Apocalipsis 20:15 - Nuevo Testamento Toba Sombrero Negro

¹⁵ Chane'eja dia'me napa'lpi nach'e ena'am da'me qoyajaĝadiñgui ga'me dole', ena'uaque dia'me jo'ne qaya'te lenaĝa't ta'le uedalegue da'me qoyedidiñe jaga'me nede jo'ne nedaĝalate jena'me qonec'alaĝatedegue.

Nuevo Testamento Toba Sur

¹⁵ Nachi somayi qaÿasaxangui nam sa ishit da qoÿittau'a aso nanedaxalate nam qanca'alaxateecpi.

La'aqtaqa Ñim Lo'onatac 'Enauacna 2013

¹⁵ Qaq nacheye nataqa'en ye qaỹasaxangui 'enauac nam saishet da nanettalec ca le'enaxat aso naneraxalate nam chochaq tatec da nachaalataxac.

Apocalipsis 20:15 Referans Kwoze

Juan 3:36

Joga'me jo'ne p'iya'a ñe'me Lec'oĝot yauana da'me 'loyaĝac jo'ne ja 'naidena'a; qalaĝaja joga'me jo'ne ja yoqo'cha ñe'me Lec'oĝot ja yauana da'me lec'alaĝa, dite da'me taue da'me ne'uaĝanaguec 'me chiyaqayi joñe'me Dios.

Hechos 4:12

Qaya'te laqaya jo'ne chiyaqayi da'me nec'alaĝa, qa'a yema jena'me aleua Dios ja qo'mi 'te yanema ga'me jiyaĝaua laqaya jo'ne jachiyojoĝotaĝaye da'me qadec'alegue.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Mateo 13:50

qama'le qoyijaĝadoue jaga'me nec'atoĝonaqa' jogaa'me ja 'noe'n. Chane'eja male 'uo da'me lachitatai'j choqoda'me noyenaĝa'j.”

Mateo 25:41

“Chane'eja nach'e ena'am jenapegalo qomle gaa'me jo'ne neteda'ague jena'me 'ñemaq: «¡Jayem oquiya'ae! Ami jo'ne ja ami 'te qoyichoĝode'n nayi, auec'achiya di'me dole' jo'ne ja 'naidena'a 'me ami qoyaqataĝat'agueta ñe'me payac nataq'aen jogaa'me lamaĝa's jo'ne piyem laje'.

Apocalipsis 20:12

Qama'le nach'e ena'am jauanalo dia'me napa'lpi jo'ne 'yaĝaiquipi nataq'aen dia'me jo'ne ja 'yaĝaiquipi, da'me nechatetedañe, dajotedo'ot joñe'me Dios. Ua'a qanach'e qo'youachiguilo jogaa'me nedel, chaqaga'me nede laqaya jo'ne nach'ega 'me nedaĝalate jena'me qonec'alaĝatedegue. Chane'eja dia'me napa'lpi male qonaloqote'n: male qoyec'ate'n naa'me joote qoyedidiñe jo'ne uetedalegue jogaa'me nedel jo'ne chiyaqayilo jogaa'me mach'e 'lonataqa, da'me qaedi qoyejete'n.

Apocalipsis 19:20

Qama'le ñe'me jiyac polio' male paja'a da'me qoyecoñe' choqoñe'me jo'ne ja eja da'me lapaĝaguenataĝanaĝac, ñe'me jo'ne nach'eñe 'me yachiyoĝotayi da'me yauo'oe naa'me 'nanaqa jo'ne chiyaqayi q'aen da'me uo'oe gaa'me yoqovi'n jo'ne yaje'tema da'me yanayelo joga'me mach'e lenaĝat ñe'me jiyac polio', chayovida'a da'me qoyi'yoĝode'n ca'li joga'me jiyac polio' lequi'i. Qama'le ñe'me jiyac polio' choqoñe'me jo'ne ja eja da'me lapaĝaguenataĝanaĝac male qoyajaĝadiñgui jaga'me limaĝañi jo'ne uetañgui ga'me dole' let'adaic.

Hebreos 12:25

Chane'eja yataqata a'uamaqachiñe da'me 'laqatac joñe'me Dios. Qa'a joga'me Israel lec'oqo'tepi jo'ne ja yacoteguet joca'li joñe'me Dios 'laqataĝanaĝanec jo'ne ch'e aleua le'ec, qaya'te onolec jo'ne yaqanatet ta'le yaĝan joda'me qoyen lachoĝodec. Qama'le nayi, qo'mi jo'ne jomachaĝa da'me 'laqatac joñe'me jo'ne chiyaqayi di'me piyem, qom ja ja'amaqatenaq, qama'le ¿teua'atoqo' jaqanatetaq ta'le qo'mi yaĝa'n da'me qoyen mach'e qadachoĝodec?

Hebreos 2:3

Qama'le nayi, ¿teua'atoqo' qo'mi yaĝa'n ga'me qane'uaĝanaguec, qom ja qadetela da'me nec'alaĝa let'adaic? Qa'a nach'eñe joñe'me Jaliaĝanec jo'ne 'uaechiñe da'me 'yaĝatetac da'me dojo' nec'alaĝa, qama'le jogaa'me jo'ne joote domachita da'me 'naqatac male qo'mi yaloĝonalo da'me naqaeda da'me jo'ne eja.

Marcos 16:16

Joga'me jo'ne p'iya'a nataq'aen qonachilaĝan, naqaega yataqachiñe qonec'alaĝategue; qalaĝaja ga'me jo'ne ja p'iya'a, naqaega 'uo da'me naviyaqataguec.

Mateo 13:42

Qoyijaĝadoue jaga'me nec'atoĝonaĝaiqui jo'ne edetañgui, qama'le 'uo da'me lachitatai'j choqoda'me noyenaĝa'j.

Lucas 10:20

Qalaĝaja ena'te ami ane'yaĝañetac da'me jogaa'me nepaqa'li ami yoqo'chalo, dite da'me jogaa'me adenaqachidi' jo'ne joote qoyedidiñe da'me daja' piyem.

Apocalipsis 3:5

Jogaa'me jo'ne yovidedeta da'me noma't joga'me ja no'en, nach'egaua jo'ne naq'aete' da'me pagaĝayaqa na'me louo, qama'le ja japalaĝa't naa'me lenaqa'te jo'ne yededelegue ca'li jaga'me nede jo'ne uetaye da'me nec'alaĝa, dite da'me ja'aĝatot ñe'me Taĝadena' choqoñaa'me lamaĝa's jo'ne piyem laje' queda'me nach'egaua jo'ne jayem yemetede'eguet.

Apocalipsis 20:10

Yem da'me dojo' qama'le joñe'me payac jo'ne yoqovi'n ena'uac joga'me jiyaĝadipi male nach'e ena'am da'me qoyajaĝañgui jaga'me limaĝañi jo'ne uetañgui joga'me dole' let'adaic, di'me jo'ne nach'e ena'am ua'ña da'me qoyajaĝa'ña joca'li joñe'me jiyac polio' choqoñe'me jiyaĝaua jo'ne ja eja da'me lapaĝaguenataĝanaĝac. Qama'le ua'ña da'me 'uo da'me lachoĝode'j yemeda naa'me pi'yaĝadi choqonaa'me noloqo'ote, qaya'te loiquiaqa'.

Apocalipsis 20:14

Yem da'me dojo', qama'le joñe'me lejaliaĝanec da'me neleuaĝa chaqañe'me necoñetaĝanaĝaiqui' ga'me napa'lpi male nach'e ena'ama da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.