Apocalipsis 3:15 - Nuevo Testamento Toba Sombrero Negro15 Joote jayaten yema da'me auauoyi, da'me ja ami 'te omta nach'e ena'am da'me ja ami 'te p'e. ¡Quiliajaĝa da'me naq'aeta da'me ami omta, uotaĝa ami p'e! Gade chapit laNuevo Testamento Toba Sur15 Aÿim saÿaten 'enauac nam 'au'ottacpi. Qataq saÿaten da sa ishit da 'am tomta, qataq sa ishit da 'am dapaqa. Qaq ¡'onaxáictaxa da chochi 'am tomta, huo'otaq da 'am dapaqa! Gade chapit laLa'aqtaqa Ñim Lo'onatac 'Enauacna 201315 Aỹem saỹaten 'enauac nam 'auo'ottacpi, qataq saỹaten da saishet da imauec da Aỹem 'aualaxaguet qataq saq 'amaqtaq da 'aralaxayec. ¡Qaq 'onaxaictaxa da imauec da Aỹem 'aualaxaguet, huo'otaq imauec da saishet da Aỹem 'aualaxaguet! Gade chapit la |
“Qaya'te yaqanatet ta'le en dos gaa'me ladi'p qaedi t'onataĝanoto, qa'a yañoĝot da'me niquiya'a ga'me onolec mate mane'e noqopita ga'me laqaya, nataq'aen yoqo'cha ga'me onolec qama'te 'yotan ga'me laqaya. Qama'le nach'e ena'am da'me ami: ja qoyaqanatet ta'le qot'onataĝaneuo'o ñe'me Dios choqodaa'me neuoyaĝaco.
Jo'oyapega nale jenate'ta qom ami jec'atalo da'me ami jejapichiyalo, qama'te jauana ga'me at'oyaĝaqui jo'ne ja ja'amaqaten, nataq'aen jayem auañiya ga'me 'yoyaĝac jo'ne ja naqaega ta'le jetaque auañiya. Jo'oyapega ta'le ami jejomalo'te da'me aueloquitapega't, uotaĝa aualemataitapega't, 'uo da'me 'yotaĝac, nachinataĝanaĝac, novidaqataĝanaĝac, 'yoĝodenaĝac nataq'aen qaya'te niyamaĝa ami uetauelo.
“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Sardes: «Da'me ami jo'ne oñiya'ña di'me Sardes, ami janema nayi jenjo' 'yaqatac, mach'e jayem jo'ne ñejaliaĝatelo'te jogaa'me siete nepaqa'li jo'ne chiyoqo'ot joñe'me Dios nataq'aen yajoqot'a gaa'me siete uaqachiñil: Joote jayaten yema da'me auauoyi jo'ne chiyaqayi da'me a'naqataguequi da'me yataqata anec'aliitaye, qalaĝaja ja naq'aeta, dite da'me ena'am ta'le joote adelevi.
Joote jayaten yema da'me auauoyi, nataq'aen jayaten da'me 'uo da'me laqalaic da'me jo'ne at'onataĝanaĝaqui, choqoda'me nach'e eta't da'me ja aĝañiñi, nach'e ena'am jayaten da'me ja auaqanachichi ta'le anapogaĝadeñiyegueta jogaa'me jiyaĝa'u jo'ne ja 'noe'n, qama'le nach'e ena'am jayaten da'me analoqochiñe nale jogaa'me jo'ne eetapela'ajalo Dios lamaĝa's qalaĝaja ja naqaegaua, qama'le auanomiya'a da'me nach'egaua jo'ne pecayaqa.
Ami yaqaya'olqa, 'noota qom yemeda naa'me naajo' noloqo'ote janemaĝam da'me qadamaic joñe'me Dios, jouaĝat da'me ami. Nach'ena jena'me jenjo' ta'le jauoqo, qa'a da'me ami male yataqata auep'iiya'a joñe'me Dios, nataq'aen da'me di'yoq yataqata anoqopich'iya't, da'me ami naqaya' onolqa'tape da'me ami.