Apocalipsis 20:6 - Nuevo Testamento Toba Sombrero Negro

⁶ Chane'eja ¡made'tapolqa nayi jogaa'me jo'ne uetedaue da'me dojo' 'me 'uaechiñe da'me yitaĝa qo'niyelaĝachidijeguem, qa'a nach'egaua jo'ne joote loqo'te ga'me noic 'me ja 'nalegue! Ga'me neleuaĝa jo'ne p'ategue qaya'te 'uo ga'me ee'teque jogaa'me, qa'a naqaegaua mach'e letaĝayaĝanaĝanaqa joñe'me Dios nataq'aen ñe'me Cristo, qama'le ueteda'ajop joñe'me da'me 'uo da'me lejaliaĝa'j chayovida'a qom yenoĝodegue joga'me mil 'uoidi.

Nuevo Testamento Toba Sur

⁶ Qaq ¡ÿataqta machiguiñi qataq lalamaxatpi qome ñi Dios nam ÿalectau'a cam hua'auchiguiñi da qanca'alaxateeguesop nam leuaxaicpi! Qaq cam ÿaqa'aguet nleuaxa, nachi sa ishit da huo'o ca 'en'ac namayipi. Cha'ayi namayipi ltaxaÿaxanaxanecpi na lalamaxatpi ñi Dios qataq so Cristo. Huaña, nachi ltaua somayi da nta'a caua mil vi'iyi.

Apocalipsis 20:6 Referans Kwoze

Apocalipsis 1:6

Nataq'aen da'me nach'eñe jo'ne en qo'mi lec'oqo'tepi, Da'me en qo'mi letaĝayaĝanaĝanaqa ga'me jiyaĝadipi da'me jajoqotalegue ñe'me Qadet'a Dios. ¡'Noota qom nach'e eta't 'uo da'me 'lonaĝac joñe'me Jesucristo nataq'aen da'me lañoqotaĝanaĝac jo'ne qaya'te ena'am! Jaja'a, nach'e naq'aeta da'me dojo'.

Apocalipsis 2:11

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Qama'le jogaa'me jo'ne yovidedeta da'me noma't joga'me ja no'en, nach'egaua jo'ne qaya'te ta'le onolec ja no'en jo'ne lachoĝodec qom yovidedeta ga'me neleuaĝa jo'ne p'ategue.»

Apocalipsis 20:14

Yem da'me dojo', qama'le joñe'me lejaliaĝanec da'me neleuaĝa chaqañe'me necoñetaĝanaĝaiqui' ga'me napa'lpi male nach'e ena'ama da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

Apocalipsis 5:10

Qama'le aue'n lec'oqo'tepi joñe'me Qanedios jogaa'me, Nataq'aen da'me aue'n letaĝayaĝanaĝanaqa ga'me jiyaĝadipi Da'me dajotedalegue joñe'me Qanedios, Qama'le nejaliaĝatedelegue jena'me aleua.”

1 Pedro 2:9

Qalaĝaja ami yataqata ami liquiyaqa ñe'me Dios, nataq'aen ami qoye'n letaĝayaĝanaĝanaqa joga'me jiyaĝadipi da'me auajoyi'tot ñe'me nejaliaĝanec, nataq'aen da'me ami noic let'adaic jo'ne ja 'nalegue, ami jo'ne onolec noic jo'ne loĝot joñe'me Dios. Qama'le naq'aeta da'me jo'ne ya'uo joñe'me qaedi a'uaĝache'tape naa'me 'lonataqa jo'ne onaĝayaqa, ñe'me jo'ne ami yachiyoĝotauelo ga'me 'lalaĝa qaedi male ayoue da'me onaĝaic yoqochiñe jo'ne chiyoqo'ot joñe'me.

2 Timoteo 2:12

Qom ñapogaĝadenaq nayi qama'le nataq'aen qo'mi lejaliaĝa'u qomle. Qom qanemanec joñe'me nayi, qama'le ñe'me nach'e ena'am qo'mi nemaneque qomle.

Romanos 8:17

Qama'le queda'me joote qo'mi lec'oqo'tolqa, nach'e ena'am jaconaĝaguet qomle ga'me yaqataĝañi ca'li ñe'me Dios 'me 'yaĝatetac, nach'eda da'me ñetauanaqa'uo ñe'me Cristo qom eja jaconaĝaguet da'me qadachoĝodec qa'a jouaĝat joñe'me qaedi qom'te jouaqa'tajop joñe'me da'me 'lonaĝac.

Apocalipsis 22:7

“Chane'eja da'me jayem paja'a da'me yitaĝa 'ñiyelaq qomle, qama'le matac ga'me jo'ne yoqocha'alo naa'me 'naqataqa jo'ne napaĝaguenataĝanaĝaco, naa'me jo'ne qoyedidiñe 'me uetedalegue janjo' nede.”

Apocalipsis 14:13

Qama'le jomachiya ga'me nejamaĝa jo'ne chiyaqaje'ma di'me piyem jo'ne eetac: “Auediñe da'me yataqata made'tape jogaa'me yele'u jo'ne chiyoqo'tegue nayi male yele'tedot joñe'me Qadejaliaĝanec.” Qama'le 'yateguet joñe'me Dios Lepaqal, enaac: “Naq'aeta da'me dojo', qa'a male 'nomatedegue, joote yem da'me lachoĝode'j, qama'le nach'e eta't di'yo't da'me 'lonataqa jogaa'me.”

Romanos 12:1

Chane'eja, ami yaqaya'olqa, yajouaĝat da'me lichoĝodenataĝanaĝac ñe'me Dios, ami ñachoĝodenouelo da'me 'noota qom mach'e ami auec'achiya joñe'me Dios ena'am ta'le najaqajec jo'ne nec'aletaye, ja 'nalegue jo'ne jama ga'me laetayaĝac 'me qoyanem ñe'me Dios. Naqaena jena'me 'nemaĝac 'me yataqatelegue auañem joñe'me.

Apocalipsis 21:8

Qalaĝaja jogaa'me jo'ne qolanaqaiquipi choqoga'me qoleguetaĝanaĝaiquipi, nataq'aen gaa'me jo'ne qodaqaequeda'a, choqoga'me lataĝanaĝaiquipi nach'e ena'am da'me quejeguetaĝaiquipi nataq'aen gaa'me jo'ne yeda'n gaa'me laqaya', choqogaa'me jo'ne netametot nale ga'me nequi'i, choqoga'me ena'uac joga'me pecaiquipi, yema jogaa'me yovidedeta qomle da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

1 Pedro 2:5

Nataq'aen da'me ami, ena'am ta'le ami qadi jo'ne nec'aletedaye, naqa'ami jo'ne 'lonataqa joñe'me Dios da'me 'noĝojeguem ga'me tamenaĝaiqui jo'ne ja 'nalegue, qaedi ami jo'ne ademii'teguet joñe'me Jesucristo male ami qoye'n letaĝayaĝanaĝanaqa ga'me jiyaĝadipi, da'me auajaqaedeuo joga'me najaqajecpi 'me ja di'yo't, nach'egaua jo'ne yataqata 'yamaqate'n joñe'me Dios.

Lucas 14:15

Ca'li qodomachiya da'me dojo', 'uo ga'me jo'ne netauelo gaa'me qayoĝode' dojapegue' ñe'me Jesús: —¡Yataqata 'uo da'me lamaic gamachaqaega jo'ne uetaue da'me lejaliaĝa ñe'me Dios da'me deque'e qomle!

Apocalipsis 3:21

Jogaa'me jo'ne yovidedeta da'me noma't joga'me ja no'en, nach'egaua jo'ne janema da'me jayem neteda'ñe' di'me yejaliaqa', da'me ena'am da'me jayem ca'li jomataĝan, qama'le joneta'ñe' ñe'me Taĝadena' di'me mach'e lejaliaqa'.

Apocalipsis 22:5

Di'me 'nachaqa' jo'ne qaya'te pi'yaq, chane'eja jogaa'me jo'ne neteda'ña ja youetedaque ga'me lauaq jaga'me coyadaĝanaqate, uotaĝa ga'me ajeua lauaq, qa'a joñe'me Dios jo'ne Jaliaĝanec nach'eñe jo'ne yanema da'me yoqochiñe, qama'le nach'e ena'am da'me en uetedaue da'me lejaliaqa' yemeda naa'me 'uoidi.