Apocalipsis 21:3 - Nuevo Testamento Toba Sombrero Negro

³ Qama'le jomachiya ga'me 'naqatac jo'ne yejam, chimaqapicot jaga'me je'onaĝaiqui jo'ne eetac: —Piiya: joñe'me Dios male en 'lemec jena'me 'lachaqa't joga'me jiyaĝadipi. Joñe'me male uetauelo jogaa'me, qama'le e'n jogaa'me mach'e 'lachaqadiaĝa'upi. Qa'a nach'eñe joñe'me Dios male ne'tajopa jogaa'me.

Nuevo Testamento Toba Sur

³ Nachi sa'axaÿa so n'aqtac ÿataqta alam, chimqot na piguem, 'eeta': –Ña 'aula'a, ñi Dios netangui nagui na shiÿaxauapi, ÿataqta lauodeuapi. Namayipi ÿataqta lauo' l'ecpi. Ñimayi ÿalecta'aguet na shiÿaxauapi, qaq nachiñi ñi lta'a Dios namayipi.

La'aqtaqa Ñim Lo'onatac 'Enauacna 2013

³ Nache sa'axaỹa so na'aqtac ỹataqta alam, chemqot ye hueta'a aso so'onaxaqui, 'eeta': «'Ena na hueta'a Ñim Lo'onatac 'Enauacna da hueta'aguet na lalamaxatpi. Ñimaye hueta'aguet namayepi, qaq namayepi nache ỹataqta lalamaxat Ñimaye. Qaq nacheñi Ñim Lo'onatac 'Enauacna maye 'oonolec da Lta'a namayepi.

Apocalipsis 21:3 Referans Kwoze

2 Corintios 6:16

Qo'mi mach'e 'lemec ñe'me Dios jo'ne nec'aletaye, nataq'aen ta'le Dios qo'mi uetauelo, qama'le ja jenaĝa qadeloĝot ga'me ch'e nequi'i. Qa'a mach'eñe ñe'me Dios enaac: “Jouetauelo jenjo' yalaqapi nataq'aen jequetauelo jogaa'me. Jayem Nedios qama'le yalaqapi qomle jogaa'me.”

Juan 14:23

Jesús 'yateguet joñe'me: —Ga'me jo'ne jayem noqopita, yoqocha'alo naa'me 'yaqataqa, qama'le Taĝadena' noqopita ga'me, qama'le ñe'me Taĝadena' nataq'aen jayem ñanaĝaquena qaedi jonaqa'ajop joga'me.

Hebreos 8:10

Qom male yenoĝodegue jogaa'me noloqo'ote Qama'le naq'aeta da'me 'yamaqatenataĝanaĝac Qaedi ñiyamaĝadenegueta jogaa'me lec'oqo'tepi ñe'me Israel: Janauelo qomle naa'me laqai'go daa'me yamaĝajoĝonaĝaco, Qama'le jedelo'te jogaa'me lai'li; Qa'a naqayem jo'ne mach'e jayem Nedios, Chane'eja joga'me jiyaĝadipi nach'egaua jo'ne mach'e ñejoĝonaqapi.

Hebreos 11:16

Qalaĝaja jodia'me yataqata yepaquetedapega ga'me 'nachaqa' jo'ne onaĝaic, ga'me 'nachaqa' jo'ne ua'ague di'me piyem. Chane'eja ñe'me Dios ja nepocoĝolegue ca'li da'me qo'yaĝat da'me naqaeñe jo'ne Nedios jodia'me, qa'a joote yaqataĝata't ga'me noic jo'ne en 'lachaqa't.

Apocalipsis 7:15

Chane'eja nayi male dajotedo'ot jañe'me neje'onaĝaiqui joñe'me Dios queda'me t'onataĝa'tape, t'onataĝadoue joga'me jo'ne mach'e netamenaĝaiqui. Qama'le joñe'me jo'ne netañgui jañe'me je'onaĝaiqui male nach'e eta't da'me uetauelo qaedi de'uolo'te.

2 Corintios 6:18

Jayem Adet'ai qomle qama'le ami yalaqapi qomle nataq'aen yalelpi. Dojo' jayem ja'aeñi, jayem Anedios 'me ñapacalegue ena'uac.”

Apocalipsis 21:7

Gaa'me yaqanate't da'me noma't naa'me ja 'noe'n, nach'egaua jo'ne yacoteguet qomle yema da'me dojo' jo'ne qoyen lomataĝanaĝa'j, qa'a naqayem mach'e Nedios, nataq'aen jogaa'me mach'e yalaqa.

Juan 1:14

Qama'le ñe'me jo'ne 'naqatac joca'li male di'yoq ca'li da'me jiyaĝaua, ñe'me jo'ne yataqachiñe choĝodenataĝanaĝaic nataq'aen yataqatelegue, male qo'mi uetauelo. Chane'eja jauanaĝa da'me 'lonaĝac jo'ne yachiyoĝo'tot ñe'me Let'a queda'me onolec jo'ne mach'e Lec'oĝot.

Apocalipsis 12:10

Qama'le jomachiya ga'me 'naqatac jo'ne yejam 'me chimaqapegue di'me piyem jo'ne eetac: “¡Nayi joote novitequena da'me lec'alaqataĝanaĝac ñe'me Qanedios; Male di'yoq da'me lañoqotaĝanaĝac qaedi nejaliaĝatelo'te yema ga'me aleua laje'pi, Nach'e ena'am male di'yoq da'me mach'e lejaliaĝa ñe'me Liquiyac! Qa'a joote qoyamaĝaye ñe'me lauteua' gaa'me mach'e qadaqaya'olqa, Ñe'me jo'ne yemeda naa'me noloqo'ote choqogaa'me pi'yaĝadi da'me ya'uo da'me latenataĝanaĝac jo'ne yaloĝona ñe'me mach'e Qanedios.

Apocalipsis 10:8

Da'me 'naqatac jo'ne joote jomachiya 'me chimaqapegue di'me piyem, yitaĝa jayem dojapegue', qama'le jayem enapega, eet'oi: “Oc nayi qama'le auaconeguet jaga'me nede jo'ne 'nouatetaye, 'me lajoqot'a ñe'me piyem le'ec jo'ne nechatetalegue di'me noĝop choqona'me aleua.”

Apocalipsis 10:4

Mane'e ca'li yem da'me doje'y gaa'me siete 'loĝoyaĝaco jajo'me qajoĝonaĝa, qama'le da'me jayem te'me jetaque jediñe, qalaĝaja 'uo ga'me 'naqatac jo'ne jomachiya 'me chimaqapegue di'me piyem, jo'ne jayem enapega, eet'oi: “Ena'te auen di'yoq joda'me auomachiya jo'ne 'yaĝatetedac jaa'me siete 'loĝoyaĝaco jajo'me qajoĝonaĝa, qama'le ena'te auediñe.”

1 Ts 3:11

Qadamaic ta'le Qadet'a Dios nach'eñe choqoñe'me Qadejaliaĝanec mach'e Jesús yataqata qo'mi lecochiyalo qaedi 'uo da'me qat'añaĝac da'me yitaĝa ami jajoĝoguelo qomle choqoda'me ami jejapichaĝalo.

Hebreos 8:2

Qama'le nach'eñe jo'ne yataqata dajo'tot joñe'me Dios, qa'a uetaue di'me tamenaĝaiqui jo'ne ja 'nalegue, 'me ja 'lonata'j jogaa'me jiyaĝa'u dite da'me nach'eñe ñe'me Dios jo'ne ye'et.

Apocalipsis 22:3

Chane'eja male qaya'te ta'le 'uo ga'me jo'ne qoya'uo ga'me ne'uaĝanaguec. Da'me lejaliaqa' joñe'me Dios, choqoñe'me 'Naĝanaĝate Lec'oĝot nach'e ena'am neta'ña jodi'me noic, qama'le jogaa'me mach'e lalemaĝaje'te male 'nonaĝachidegue joñe'me.