Apocalipsis 22:16 - Nuevo Testamento Toba Sombrero Negro

¹⁶ “Jayem Jesús nach'ayem jo'ne jamaq ñe'me yamaĝajec jo'ne piyem le'ec qaedi ami 'yaĝatema yema da'me dojo', da'me ami jo'ne ovitauelo gaa'me tamenaĝaiqui'. Naqayem jo'ne jachiyoĝoguet di'me David, nataq'aen da'me nach'ayem jo'ne uaqachiñi 'me edetañgui nale ne'teta.”

Nuevo Testamento Toba Sur

¹⁶ –Qaq nachaÿim Jesús mayi ñamaq so ÿamaxashic, da yaqto' i'axatem 'enauac de'eda nam aÿim i'amaqteetac. Qaq nachaÿim mayi aÿim chigoxoguet so nta'a David qataq nachi sachigoxoguet somayi. Qataq aÿim mayi nachaÿim huaqajñi yi'oxoñi lalaqte.

La'aqtaqa Ñim Lo'onatac 'Enauacna 2013

¹⁶ «Aỹem samaq so ỹamaxashec piguem le'ec, da yaqto' da'aqtaxanem 'enauac de'era nam Aỹem ỹa'amaqteetac. Qaq Nachaỹem maye sachegoxoguet so nta'a David. Qataq nache Aỹem huaqaañi yo'oxoñi lashe maye ỹataqta 'eroigui da yo'oxoñitai'.»

Apocalipsis 22:16 Referans Kwoze

Apocalipsis 5:5

Qalaĝaja 'uo ga'me onolec jogaa'me 'yaĝaicachidi 'me jayem dojapegue', enaac: “Ena'te yitaĝa anoyetac, qa'a ñe'me Jauaĝaic jo'ne chiyaqaue gaa'me lec'oqo'tepi ñe'me Judá, joñe'me jo'ne lolelaĝaic ñe'me David, nach'eñe jo'ne domataĝan qama'le yeloteguet qoyen da'me naqa't gaa'me siete 'nanaĝanaqate lidi'ñe qaedi 'youachigui ga'me nenañejec.”

2 Pedro 1:19

Qama'le jenjo' jo'ne yataqachiñe 'yaediñi daa'me nedii's jo'ne lapaĝaguenataĝanaĝaco jodia'me Dios 'laqataĝanaĝanaqa. Chane'eja yataqata auacoñiyegueta naa'me naajo' qama'le auoqochiiyalo, qa'a naa'me naajo' napaĝaguenataĝanaĝaco eda'am jaga'me coyadaĝanaqate qom yecoyadelegue ga'me 'nachaqa' jo'ne 'uo da'me 'lalaĝa. Yataqata auoqochiiya chayovida'a da'me yeda'aguet ga'me nete' qama'le nenoĝojeguem jaga'me uaqachiñi jo'ne ni'chije qaedi yecoyadelo'te naa'me adai'lidi'.

Apocalipsis 1:4

Jayem Juan ami jep'iye'n nayi, da'me ami Dios lec'oqo'tepi jo'ne oñiya'ña di'me aleua jo'ne Asia. Auacoñiyeguet nayi da'me nichoĝodenataĝanaĝac nataq'aen da'me 'nemaĝac jo'ne chiyoqo'ot joñe'me jo'ne jalchi'ena 'uo, nataq'aen nach'e eta't da'me qo'mi ue'tajopa, choqoñaa'me siete nepaqa'li ja 'nalo'te jo'ne dajoteda'aguet da'me lejaliaqa' joñe'me,

Apocalipsis 22:20

Joñe'me jo'ne 'yaĝatetac da'me dojo', eetac: —Eja da'me jayem paja'a da'me 'ñiyelaĝaquena qomle. Qama'le nach'e naq'aeta da'me dojo'. Am Jaliaĝanec Jesús, ¡Auanaequena!

Mateo 22:42

qama'le Jesús yachimaĝatalo jogaa'me enaac: —¿Jach'e ga'me eeta ga'me adelnataĝaqui nale auenechii'ta ñe'me Dios Liquiyac? ¿Jach'e ga'me chiyoĝoguet? 'Yadeteguet jogaa'me: —Chiyoĝoguet di'me qadet'a David.

Apocalipsis 22:6

Qama'le joñe'me piyem le'ec jayem dojapegue', enaac: “Naa'me naajo' 'naqataqa nach'enaua jo'ne ejoda nataq'aen da'me chiyaqayilo da'me nepe'e, qa'a joñe'me Jaliaĝanec Dios jo'ne yanema ca'li ñe'me Lepaqal dia'me 'laqataĝanaĝanaqa, nach'eñe jo'ne yamaĝalo nayi ñe'me mach'e lamaĝajec jo'ne piyem le'ec, qaedi yayatenaĝanaĝaneque jogaa'me uo'oe gaa'me jo'ne mach'e lalemaĝaje'te, queda'me paja'a da'me uo'oe qomle jogaa'me di'yo't.”

Apocalipsis 1:1

Jenjo' jo'ne qoyen di'yoq, da'me jo'ne maliaĝa ja qoyayate'n jo'ne Dios yane'm joñe'me Jesucristo, qaedi yayatenaĝanaĝaneque jogaa'me mach'e lalemaĝaje'te ga'me jo'ne paja'a 'uo qomle, chane'eja jayem namaĝa ñe'me lamaĝajec jo'ne piyem le'ec qaedi jayem yayatenaĝanaĝan, da'me jayem Juan jo'ne mach'e jayem lalemaĝajet joñe'me.

Mateo 2:2

qama'le denataĝa'n jogaa'me: —¿Jach'e ga'me ue'ta ga'me judiopi lejaliaĝane'j jo'ne yemta niyiñe? Qa'a jauanaĝa jaga'me neuaqachiñi jo'ne chiyoĝogue ga'me nayapije'ma jañe'me ajeua, qama'le ñanaĝaquena qaedi 'ñonaĝataĝaye.

Apocalipsis 3:22

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi!»”

Apocalipsis 3:13

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi!»

Apocalipsis 3:6

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi!»

Romanos 9:5

Nach'egaua lec'oqo'tepi dia'me jachiyojoĝogueta 'me qadet'al; nataq'aen qadaqachidiaĝa'u, qama'le chiyaqayi da'me mach'e nejiyaĝauayaĝa'j novidetaquena ñe'me Dios liquiyac, mach'e Dios 'me napacalo'te ena'uaque gaa'me uo'oe, 'noota qom nach'e eta't qo'nonaĝachigui. Jaja'a, nach'e naq'aeta da'me dojo'.

Apocalipsis 22:11

Auomachi'ta ga'me jo'ne qaleuaĝaic da'me quetapegue'to gaa'me mach'e laqaleuaĝaco, nach'e ena'am ga'me jo'ne paĝachigui, auomachi'ta da'me quetapegue' da'me lejepaĝanaĝac, qalaĝaja ga'me jo'ne onaĝaicaloec, 'noota qom quetalegue da'me ya'uo da'me onaĝaic, nataq'aen ga'me jo'ne ja 'nalegue, 'noota qom quetalegue da'me uetaue da'me jo'ne ja 'nalegue.”

Apocalipsis 22:1

Qama'le joñe'me piyem le'ec jayem yaloĝona di'me ñache jo'ne chichiñe jena'me noĝop jo'ne le'ec. Qama'le da'me 'loyaĝac di'me ñache ena'am ta'le cristal, nataq'aen da'me chiyoqotelegue ñe'me lejaliaqa' joñe'me Dios choqoñe'me 'Naĝanaĝate Lec'oĝot.

Apocalipsis 2:17

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Jogaa'me jo'ne yovidedeta da'me noma't joga'me ja no'en, nach'egaua jo'ne je'n yali'j qomle jaga'me maná jo'ne ja di'yoq di'me ueta'ña, qama'le nach'e ena'am da'me janema ga'me qa' jo'ne pagaĝaic, da'me jo'ne joote qoyediñe ga'me lenaĝat jo'ne dalaĝaic 'me qaya'te ta'le yateton dite joga'me jo'ne yaconeguet.»

Lucas 1:78

Qa'a da'me let'adaic lichoĝodenataĝanaĝac ñe'me mach'e Qanedios, Qama'le qo'mi namaĝalo ñe'me Qadec'alaĝaiqui, jo'ne chiyaqaje'ma di'me p'ajeguem, ena'am ta'le nolo' jo'ne dalaĝaic,

Apocalipsis 2:7

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Qama'le gaa'me jo'ne yovidedeta da'me noma't joga'me ja no'en, nach'egaua jo'ne janema qomle ga'me yali'j jo'ne jala jaga'me epaq 'me chiyaqayi da'me nec'alaĝa, nach'aga jo'ne neta'ña di'me noqop'adit joñe'me Dios.»

Mateo 22:45

¿Teua'atoqo' chiyoĝoguet di'me David ñe'me Dios Liquiyac, queda'me mach'edi David yiyaĝanaĝatapec «Jaliaĝanec»?

Mateo 1:1

Janjo' nedaĝalate jo'ne lenaqa'te jogaa'me chiyoĝogueta ñe'me Jesucristo, qama'le nach'eñe chiyaqayilo dia'me David nataq'aen Abraham:

Apocalipsis 2:11

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Qama'le jogaa'me jo'ne yovidedeta da'me noma't joga'me ja no'en, nach'egaua jo'ne qaya'te ta'le onolec ja no'en jo'ne lachoĝodec qom yovidedeta ga'me neleuaĝa jo'ne p'ategue.»

Romanos 15:12

Isaías nach'e ena'am yediñe da'me dojo': “Ga'me lolelaĝai 'me chiyoĝoguet di'me Jesé yitaĝa nolelijeguem qomle, Nach'eñe ñijeguem qomle qaedi nejaliaĝatelo'te yema ga'me noyaqapi, Qama'le nach'eñe joñe'me dajoteda'a jogaa'me.”

Apocalipsis 1:11

Qama'le jayem enapega: “Auediñe da'me dojo' jo'ne auana jo' qomle, auachalegue jaga'me nede qaedi auamaĝalo jogaa'me siete tamenaĝaiqui', jogaa'me jo'ne napi'ñalo jogaa'me noyaqa jo'ne netedaue di'me aleua Asia: gaa'me noyaqa jo'ne Éfeso, Esmirna, Pérgamo, Tiatira, Sardes, Filadelfia nataq'aen di'me Laodicea.”

Lucas 20:44

Qama'le, ¿teua'atoqo' chiyoĝoguet di'me David ñe'me Dios Liquiyac, qom nach'edi di'me David yenaqatenec «Yejaliaĝanec»?