Apocalipsis 19:14 - Nuevo Testamento Toba Sombrero Negro

¹⁴ Quetedapegue' ena'uaque jogaa'me mach'e nejoĝonaqapi, jo'ne yatedañe naa'me louo jo'ne onaĝayaqa da'me 'loyaĝa'j, yoqovite' choqoda'me pagaĝayaqa, qama'le nach'e ena'ama netalo'te jogaa'me pega' jo'ne pagaĝayaqa.

Nuevo Testamento Toba Sur

¹⁴ Qaq somayi nachi ca'attague' na allippi piguem l'ecpi. Namayipi ÿaatrañi naua alogo mayi chigaqaiguilo na lino, ÿataqta ÿapaga'q qataq qui'itte'. Qaq netalec na caaÿo lapagaxaicpi.

La'aqtaqa Ñim Lo'onatac 'Enauacna 2013

¹⁴ Qaq ca'attaueegue Somaye so alleppi piguem le'ecpi, ỹaatrañi naua alogo maye chegaqaiguilo na lino, ỹataqta ỹapaga'q qataq qui'itte', netalec na caaỹo lapagaxaicpi.

Apocalipsis 19:14 Referans Kwoze

Apocalipsis 19:8

Chane'eja nayi qoyaje'tema da'me yaidiñe jogaa'me louo Jo'ne 'loyaĝa'j da'me ualoq jo'ne yataqata yapagaq nataq'aen da'me yaqaselec.” Qa'a nach'enaua naa'me nouo jo'ne yelo'teguet da'me chimaqachiñe jo'ne 'lonataqa joga'me jiyaĝadipi jo'ne ja 'nalo'te.

Judas 1:14

Nataq'aen ca'li Enoc, jo'ne tachigui da'me siete noqochic ga'me lauadipi di'me Adán, joca'li yojaĝanaĝan joñe'me Dios, qama'le enapegalo naa'me naajo' jiyaĝadipi ca'li enaac: “Ami ja'aĝatema da'me jauana joñe'me Jaliaĝanec choqogaa'me lamaĝa's jo'ne piyem laje' 'me jalcote jo'ne naequetapegue'to queda'me naequena joñe'me,

Apocalipsis 7:9

Mane'e ca'li yem da'me dojo' qama'le jauana ga'me jiyaĝadipi let'adaic jo'ne qaya'te yaqanatet ta'le noloqoten, jo'ne qoyachiyoĝotauelo yemeda jogaa'me noyaqa let'adayaqa nataq'aen yodapecache da'me neqomyaĝa'j nataq'aen yodapecache naa'me 'loyaĝaco naa'me 'laqataqa. Qama'le jauanalo da'me nechatetedañe ena'uac da'me dajotauo jaga'me je'onaĝaiqui jo'ne nejaliaĝaiqui, qama'le nach'e ena'ama dajoteda'aguet joñe'me 'Naĝanaĝate Lec'oĝot. Qama'le uo'oe naa'me louo jo'ne pagaĝayaqa nataq'aen da'me yachi'y jaa'me chaic layoqote, onolqa'tape jogaa'me jiyaĝa'u da'me lajoqot'alo.

Apocalipsis 17:14

Yem da'me dojo' qama'le deloi'te' ñe'me 'Naĝanaĝate Lec'oĝot, qalaĝaja ñe'me 'Naĝanaĝate Lec'oĝot noma't jogaa'me, qa'a ñe'me 'Naĝanaĝate Lec'oĝot naqaeñe jo'ne Lejaliaĝane'j ena'uaque jogaa'me jaliaĝanaqa, nataq'aen yataqata yaguegue da'me mach'e lañoqotaĝanaĝac. Qama'le gaa'me jo'ne ueteda'ajop joñe'me nach'egaua jo'ne Dios yiyaĝanalo 'me mach'e liquiyaqa, nach'egaua jo'ne yataqata p'iida'a joñe'me.”

Mateo 28:3

Joñe'me piyem le'ec ena'am ga'me qajoĝonaĝa lauaq da'me 'loyaĝac, nataq'aen ga'me leuo yataqachiñe yapaga't ena'am jaga'me loñi.

Apocalipsis 19:11

Qama'le jauana di'me piyem da'me 'nouategue, qama'le 'uo jo'me pegaq jo'ne pagaĝaic, qama'le jauana jo'me netalegue 'me ladipa jo'ne lenaĝat da'me “Ja 'nalegue jo'ne ejoda naa'me 'laqataqa”, qa'a yachiyaqayi da'me chimaqachiñe da'me ya'uo da'me lec'atenaĝanaĝac nataq'aen da'me ya'uo ga'me nalada't.

Apocalipsis 4:4

Nach'e ena'am ga'me jo'ne equejop jaga'me neje'onaĝaiqui jo'ne lejaliaĝaiqui jauanalo gaa'me laqaya' jo'ne veinticuatro nejaliaĝaiqui' 'me je'onaĝaiqui', nach'egaua jo'ne netañelo jogaa'me veinticuatro 'yaĝaicachidi: yatedañe gaa'me louo jo'ne pagaĝayaqa choqogaa'me yanetayelo naa'me laqai'go gaa'me noqop'al jo'ne oro.

Apocalipsis 3:4

Qalaĝaja di'me noic Sardes, maliaĝa uo'oe jogaa'me ja lama'y jo'ne ja e'n 'te paĝachiguilo jonaa'me louo: nach'egaua jo'ne jayem quetedapegue' qomle, qama'le yatedañe jona'me louo dalaĝayaqa jo'ne pagaĝayaqa, qa'a naq'aeta da'me naloteguet.

Apocalipsis 14:20

Jaga'me lae't da'me qoyolaĝachigui joga'me uva jala qoyen p'adegue joga'me noic let'adaic, nach'ana jo'ne chiyaqayi jaga'me netauo' lat'edai 'me yedaje'malo naa'me naqa' leque'te joga'me pegadipi, qama'le nalo'taguet trescientos kilómetros ga'me jo'ne laguelegue jaga'me netauo'.

Apocalipsis 14:1

Yem da'me dojo' qama'le yitaĝa jelojeguem, qama'le jauana ñe'me 'Naĝanaĝate Lec'oĝot da'me petalegue ga'me qajoĝonaĝa jo'ne lenaĝat da'me Sión. Qama'le uo'oe gaa'me naequetedapegue' jo'ne ciento cuarenta y cuatro mil ga'me jiyaĝadipi, gaa'me jo'ne qoyedetalo'te jana'me nepe da'me lenaĝat joñe'me 'Naĝanaĝate Lec'oĝot choqoda'me lenaĝat ñe'me Let'a.

2 Ts 1:7

Qama'le ami yichoĝode'n qomle, da'me ami jo'ne 'uo da'me adachoĝodequi nayi, qaedi qadalo'ta't da'me qo'mi yichoĝode'n, qom yovita ga'me nolo' da'me yitaĝa 'niyelaq joñe'me Qadejaliaĝanec Jesús chiyaqa'ague jodi'me piyem, da'me naquetaue joga'me ena'am ta'le dole' lauaq, nataq'aen naequetedapegue' jogaa'me piyem laje' jo'ne yataqata p'ajodaye.

Mateo 26:53

¿Qo'li ja auayaten queda'me jaqanatet ta'le ñachoĝodenot ñe'me Taĝadena' qaedi jayem namaĝalo gaa'me doce lejaliaĝanaqa joga'me piyem laje'pi?

Mateo 21:5

“A'uaĝachem di'me noic Sión: «Auec'aten na'me Adejaliaĝanec am nec'ata. Ja 'yoĝodaq, netalegue ga'me ajena, ga'me ajenolec 'me c'oĝot jaga'me jiyac 'me nachoĝonaĝalate.»”