Apocalipsis 22:14 - Nuevo Testamento Toba Sombrero Negro

¹⁴ Made'tape jogaa'me jo'ne yiyo'y joga'me louo, qa'a nach'egaua jo'ne yauata da'me 'uo da'me ladiquiyaĝa'j q'aen jaga'me epaq jo'ne 'uo da'me nec'alaĝa choqoda'me e'n yaqanate't da'me tado'uet q'aen joga'me najom ga'me noic.

Nuevo Testamento Toba Sur

¹⁴ Qaq ÿataqta machiguiñi qome ca iÿoi' naua alogo, yaqto' ishit da nhuaatau'a aca qo'ipaq mayi chigaqaigui da nca'alaxa, qataq da yaqto' ishit da inoxoneu'a ñi lasom yi'iyi la ciudad.

La'aqtaqa Ñim Lo'onatac 'Enauacna 2013

¹⁴ Nam ỹaxaañi da ỹo'ottac na qauem, nache Ñim Lo'onatac 'Enauacna ỹaalec ca nqouagaxa, nache ỹami' da nhuanaua'a da chec ana ala ara qo'oipaq maye chegaqaigui da nca'alaxa maye chochaq tatec. Namayepi ishet da inoxoneua'a na lasompi yi'iye nỹecpi.

Apocalipsis 22:14 Referans Kwoze

Apocalipsis 21:27

Qalaĝaja ja yenoĝoneuo ga'me jo'ne paĝachigui, uotaĝa jogaa'me jo'ne 'yete'tape naa'me loeco jo'ne ja 'noe'n uotaĝa jogaa'me qovinaĝanaĝayaqa. Yejamache yaqanate't da'me yenoĝodeuo jogaa'me jo'ne joote qoyedidiñe naa'me lenaqa'te jo'ne uetedalegue jaga'me nede jo'ne loĝot joñe'me 'Naĝanaĝate Lec'oĝot 'me nedaĝalate jena'me qonec'alaĝatedegue.

1 Juan 5:3

Nach'eda queda'me ta'le qadoqopita ñe'me Dios, qama'le jiyamaĝata' jodaa'me lamaĝajoĝonaĝaco. Nataq'aen jodaa'me lamaĝajoĝonaĝaco yataqata ja dajali',

Apocalipsis 22:7

“Chane'eja da'me jayem paja'a da'me yitaĝa 'ñiyelaq qomle, qama'le matac ga'me jo'ne yoqocha'alo naa'me 'naqataqa jo'ne napaĝaguenataĝanaĝaco, naa'me jo'ne qoyedidiñe 'me uetedalegue janjo' nede.”

1 Juan 3:3

Nataq'aen ena'uac joga'me ue'tajop da'me dojo' najoĝonataĝanaĝac joñe'me Cristo, 'noota qom ja en 'te 'nalegue da'me 'loyaĝac joga'me, nach'e naq'aeta queda'me ja 'nalegue joñe'me Cristo.

Juan 14:15

Yitaĝa enaac ñe'me Jesús: —Qom yataqata jayem adoqopichiya, qama'le auoqochiya'alo naa'me yamaĝajoĝonaĝaco.

Apocalipsis 2:7

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Qama'le gaa'me jo'ne yovidedeta da'me noma't joga'me ja no'en, nach'egaua jo'ne janema qomle ga'me yali'j jo'ne jala jaga'me epaq 'me chiyaqayi da'me nec'alaĝa, nach'aga jo'ne neta'ña di'me noqop'adit joñe'me Dios.»

1 Corintios 7:19

Qa'a ñe'me Dios ja naqaeda pacapegue' ta'le joote qo'mi qo'yaneque ga'me nichaĝajoĝonaĝac uotaĝa maliaĝa qaya, dite da'me yataqachiñe jeyamaĝata' daa'me lamaĝajoĝonaĝaco.

Apocalipsis 22:2

Chane'eja jena'me laeñi di'me naq'aec jo'ne uañe laeñi jodi'me noic, choqonaa'me lael di'me ñache naje'ma jana'me epaq jo'ne ya'uo da'me nec'alaĝa, qama'le da'me nejalayaĝac onolqa'tape naa'me auoĝoyaqa da'me ya'uo jana'me jala, nalo'taguet doce da'me ya'uo naa'me onolqa'tape 'uoidi. Qama'le nach'e ena'am jaa'me layoqote jogaa'me ep'a onaĝaic da'me yeloteguet queda'me nec'alaĝategue ena'uac joga'me noyaqapi jo'ne aleua laje'pi.

Juan 10:7

Chane'eja Jesús yitaĝa 'viyelaĝalegue da'me laloĝonataĝanaĝac jo'ne joote 'yaĝatema, enaac: “Da'me dojo' jo'ne yataqachiñe eja: qa'a naqayem jo'ne jayem jom 'me tado'uet gaa'me 'naĝanaĝatel.

Juan 10:9

Naqayem jo'ne jayem jom: joga'me jo'ne jayem ta'uet, nach'ega jo'ne nec'alegue. Qama'le ena'am jaga'me 'naĝanaĝate qom yenoĝoneuo nataq'aen qom yenoĝonegue qama'le nach'e ena'am yauana ga'me auaqapiijat.

Apocalipsis 7:14

Qama'le ja'ateguet: “Negue't. Naqa'am jo'ne auayaten, am jaliaĝanec.” Qama'le jayem 'yaĝatem: “Naa'me naajo' jo'ne nach'enaua 'me chiyoqodaue da'me lachoĝode'j let'adaic, nach'enaua jo'ne joote yiyo'y naa'me louo, yataqata yapaga't q'ae'n, yajouaĝat da'me yiyoĝotec jaga'me letauo' joñe'me 'Naĝanaĝate Lec'oĝot.

Gálatas 5:6

Qom joqotaĝaguet ñe'me Cristo, male ja p'ajaye da'me joote jaconaĝaguet ga'me 'nanaĝajet 'me nichaĝajoĝonaĝac uotaĝa qom ja naq'aeta. Da'me jo'ne p'ajaye ta'le jep'iyaqa ñe'me Cristo, nataq'aen da'me dojo' qadepi'iyaĝac qo'mi tauelo q'ae'n da'me qadoqopitalo jogaa'me qadaqaya'olqa.

Apocalipsis 21:12

Naa'me lael jodi'me noic, 'uo jena'me lequepaĝanaĝat t'adaic jo'ne qayaje'mec, jo'ne uo'oe naa'me najo'mi jo'ne doce, qama'le naa'me najo'mi uo'oe gaa'me onolqa'tape piyem laje' jo'ne uetaue'ta. Nataq'aen naa'me lenaqa'te ñaa'me doce lec'oqo'tepi ñe'me Israel joote qonedetalo'te naa'me jo'mi.

1 Corintios 9:5

Nataq'aen chimaqachiñe ta'le ñaigaqatapegue'to gaa'me qadoua' nale jeuoqotac, nach'e naq'aeta nale da'me ya'uo ñe'me Pedro nataq'aen jogaa'me laqayadejoda ñe'me Jaliaĝanec nataq'aen jogaa'me mach'e lamaĝa's.

1 Corintios 8:9

Qalaĝaja 'noota qom at'oiya'aguet ta'le naqa'ami chiyaqayilo da'me a'naĝachi ga'me adaqayai jo'ne maliaĝa qaya'te 'lañaĝac da'me latetonaĝanaĝac, qa'a jouaĝat da'me auayotelegue da'me aualiqui ga'me lapat jo'ne joote najaqajec.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Juan 4:12

Da'me qo'mi, di'me jo'ne mach'e jachiyojoĝoguet 'me Jacob naqaqo'mi jo'ne yepotajopa janjo' nopi'yaĝaiqui, nach'ana jo'ne mach'e lopi'yaĝaiqui nataq'aen da'me niyomidigui nale di'me lec'oqo'tepi nataq'aen gaa'me yejidipi jo'ne lalopi. Qama'te da'me am, ¿toqoch'e aueetapega anapacalegue jodi'me?