Apocalipsis 20:11 - Nuevo Testamento Toba Sombrero Negro

¹¹ Nataq'aen jauana jaga'me je'onaĝaiqui lat'edai jo'ne pagaĝai choqoñe'me jo'ne netañgui. Mane'e ca'li naloĝola't joñe'me, qama'le jena'me aleua choqodi'me piyem male nelagaĝa'tape, qama'le nalo'ta't da'me yapalaĝat, ja yitaĝa ta'le qoyauanalo.

Nuevo Testamento Toba Sur

¹¹ Nachi sela'a aso late'edai so'onaxaqui lapagaxai qataq som nso'ootangui asomayi. Huaña, nachi ana 'alhua qataq na piguem ÿataqta nlagaxatapec, ÿataqta sa ishit da huo'o ca chapegue' namayipi.

La'aqtaqa Ñim Lo'onatac 'Enauacna 2013

¹¹ Qaq can ime de'era, nache sela'a aso late'erai so'onaxaqui lapagaxai qataq som nso'ootangui asomaye. Huaña, nache ana 'alhua qataq na piguem ỹataqta nlagaxatapec, nache qaica ca ishet da qaltaq ila'a.

Apocalipsis 20:11 Referans Kwoze

Apocalipsis 21:1

Yem qama'le jauana ga'me piyem jo'ne dalaĝaic, nataq'aen ga'me aleua jo'ne dalaĝaic, qa'a di'me 'uaechiñe piyem nataq'aen di'me 'uaechiñe aleua ja yitaĝa ta'le uo'oe, qama'le nach'e ena'am jaga'me qa'em lat'edai male qaga.

2 Pedro 3:7

Qalaĝaja di'me piyem nataq'aen jenjo' aleua jo'ne cha'li 'uo nayi, joote qoyeuataqateta'aguet ga'me dole' qa'a nach'eñe ñe'me Dios da'me damaĝajoĝolegue ga'me dole' en yavic, qom yovita ga'me nolo' qom ya'uo da'me lec'atenaĝanaĝac qama'le qoyala't jogaa'me qaleuaĝayaqa.

Mateo 25:31

“Da'me jayem jo'ne jayem Jiyaĝaua Lec'oĝot nataq'aen jayem Jaliaĝanec, qom 'ñiyelaq qama'le nachetac da'me yi'yoĝodic, nataq'aen ena'uaque jogaa'me yamaĝa's jo'ne piyem laje' jayem naequetedapegue', qama'le jonañgui jaga'me yejaliaĝaiqui jo'ne p'ajaye da'me li'yoĝodic.

Romanos 2:5

Qalaĝaja qom yataqachiñe ja damichigui na'me adauel, ja jetaque a'viyeloqot ñe'me Dios, dite da'me alapotapega't da'me ane'uaĝanaguec 'me am qoyachalegue qomle, ga'me nolo' qom 'uo da'me nec'atenaĝanaĝac, qom ñe'me Dios yechoĝot da'me lajouaĝajet ga'me onolec qama'le qoya'uo ne'uaĝanaguec.

Mateo 24:35

Jodi'me piyem nataq'aen jena'me aleua yenoĝodegue qomle, qalaĝaja daa'me 'yaqataqa qamqa'me ja yenoĝodegue.

Apocalipsis 16:20

Yemeda jogaa'me nepel choqogaa'me qajoĝona'a ja yitaĝa ta'le uo'oe,

Apocalipsis 6:14

Di'me piyem male ja di'yoq, ena'am ta'le nede lae qom nenatague, qama'le yemeda gaa'me qajoĝonaĝadi' choqogaa'me nepel nach'e ena'am da'me ca'ae naa'me 'lachaqa'te.

Apocalipsis 20:2

Jo'me piyem le'ec naviiñe ñe'me ñaĝadiaq polio', nach'eñe ñe'me nanaic jo'ne 'uaechiñe joca'li, joñe'me jo'ne lenaĝat qoyen da'me payac, nataq'aen da'me lenaĝat laqaya qoyen jo'ne Satanás, qama'le jo'me piyem le'ec yecoñe' joñe'me chayovida'a qom nalo'taguet mil na'me 'uoidi da'me en netaye lequet.

Apocalipsis 12:8

qalaĝaja ja yaqanate't ta'le domataĝa'n. Chane'eja male qaya'te 'lachaqa't di'me piyem jogaa'me,

Apocalipsis 4:2

Qanach'e ua'a da'me jayem ua'ajop da'me lañoqotaĝanaĝac ñe'me Dios Lepaqal, qama'le jauana di'me nejaliaqa' jo'ne na'ague di'me piyem, nataq'aen da'me 'uo ñe'me jo'ne ñichiñe netaue ñe'me nejaliaĝaiqui.

Apocalipsis 19:11

Qama'le jauana di'me piyem da'me 'nouategue, qama'le 'uo jo'me pegaq jo'ne pagaĝaic, qama'le jauana jo'me netalegue 'me ladipa jo'ne lenaĝat da'me “Ja 'nalegue jo'ne ejoda naa'me 'laqataqa”, qa'a yachiyaqayi da'me chimaqachiñe da'me ya'uo da'me lec'atenaĝanaĝac nataq'aen da'me ya'uo ga'me nalada't.

Mateo 11:22

Qalaĝaja ami ja'aĝatema queda'me ga'me nolo' qom 'uo da'me nec'atenaĝanaĝac qama'le yataqachiñe lama'aja ga'me ane'uaĝanaguequi ja aueñiya'ama ga'me jiyaĝadipi 'me 'lachaqa't di'me Tiro nataq'aen Sidón.

Apocalipsis 21:5

Chane'eja joñe'me jo'ne netañgui jañe'me je'onaĝaiqui enaac: —Piiya: male jadalaĝat yema naa'me naajo' jo'ne uo'oe. Yem qama'le jayem dojapegue', enaac: —Auedidiñe nayi naa'me naajo' 'yaqataqa, qa'a nach'enaua jo'ne yataqachiñe ejoda qama'le 'uo da'me nepe'e jo'ne chiyaqayilo.