Apocalipsis 5:14 - Nuevo Testamento Toba Sombrero Negro

¹⁴ Chane'eja jogaa'me cuatro yejidi male 'yadeteguet: “¡Nach'e naq'aeta da'me dojo'!” Qama'le jogaa'me veinticuatro 'yaĝaicachidi male yejoidiñe naa'me leliquetel da'me 'nonaĝachidegue joñe'me jo'ne netañgui jañe'me je'onaĝaiqui choqoñe'me 'Naĝanaĝate Lec'oĝot.

Nuevo Testamento Toba Sur

¹⁴ Qaq soua cuatro shiguiÿac 'eeta': –¡Aja', nachi 'eetec! Qaq som veinticuatro nquedoxonecpi nachi i'alyiñi naua l-llicte, nachi ÿi'oxoden ñim qaica ca loga't da nachaalataxac.

La'aqtaqa Ñim Lo'onatac 'Enauacna 2013

¹⁴ Qaq soua cuatro shiguiỹa'c maye nca'altraue'c 'eetra': «¡Aja', nache 'eetec!» Qaq soua veinticuatro nqueroxonqa ỹa'alyiñi naua l-llectel, nache ỹo'oxoreetrac som nso'ootangui aso nso'onaxaqui qataq So Qagueta Llalec.

Apocalipsis 5:14 Referans Kwoze

Apocalipsis 19:4

Qama'le joga'me veinticuatro 'yaĝaicachidi nataq'aen jogaa'me cuatro yejidi jo'ne nec'aletedaye, naqapaĝateguet jena'me aleua, da'me 'nonaĝachigui joñe'me Dios jo'ne neta'ña di'me lejaliaqa', qama'le enapega't: “¡Jaja'a, nach'e naq'aeta! ¡yataqata am qa'nonaĝachigui nayi!”

Apocalipsis 5:8

Mane'e da'me yacona ga'me nenañejec, qama'le jogaa'me cuatro yejidi nataq'aen jogaa'me veinticuatro 'yaĝaicachidi male yejoidiñe naa'me leliquetel da'me dajoyeda'aguet joñe'me 'Naĝanaĝate Lec'oĝot. Yemeda jogaa'me da'me uo'oe gaa'me liviquil nataq'aen da'me yachi'tape jogaa'me yomaĝaiqui' jo'ne oro, jo'ne najaqachiguilo jena'me lavionaĝa. Nach'ena na'me lavionaĝa 'me netamenaĝaco ga'me lec'oqo'tepi joñe'me Dios.

Apocalipsis 5:6

Chane'eja 'uo jo'me jauana jo'ne dajotalegue jo'me nejaliaĝaiqui jo'ne je'onaĝaiqui chaqaja'me cuatro yejidi, da'me uetañgui laeñi jaa'me 'yaĝaicachidi: nach'ejo jo'ne 'Naĝanaĝate Lec'oĝot da'me nechatetañe, qalaĝaja di'yoq da'me naqaeñe ñe'me jo'ne joote qoyalat; uo'oe gaa'me siete jo'ne lepeel, nataq'aen jogaa'me 'lae'te jo'ne siete. Gaa'me 'lae'te naqaegaua gaa'me siete lepaqa'li joñe'me Dios jo'ne qonamaĝata yema jena'me aleua.

Apocalipsis 7:12

eet'oi: “¡Nach'e naq'aeta da'me dojo'! ¡Nach'eñe joñe'me Qadet'a Dios Jo'ne nach'e eta't da'me 'ñonaĝataĝaye, Yemeda naa'me 'uoidi da'me ja pal, Jouaĝat da'me 'uo da'me 'lonaĝac let'adaic, Choqoda'me layatenaĝanaĝac! Qama'le janemaĝam da'me qadamaic nataq'aen da'me 'ñonaĝataĝaye, Qa'a nach'e ena'am qaya'te yaqalaatac, Jouaĝat da'me mach'e loĝot da'me lañoqotaĝanaĝac let'adaic, Joñe'me jo'ne nach'e eta't 'uo.”

1 Corintios 14:16

Qom ja naq'aeta ga'me auauoyi, qom 'uo ga'me nedo'ta't q'aen ñe'me lepaqal yanem da'me lamaic ñe'me Dios, gaa'me jo'ne qaya'te latetonaĝanaĝa'j ja yaqanate't ta'le yadenaĝa't ga'me tamenaĝac, qa'a ja yayate'n gaa'me 'naqataqa jo'ne qoyaconalo.

Apocalipsis 4:4

Nach'e ena'am ga'me jo'ne equejop jaga'me neje'onaĝaiqui jo'ne lejaliaĝaiqui jauanalo gaa'me laqaya' jo'ne veinticuatro nejaliaĝaiqui' 'me je'onaĝaiqui', nach'egaua jo'ne netañelo jogaa'me veinticuatro 'yaĝaicachidi: yatedañe gaa'me louo jo'ne pagaĝayaqa choqogaa'me yanetayelo naa'me laqai'go gaa'me noqop'al jo'ne oro.

Apocalipsis 4:6

Nataq'aen ga'me dajoya'ya jaga'me je'onaĝaiqui nach'e ena'am 'uo ga'me jo'ne ena'am ta'le qa'em lat'edai, jo'ne yaqa'ñe ena'am jaga'me cristal da'me chichiñe. Qama'le di'me laeñi jo'ne neta'ña jaga'me je'onaĝaiqui, ga'me jo'ne mach'e equejopa naa'me lael, uo'oe gaa'me cuatro yejidi polio' jo'ne najaqatelegue jaa'me 'lae'tepi ga'me dajoya'ague choqoga'me netauaqague.

Apocalipsis 5:11

Mane'e da'me yitaĝa jec'aten, qama'le jomachiya da'me lajamaĝa ga'me piyem laje'pi jo'ne yataqata jalcote, naqaegaua jo'ne equejop jaga'me je'onaĝaiqui choqogaa'me yejidi nataq'aen jogaa'me 'yaĝaicachidi,