Apocalipsis 21:1 - Nuevo Testamento Toba Sombrero Negro

¹ Yem qama'le jauana ga'me piyem jo'ne dalaĝaic, nataq'aen ga'me aleua jo'ne dalaĝaic, qa'a di'me 'uaechiñe piyem nataq'aen di'me 'uaechiñe aleua ja yitaĝa ta'le uo'oe, qama'le nach'e ena'am jaga'me qa'em lat'edai male qaga.

Nuevo Testamento Toba Sur

¹ Ime, nachi sela'a so piguem dalaxaic qataq aso 'alhua dalaxai, cha'ayi so hua'auchiguiñi piguem qataq aso hua'auchiguiñi 'alhua mashi imeuo. Qataq aso auaxai nataq'en mashi imeuo.

La'aqtaqa Ñim Lo'onatac 'Enauacna 2013

¹ Ime, nache sela'a so piguem dalaxaic qataq aso 'alhua dalaxai, cha'aye so hua'auchiguiñi piguem qataq aso hua'auchiguiñi 'alhua mashe imeuo. Qataq aso auaxai nataqa'en mashe imeuo.

Apocalipsis 21:1 Referans Kwoze

2 Pedro 3:13

Qalaĝaja da'me qo'mi jeuataqa'ta ga'me piyem jo'ne dalaĝaic nataq'aen ga'me aleua jo'ne dalaĝaic, nach'egaua jo'ne Dios joote qo'mi 'yaĝatema, qama'le ena'uaque ga'me jiyaĝadipi jo'ne ueda'ña nach'e eta't da'me 'noote' nataq'aen da'me yataqatelo'te.

Apocalipsis 21:5

Chane'eja joñe'me jo'ne netañgui jañe'me je'onaĝaiqui enaac: —Piiya: male jadalaĝat yema naa'me naajo' jo'ne uo'oe. Yem qama'le jayem dojapegue', enaac: —Auedidiñe nayi naa'me naajo' 'yaqataqa, qa'a nach'enaua jo'ne yataqachiñe ejoda qama'le 'uo da'me nepe'e jo'ne chiyaqayilo.

2 Pedro 3:10

Qalaĝaja ga'me nolo' qom 'niyelaĝaquena ñe'me Jaliaĝanec, qama'le nejeteteuo ena'am ga'me cachaĝaic. Ua'a qama'le di'me piyem male 'uo da'me 'loĝoyaĝac let'adaic da'me iyiñe, qama'le 'uo ga'me dole jo'ne yaviyaĝa't yema jogaa'me neteda'ague di'me piyem. Yem qama'le jena'me aleua choqogaa'me jo'ne uetedalegue da'me male tadoue da'me laloqotenaĝanaĝac ñe'me Dios.

Apocalipsis 20:11

Nataq'aen jauana jaga'me je'onaĝaiqui lat'edai jo'ne pagaĝai choqoñe'me jo'ne netañgui. Mane'e ca'li naloĝola't joñe'me, qama'le jena'me aleua choqodi'me piyem male nelagaĝa'tape, qama'le nalo'ta't da'me yapalaĝat, ja yitaĝa ta'le qoyauanalo.

Apocalipsis 13:1

Yem qama'le yitaĝa jauana da'me nenoĝojeguem ga'me jiyac polio', chiyaqañgui joga'me noĝop. Uo'oe naa'me laqai'go jo'ne siete choqojaa'me lepeel jo'ne diez, qama'le onolqa'tape naa'me lepeel uo'oe naa'me noqop'al, nach'e ena'am jaa'me laqai'go uo'oe daa'me lenaqa'te jo'ne yejoue'n joñe'me Dios.

Romanos 8:21

da'me qoyachiyoĝotaue da'me ch'e nelatac qama'le qoyejoye qaedi yovidalegue da'me 'lonaĝa'j gaa'me Dios lec'oqo'tepi 'me qoyejodegue.

Apocalipsis 6:14

Di'me piyem male ja di'yoq, ena'am ta'le nede lae qom nenatague, qama'le yemeda gaa'me qajoĝonaĝadi' choqogaa'me nepel nach'e ena'am da'me ca'ae naa'me 'lachaqa'te.