Apocalipsis 3:3 - Nuevo Testamento Toba Sombrero Negro

³ Anetoviñetac da'me napaĝaguenataĝanaĝac jo'ne joote auacoñiyeguet ca'li: naqaeda oquitalegue qama'le a'niyelaqaeyot ñe'me Dios. Qalaĝaja qom ja aneloyiye qama'le ami jec'atalo qomle, da'me jadenaĝat ga'me cachaĝaic jo'ne ja qoyayaten ga'me laloqo' da'me novi', qama'le paja'a da'me ami je'uaĝa'n qomle.

Nuevo Testamento Toba Sur

³ Qaq 'auennate qome da napaxaguenataxanaxac mayi 'auaconguet co'ollaxa. Qaq nachida qoquegue, qataq qoca'aisalo naua 'an'onataxaco. Qaq da sa ishit da 'auatom, nachi 'am ñoqo'ona qome, qalaxayi se'enaxatteguem ca cachaxaic mayi sa ishit da qaÿaÿaten ca laloqo' da nvi'.

La'aqtaqa Ñim Lo'onatac 'Enauacna 2013

³ Qataq 'auennata'a 'enauac nam 'auaỹaten maye na'aqtaguec Ñim Lo'onatac 'Enauacna, ime, nache 'avi'eguelaqot Ñimaye qataq 'aualaxaguet. Qaq da saishet da nache qonetec de'era, nache 'am ñeqo'ona da sauo'o ca 'anhuaxanaguec, qataq 'am sevira qom mashe saishet da Aỹem 'auauotaique; sheeta'am ca cachaxaic da saishet da qaỹaỹaten ca laloqo' da nvi' da decache.

Apocalipsis 3:3 Referans Kwoze

Apocalipsis 2:5

Chane'eja auenache'ta ga'me eeta da'me at'oyaĝaqui ca'li 'uaechiñe, qa'a nayi ja ena'am dite da'me ena'am ta'le auachiyaqajeguem, qama'le nayi 'noota qom a'niyelaqaeyot ñe'me Dios, qaedi yitaĝa auauoyi da'me jo'ne 'uaechiñe at'onataĝanaĝaqui. Qalaĝaja qom ja auauoyi da'me dojo' qama'le ami jec'atalo qama'le jen ca'ae ga'me 'lachaqa' jaga'me adecoyadaĝanaqate, qom ja yitaĝa jetaque a'niyelaqaeyot ñe'me Dios.

2 Pedro 3:10

Qalaĝaja ga'me nolo' qom 'niyelaĝaquena ñe'me Jaliaĝanec, qama'le nejeteteuo ena'am ga'me cachaĝaic. Ua'a qama'le di'me piyem male 'uo da'me 'loĝoyaĝac let'adaic da'me iyiñe, qama'le 'uo ga'me dole jo'ne yaviyaĝa't yema jogaa'me neteda'ague di'me piyem. Yem qama'le jena'me aleua choqogaa'me jo'ne uetedalegue da'me male tadoue da'me laloqotenaĝanaĝac ñe'me Dios.

1 Ts 5:2

Qa'a jena'me jenjo' yataqata joote auayachiñe, ga'me ua'ña da'me yitaĝa 'niyelaq joñe'me Jaliaĝanec, yataqata qaya'te yayaten, ena'am joga'me cachaĝaic qom yeuotac ga'me pi'yaq.

Apocalipsis 16:15

Joñe'me Qadejaliaĝanec enaac: “Piiya, jayem auec'achiñe, ñanaequena qomle, qama'le ñejetetauo jena'am ga'me cachaĝaic, qama'le matac ga'me jo'ne nach'e eta't da'me nelotaye, qa'a Dios nelochi'ña joga'me nataq'aen da'me netelalo gaa'me louo qaedi ja jale'tague, qaedi ja qoyauana da'me jo'ne mach'e lepocoĝoc.”

Mateo 25:13

“Chane'eja 'noota qom a'vicheta't, qa'a ja auayachiñe ga'me nolo' uotaĝa ga'me laloqo' da'me yitaĝa 'ñiyelaq.

Hebreos 2:1

Chane'eja 'noota qom yataqata jeloqo'tegue da'me ladic na'me napaĝaguenataĝanaĝac jo'ne joote jomachaĝa, qaedi ja jejomaqatac.

1 Timoteo 6:20

Am yaqaya Timoteo, yataqata adetela da'me dojo' am qoyanem jo'ne am qo'yamaqatenec. Ena'te anaquiaĝanalo jogaa'me jiyaĝa'u jo'ne ja 'noe'n gaa'me 'laqataqa, jo'ne ye'uetedac joñe'me Dios nataq'aen yataqata ochichiguilo. Nach'egaua eetapela'ajalo yatenaĝanaĝayaqa, qalaĝaja ja naq'aeta.

Marcos 13:36

Qa'a ja 'noota qom pelaqatela't da'me paja'a ñovi' qama'te ami jejomalo'te da'me ena'am ta'le a'uochetac.

Marcos 13:33

Chane'eja ¡achiya'aguet! Aneloyitaye nataq'aen a'vicheta't, qa'a ja auayachiñe qom novi' ga'me nolo' jo'ne laloqo'.

Apocalipsis 3:19

Da'me jayem jachimaĝategue da'me 'loyaĝa'j yema jogaa'me jo'ne joqopitalo, nataq'aen japaĝaguenataĝa'n jogaa'me. Chane'eja 'noota qom yataqata a'nañaĝachi qama'le a'niyelaqaeyot ñe'me Dios.

2 Pedro 3:1

Ami yaqaya'olqa, naajo' yedii's male dos gaa'me nedel 'me ami jamaĝalo. Da'me mach'e 'yamaqatenataĝanaĝac naa'me dos nedel uedaye da'me ami japaĝagueneque, da'me ami jayatenaĝanaĝaneque da'me jo'ne chimaqategue.

Apocalipsis 3:11

Jayem paja'a da'me ñanac qomle, qama'le 'noota qom aviyamaĝachetac da'me jo'ne joote ami uetauelo, qaedi qaya'te 'uo ga'me yaqanatet ta'le deuodaĝanec da'me adomataĝanaĝachi.

Apocalipsis 2:25

nach'edata da'me 'noota qom aviyamaĝachetac da'me jo'ne joote auañiya, chayovida'a qom yitaĝa ami jec'atalo.

2 Pedro 1:13

Da'me cha'li maliaĝa jec'aletaye, 'uo da'me yelnataĝac da'me jeetapega 'noota ta'le nach'e eta't ami ñetouenaĝanaĝaneque da'me dojo' napaĝaguenataĝanaĝac.

2 Timoteo 1:13

'Noota ta'le oque'teguelo naa'me 'yaqataqa jo'ne ejoda, da'me yapaĝaguenataĝanaĝac jo'ne joote am janem, nataq'aen ena'te aĝañi joda'me qadepe'e ladic choqoda'me noqopich'i jo'ne chiyoqo'ot ñe'me Cristo Jesús.

Apocalipsis 3:2

Chane'eja aneloyiye nayi, ena'te a'uochiitac, nataq'aen a'uañaqachichi' gaa'me uo'oe jo'ne at'onataqadi' 'me yamta'le ye'm, qa'a jelotapega nayi da'me at'onataĝanaĝaqui jo'ne ja nalo'ta't, nach'eda jo'ne nach'e eta't yec'atetac joñe'me mach'e Ñedios.

Apocalipsis 22:7

“Chane'eja da'me jayem paja'a da'me yitaĝa 'ñiyelaq qomle, qama'le matac ga'me jo'ne yoqocha'alo naa'me 'naqataqa jo'ne napaĝaguenataĝanaĝaco, naa'me jo'ne qoyedidiñe 'me uetedalegue janjo' nede.”