'me neje'onaĝaiqui jo'ne lejaliaĝaiqui jauanalo gaa'me laqaya' jo'ne veinticuatro nejaliaĝaiqui' 'me je'onaĝaiqui', nach'egaua jo'ne netañelo jogaa'me veinticuatro 'yaĝaicachidi: yatedañe gaa'me louo jo'ne pagaĝayaqa choqogaa'me yanetayelo naa'me laqai'go gaa'me noqop'al jo'ne oro.

Apocalipsis 7:13

Qama'le 'uo ga'me onolec jogaa'me 'yaĝaicachidipi jo'ne jayem yenat: “¿Jach'e naa'me naajo' jiyaĝadipi jo'ne pagaĝayaqa naa'me louo, nataq'aen da'me jach'e jogamaĝa chiyoĝotegue?”

Apocalipsis 4:10

qama'le jogaa'me veinticuatro 'yaĝaicachidi yejoidiñe naa'me leliquetel da'me dajoyeda'aguet joñe'me qama'le yatem da'me loqopich'i nataq'aen da'me yajaĝadi'ña jogaa'me noqop'al joga'me dajoya'ña jaga'me neje'onaĝaiqui qama'le yo'o'n:

Apocalipsis 1:1

Jenjo' jo'ne qoyen di'yoq, da'me jo'ne maliaĝa ja qoyayate'n jo'ne Dios yane'm joñe'me Jesucristo, qaedi yayatenaĝanaĝaneque jogaa'me mach'e lalemaĝaje'te ga'me jo'ne paja'a 'uo qomle, chane'eja jayem namaĝa ñe'me lamaĝajec jo'ne piyem le'ec qaedi jayem yayatenaĝanaĝan, da'me jayem Juan jo'ne mach'e jayem lalemaĝajet joñe'me.

Juan 20:13

Qama'le jogaa'me piyem laje' yena't jañe'me yauo: —¿Toqoch'e anoyetac? Jañe'me 'yategueta jogaa'me: —Yajouaĝat da'me qoyachi jo'me Yejaliaĝanec, qama'le ja jayaten ga'me qoyacha'ña.

Lucas 7:13

Ca'li ñe'me Jaliaĝanec yauana jaga'me p'ai, 'uo da'me lichoĝodenataĝanaĝac qama'le dojapegue' jaga'me: —Ena'te anoyen.

Lucas 23:28

Qalaĝaja Jesús dajoyauelo gaa'me yauo' qama'le enaac: —Ami yauodipi jo'ne at'achaqaedi' jena'me Jerusalén, ena'te jayem anoyeñetapelegue dite da'me mach'e ami nataq'aen ga'me ac'oqo'chedi'.

Lucas 8:52

Ena'uaque noye'tape nataq'aen demalaqataĝata'ajalo jouaĝat jaga'me, qalaĝaja Jesús enaac: —¡Ena'te anoyeñi: jana'me q'añole maliaĝa ja yeleu, dite da'me ch'e t'ochetac!

Apocalipsis 3:21

Jogaa'me jo'ne yovidedeta da'me noma't joga'me ja no'en, nach'egaua jo'ne janema da'me jayem neteda'ñe' di'me yejaliaqa', da'me ena'am da'me jayem ca'li jomataĝan, qama'le joneta'ñe' ñe'me Taĝadena' di'me mach'e lejaliaqa'.

Apocalipsis 5:4

Chane'eja da'me jayem jalcote da'me ñoyenaĝac, qa'a yajouaĝat da'me ja qoyauana ga'me onolec jo'ne yeloteguet qoyen da'me 'youachigui ga'me nenañejec qaedi qoyec'aten.