Apocalipsis 21:23 - Nuevo Testamento Toba Sombrero Negro

²³ Nach'e ena'am di'me noic ja youetaque jaga'me ajeua da'me qaedi yecoyadelegue, uotaĝa joga'me auoĝoic, qa'a mach'e en yoqotelegue da'me lauaqayaĝac joñe'me Dios, qama'le nach'eñe joñe'me 'Naĝanaĝate Lec'oĝot mach'e lecoyadaĝanaĝat.

Nuevo Testamento Toba Sur

²³ Qataq se'eso la ciudad, somayi sa ishit da iuen aso nala' qataq so ca'agoxoic, da huo'otaq icoÿadelec. Cha'ayi na maichi l'edaxa ñi Dios qataq so qagueta llalec nachi icoÿattalec.

La'aqtaqa Ñim Lo'onatac 'Enauacna 2013

²³ Qataq se'eso nỹecpi, somaye saishet da iuen añi nala' qataq ñi ca'agoxoic da huo'otaq icoỹarelec. Cha'aye na le'eraxa Ñim Lo'onatac 'Enauacna qataq Ñim Qagueta Llalec nache icoỹattalec.

Apocalipsis 21:23 Referans Kwoze

Apocalipsis 22:5

Di'me 'nachaqa' jo'ne qaya'te pi'yaq, chane'eja jogaa'me jo'ne neteda'ña ja youetedaque ga'me lauaq jaga'me coyadaĝanaqate, uotaĝa ga'me ajeua lauaq, qa'a joñe'me Dios jo'ne Jaliaĝanec nach'eñe jo'ne yanema da'me yoqochiñe, qama'le nach'e ena'am da'me en uetedaue da'me lejaliaqa' yemeda naa'me 'uoidi.

Apocalipsis 21:11

Qama'le di'me noic en 'yoqotelegue q'aen da'me laqaselegaĝac joñe'me Dios, jo'ne ena'am ta'le qa' jo'ne onaĝaic lenaĝat diamante, da'me yataqata yaqaselec nataq'aen chichiñe.

Juan 1:9

Ñe'me necoyadaĝanaĝat jo'ne yataqatelegue nec'achi'ña jena'me aleua qaedi yecoyadelegue ena'uaque gaa'me jiyaĝadipi.

Apocalipsis 18:1

Mane'e ca'li yem da'me dojo', qama'le jauana jo'me piyem le'ec laqaya jo'ne nenochiñe, chiyaqaje'ma di'me piyem, jo'me jo'ne 'uo da'me lañoqotaĝanaĝac let'adaic, qama'le jena'me mach'e lauaq yecoyadelegue ca'li jena'me aleua.

Lucas 2:32

Nach'eñe ena'am ta'le yoqochiñe jo'ne yecoyadelegue ena'uaque joga'me jiyaĝadipi; nach'eñe chiyaqayi da'me qo'mi qoyi'yoĝode'tape, qo'mi Israel laje'pi jo'ne mach'e qo'mi ac'oqo'tepi.”

Apocalipsis 21:25

Qama'le jogaa'me najo'mi ja napadetayelo nale nolo', nach'e eta't da'me 'nouatetedaye, qa'a di'me noic qaya'te ta'le 'uo ga'me pi'yaq.

Juan 5:23

qaedi yema jayem qo'nonaĝachigui, da'me nach'e ena'am qo'nonaĝachigui da'me jo'ne yanem joñe'me Taĝadena'. Qa'a joga'me jo'ne ja jayem 'te 'nonaĝachichigui, nach'e ena'am ja 'nonaĝachichigui ñe'me Taĝadena', joñe'me jo'ne nach'eñe 'me jayem namaĝaquena.

Juan 1:18

Ñe'me Dios qaya'te ua'a ta'le 'uo ga'me yauana, onolec ñe'me Lec'oĝot jo'ne nach'e ena'am Dios nataq'aen da'me ne'tajop joñe'me Let'a, nach'eñe 'me qo'mi yatetonaĝanaĝaneque.

Juan 1:14

Qama'le ñe'me jo'ne 'naqatac joca'li male di'yoq ca'li da'me jiyaĝaua, ñe'me jo'ne yataqachiñe choĝodenataĝanaĝaic nataq'aen yataqatelegue, male qo'mi uetauelo. Chane'eja jauanaĝa da'me 'lonaĝac jo'ne yachiyoĝo'tot ñe'me Let'a queda'me onolec jo'ne mach'e Lec'oĝot.

Juan 1:4

Nach'e ena'am da'me nach'eñe jo'ne chiyaqayi da'me nec'alaĝa, qama'le da'me nec'alaĝa nach'eda jo'ne yecoyadelegue ena'uaque gaa'me jiyaĝadipi.

Hechos 22:11

Qama'le queda'me jayem yaqanamaqatet ga'me lauaqayaĝac ga'me edañgui, qama'le gaa'me yecochaĝa'u yacota jena'me youaq da'me jayem yaeta di'me Damasco.

Marcos 8:38

Qa'a qom 'uo ga'me jayem nepocoĝolegue nataq'aen daa'me 'yaqataqa qom dajoya'agueta jena'me jenjo' jiyaĝadipi jo'ne ja jayem 'te p'iida'a, jo'ne loeco lo'olpi, qama'le nach'e ena'am da'me jayem jo'ne yataqachiñe Jiyaĝaua Lec'oĝot ñepocoĝolegue joga'me qom yitaĝa 'ñiyelaq nataq'aen da'me jayem uetaue da'me 'lonaĝac ñe'me Yet'a nataq'aen jogaa'me piyem laje' jo'ne ja 'nalo'te.

Mateo 16:27

Qa'a jayem jo'ne yataqachiñe jayem Jiyaĝaua Lec'oĝot, qom ñovi' qama'le jayem ue'tajop da'me 'lonaĝa ñe'me Taĝadena' choqoga'me lamaĝa'spi jo'ne piyem laje'pi, qama'le jen nalo'taguet ga'me mach'e 'yetetac onolqa'tape ga'me jiyaĝadipi da'me jejeten.

Juan 17:24

“Am Taĝadena', naa'me naajo' jo'ne jayem auanema, da'me jayem jetaque nach'e ena'ama jayem ueteda'ajop, ga'me jo'ne jona'ña qomle, qaedi yauata da'me 'yonaĝac, nach'eda jo'ne am chiyaqayi, jouaĝat da'me jalchi'ena jayem adoqopita ca'li cha'li jona'li 'uo jena'me aleua.

Apocalipsis 5:6

Chane'eja 'uo jo'me jauana jo'ne dajotalegue jo'me nejaliaĝaiqui jo'ne je'onaĝaiqui chaqaja'me cuatro yejidi, da'me uetañgui laeñi jaa'me 'yaĝaicachidi: nach'ejo jo'ne 'Naĝanaĝate Lec'oĝot da'me nechatetañe, qalaĝaja di'yoq da'me naqaeñe ñe'me jo'ne joote qoyalat; uo'oe gaa'me siete jo'ne lepeel, nataq'aen jogaa'me 'lae'te jo'ne siete. Gaa'me 'lae'te naqaegaua gaa'me siete lepaqa'li joñe'me Dios jo'ne qonamaĝata yema jena'me aleua.

Apocalipsis 7:17

qa'a joñe'me 'Naĝanaĝate Lec'oĝot jo'ne dajotalegue jaga'me je'onaĝaiqui jo'ne nejaliaĝaiqui, nach'eñe jo'ne nouatoqo't ena'uaque jogaa'me, qama'le yauetegue joga'me noĝop jo'ne yayetaye 'me chiyaqayi da'me nec'alaĝa. Nataq'aen joñe'me Dios male yiyo'y naa'me 'lae'te da'me niyojeguem yema jana'me lachi'.”

Apocalipsis 14:4

Naqaenaua jo'ne jamaĝaiquipi, jo'ne ja 'nalegue da'me 'loyaĝa'j; qama'le nach'e eta't da'me quetedapegue' ñe'me 'Naĝanaĝate Lec'oĝot, ta'ya ga'me ta'ya. Naa'me naajo' jo'ne joote qonec'alaĝatedegue, qoyachiyoĝotauelo jogaa'me jiyaĝa'u, qama'le 'uaetede'eguet da'me qoyen najaqaje's jo'ne qoyanem ñe'me Dios choqoñe'me 'Naĝanaĝate Lec'oĝot.