Apocalipsis 22:12 - Nuevo Testamento Toba Sombrero Negro

¹² “Eja da'me jayem paja'a 'ñiyelaĝaquena, qama'le ñachetac ga'me nomataĝanaĝac jo'ne janema jogaa'me onolqa'tape gaa'me jiyaĝa'u, ga'me nalo'taita jogaa'me onolqa'tape jo'ne mach'e 'lonataqa.

Nuevo Testamento Toba Sur

¹² –Aja', aÿim saqaÿaloq da ñanac. Qaq ñachitac ca ishiitenaxanaxat, da yaqto' seshiiten ñi 'oonolec cam l'onataxanaxac.

La'aqtaqa Ñim Lo'onatac 'Enauacna 2013

¹² «¡Ỹataqta qana'axaỹaxañiichiguiñi qome! ¡Aỹem saqaỹaloq da ñanac! Nache ñachetac ca nsheetenaxat ñi 'oonolec shiỹaxaua, ipacchigui cam ỹo'ot co'ollaxa.

Apocalipsis 22:12 Referans Kwoze

Mateo 16:27

Qa'a jayem jo'ne yataqachiñe jayem Jiyaĝaua Lec'oĝot, qom ñovi' qama'le jayem ue'tajop da'me 'lonaĝa ñe'me Taĝadena' choqoga'me lamaĝa'spi jo'ne piyem laje'pi, qama'le jen nalo'taguet ga'me mach'e 'yetetac onolqa'tape ga'me jiyaĝadipi da'me jejeten.

1 Corintios 3:14

Qa'a yema ga'me jiyaĝaua qom ja yaviyaĝat ga'me 'lonatac, qama'le yaconeguet qomle ga'me lajo'vi.

1 Corintios 3:8

Ñe'me jo'ne danaĝan nach'e ena'am ga'me jo'ne depetaĝan, qama'le onolqa'tape yaconeguet ga'me qoyejetenec qomle qonaloqotenaĝateguet ga'me 'lonatac jo'ne ye'et.

Apocalipsis 22:7

“Chane'eja da'me jayem paja'a da'me yitaĝa 'ñiyelaq qomle, qama'le matac ga'me jo'ne yoqocha'alo naa'me 'naqataqa jo'ne napaĝaguenataĝanaĝaco, naa'me jo'ne qoyedidiñe 'me uetedalegue janjo' nede.”

Romanos 14:12

Chane'eja qomle da'me qo'mi male jajoqo'tot joñe'me Dios qaedi qanechoĝodetot joñe'me.

Apocalipsis 11:18

Qa'a joga'me jiyaĝadipi jo'ne qaya'te lepe'e' male 'uo da'me nalimaĝa let'adaic; Qalaĝaja male yovita jena'me nolo' da'me a'uaĝa'n jogaa'me, Qom aua'uo da'me adec'atenaĝanaĝac jodia'me joote yele'u; Nataq'aen da'me auanema da'me nejetenague'j jogaa'me jo'ne mach'e adalemaĝaje'te jo'ne at'aqataĝanaĝanaqa, Choqoga'me mach'e ac'oqo'tepi jo'ne yataqatelo'te Nataq'aen yema jogaa'me jo'ne yataqata am 'nonaĝachidegue, Gamachaqaegaua jo'ne p'ajodaye, uotaĝa ja p'ajodaye; Nataq'aen da'me auala't jogaa'me jo'ne yolaĝachidegue jena'me aleua.”

Apocalipsis 20:12

Qama'le nach'e ena'am jauanalo dia'me napa'lpi jo'ne 'yaĝaiquipi nataq'aen dia'me jo'ne ja 'yaĝaiquipi, da'me nechatetedañe, dajotedo'ot joñe'me Dios. Ua'a qanach'e qo'youachiguilo jogaa'me nedel, chaqaga'me nede laqaya jo'ne nach'ega 'me nedaĝalate jena'me qonec'alaĝatedegue. Chane'eja dia'me napa'lpi male qonaloqote'n: male qoyec'ate'n naa'me joote qoyedidiñe jo'ne uetedalegue jogaa'me nedel jo'ne chiyaqayilo jogaa'me mach'e 'lonataqa, da'me qaedi qoyejete'n.

Apocalipsis 22:20

Joñe'me jo'ne 'yaĝatetac da'me dojo', eetac: —Eja da'me jayem paja'a da'me 'ñiyelaĝaquena qomle. Qama'le nach'e naq'aeta da'me dojo'. Am Jaliaĝanec Jesús, ¡Auanaequena!

Apocalipsis 2:23

Qama'le nach'e ena'am jala't qomle jogaa'me jo'ne ueteda'ajop jañe'me, qaedi yema ga'me Dios lec'oqo'tepi male yayate'n da'me naqayem jo'ne jayaten chayovida'a ga'me p'auo joga'me jiyaĝaua laqaic nataq'aen joga'me lauel. Qama'le da'me ami, onolqa'tape janema ga'me nejetenaguec jo'ne nalo'tagueta jogaa'me 'lonataqa.

Apocalipsis 3:11

Jayem paja'a da'me ñanac qomle, qama'le 'noota qom aviyamaĝachetac da'me jo'ne joote ami uetauelo, qaedi qaya'te 'uo ga'me yaqanatet ta'le deuodaĝanec da'me adomataĝanaĝachi.