Apocalipsis 18:24 - Nuevo Testamento Toba Sombrero Negro

²⁴ Qa'a jena'me jenjo' noic joote qoyejomalegue jana'me letauo't jodia'me Dios 'laqataĝanaĝanaqa choqoga'me Dios lec'oqo'tepi jo'ne ja 'nalo'te, nataq'aen jodia'me jo'ne qoyala't 'me uedalegue yema jena'me aleua.

Nuevo Testamento Toba Sur

²⁴ Cha'ayi yi'iyi la ciudad nachi huaña da qailalec na ltago'q nam i'axatta'pe co'ollaxa na l'aqtaqa ñi Dios, qataq nam lalamaxatpi ñimayi, qataq 'enauac nam qaÿalauatpi mayi hualec ana 'alhua.

La'aqtaqa Ñim Lo'onatac 'Enauacna 2013

²⁴ Ñim Lo'onatac 'Enauacna ỹauo'o da nhuaxanaguec yi'iye lta'araic nỹecpi, cha'aye yemaye lasouaxashet da ỹalauat so la'aqtaxanaxanecpi Ñimaye qataq so lalamaxatpi. Qataq 'enauac nam ỹalauatpi maye huetalec ana 'alhua.

Apocalipsis 18:24 Referans Kwoze

Apocalipsis 17:6

Chane'eja da'me jayem male jauana jañe'me yauo da'me joote en taĝai q'aen jana'me letauo't ga'me jiyaĝadipi jo'ne ja 'nalo'te, nach'egaua jo'ne joote qoyala't yajouaĝat da'me 'yaĝatetedac joñe'me Jesús. Qama'le da'me jayem yataqata da'me joqoch'em.

Apocalipsis 16:6

Qa'a nach'enaua jo'ne e'n nalidiñi jana'me letauo' jenjo' noic Jo'ne mach'e ac'oqo'tepi 'me ja 'nalo'te Choqodia'me at'aqataĝanaĝanaqa. Chane'eja nayi male auanema jaga'me netauo' qaedi niyomidigui. ¡Queda'me ta'chelo da'me aua'uo da'me ne'uaĝanague'j nayi!”

Apocalipsis 19:2

'Uo da'me chiyaqayi da'me lec'atenaĝanaĝac joñe'me Jo'ne chimaqachiñe, nataq'aen da'me chiyaqayi da'me eja; Qa'a nach'eñe jo'ne ya'uo da'me ne'uaĝanaguec Jañe'me quejeguetaĝai lat'edai, Yajouaĝat da'me lequejeguetaĝa jo'ne 'naĝa't ena'uaque Joga'me jiyaĝadipi jo'ne neteda'ña jena'me aleua. Chane'eja 'yiyelaĝatec jañe'me yauo da'me leleuaqa' jodia'me mach'e lalemaĝaje'te.”

Hechos 7:52

¿Jach'e jogamaĝa Dios 'laqataĝanaĝanec jo'ne maqachaĝa ja ja no'en da'me 'yetedec dia'me adet'aldi'? Jodia'me yala't gaa'me jo'ne te'me 'yaĝatetapema da'me lovidaĝac ñe'me jo'ne chimaqachiñe, qama'le nayi queda'me jenjo' jo'ne chimaqachiñe joote novi', qama'te mach'e ami da'me ap'aelegue qama'le aualachi ca'li.

Apocalipsis 11:7

Qalaĝaja qom male yoma't ena'uaque da'me 'laqataĝanaĝa'j, qama'le joñe'me jiyac polio' male nenoĝojeguem chiyaqañgui jaga'me limaĝañi jo'ne qaya'te loiquiaqa', qama'le paja'a da'me deuo'yalo, qama'le noma't chayovida'a da'me male yala't.

Mateo 23:35

Chane'eja nach'e ami ualo'te da'me ane'uaĝanaguequi qomle jouaĝat yema jaga'me tauo' dia'me yataqatelo'te 'me qoyen naliñi chiyoqotelegue di'me Abel jo'ne yataqatelegue chayovida'a Zacarías, 'me Berequías c'oĝot, nach'edi jo'ne aualachiyalegue ga'me tamenaqa' 'me ja 'nalegue nataq'aen ga'me c'atoĝonaĝala'.

Mateo 23:27

“¡Degueja da'me adachoĝodequi qomle ami judiopi napaĝaguenoqo'tpi nataq'aen fariseopi! Ami jo'ne ja ami 'te ejoda, 'me aueñiya'ama gaa'me napa'l lete' nale qoyiyoĝolo'te ga'me pagaĝaic, qoyiyamaĝatetac ga'me p'aye, qalaĝaja ga'me lauel najaqachiguilo gaa'me p'inaqa dia'me yele'u nataq'aen yema gaa'me ja 'noe'n.

1 Ts 2:15

Naa'me naajo' judiopi nach'enaua ca'li yala't ñe'me Jaliaĝanec Jesús, ena'ama ga'me let'alpi jo'ne yala't ca'li dia'me Dios 'laqataĝanaĝanaqa, qama'le da'me qo'mi ch'e qo'mi yeladedegue, ja qo'mi 'te najeteta, qa'a jouaĝat da'me ja noqopideta joñe'me mach'e Qadet'a jo'ne Dios, eetedapega da'me yataqata qaya'te 'yamaqaten.