Apocalipsis 21:21 - Nuevo Testamento Toba Sombrero Negro

²¹ Gaa'me doce jo'mi nach'egaua gaa'me doce perlas, qama'le onolqa'tape ga'me jom nedo'ta't onole jana'me perla. Qama'le joga'me naq'aeuo jo'ne uañe laeñi di'me noic yajamaĝat jana'me oro, da'me qaya'te ta'le lale'gue, qama'le da'me 'loyaĝac ena'am ta'le cristal da'me yataqata chichiñe nataq'aen 'yaqaye.

Nuevo Testamento Toba Sur

²¹ Qaq soua doce laso'me, qalaq ndoteec na perla. Ñi 'oonolec lasom, nachi n'onataxat na perla. Qaq so nqa'aic mayi lainguishic, qalaq ndoteec na oro, 'eeta'am na chauec mayi ÿataqta yi'oqtelec.

La'aqtaqa Ñim Lo'onatac 'Enauacna 2013

²¹ Qaq soua doce laso'omi, qalaq chegaqaigui ana perla. Qaq ñi 'oonolec lasom, qalaq ndotelec ana 'oonole perla da qaỹo'ot. Qaq so nqa'aic ye nỹecpi maye laiñiguishec, qalaq ndotec na oro, ỹataqta chauec, 'eeta'am na 'etaxat da ỹataqta qui'itta.

Apocalipsis 21:21 Referans Kwoze

Apocalipsis 21:18

Jo'me nequepaĝanaĝat ca'li qoye'et qoyen nedo'ta't jaga'me qa' 'me lenaĝat da'me diamante, nataq'aen joga'me noic yajamaĝat jana'me oro, da'me qaya'te ta'le lale'gue, qama'le da'me 'loyaĝac ena'am ta'le cristal da'me yataqata chichiñe nataq'aen 'yaqaye.

Apocalipsis 17:4

Jañe'me yauo yatedañe ca'li jogaa'me 'netaqa'te jo'ne 'uo ga'me malaĝadaic da'me 'loyaĝa'j choqoga'me tomaĝadaic. Nataq'aen uo'oe jogaa'me li'yodaqa'te laqaya' jo'ne oro choqogaa'me qadi jo'ne onaĝayaqa choqogaa'me perlas. Nataq'aen lajoqot'a jaga'me yomaĝaiqui jo'ne oro 'me jaqachigui q'aen da'me ja no'en jo'ne ye'et, 'me yalequetenat da'me lequejeguetaĝa jo'ne paĝachigui.

Apocalipsis 22:2

Chane'eja jena'me laeñi di'me naq'aec jo'ne uañe laeñi jodi'me noic, choqonaa'me lael di'me ñache naje'ma jana'me epaq jo'ne ya'uo da'me nec'alaĝa, qama'le da'me nejalayaĝac onolqa'tape naa'me auoĝoyaqa da'me ya'uo jana'me jala, nalo'taguet doce da'me ya'uo naa'me onolqa'tape 'uoidi. Qama'le nach'e ena'am jaa'me layoqote jogaa'me ep'a onaĝaic da'me yeloteguet queda'me nec'alaĝategue ena'uac joga'me noyaqapi jo'ne aleua laje'pi.

Apocalipsis 18:16

Chane'eja nayi male enapega't: “Da'me am jo'ne am noic let'adaic, ¡degueja da'me adachoĝodec nayi! Qa'a auatedañe ca'li naa'me adeuo jo'ne lino 'me pagaĝaic da'me 'loyaĝac, choqoda'me 'loyaĝac laqaya jo'ne tomaqalegue nataq'aen da'me tomaĝadaic, qama'le nach'e ena'ama naa'me adi'yoĝodaqa'te jo'ne oro, nataq'aen perlas choqonaa'me qadi jo'ne onaĝayaqa.

Apocalipsis 4:6

Nataq'aen ga'me dajoya'ya jaga'me je'onaĝaiqui nach'e ena'am 'uo ga'me jo'ne ena'am ta'le qa'em lat'edai, jo'ne yaqa'ñe ena'am jaga'me cristal da'me chichiñe. Qama'le di'me laeñi jo'ne neta'ña jaga'me je'onaĝaiqui, ga'me jo'ne mach'e equejopa naa'me lael, uo'oe gaa'me cuatro yejidi polio' jo'ne najaqatelegue jaa'me 'lae'tepi ga'me dajoya'ague choqoga'me netauaqague.

Apocalipsis 21:15

Jo'me piyem le'ec jo'ne jayem t'aqataĝanem, 'uo jajo'me lajoqot'a jo'ne ena'am ta'le coqota jo'ne oro 'me mach'e laloqotenaĝanaqate, da'me qaedi naloqoten joga'me noic, choqoda'me naloqote'n jogaa'me najo'mi nataq'aen ga'me lequepaĝanaĝat.