Apocalipsis 18:21 - Nuevo Testamento Toba Sombrero Negro

²¹ Chane'eja 'uo ñe'me piyem le'ec, jo'ne 'uo da'me lañoqotaĝanaĝac let'adaic, yaconot jo'me qa' let'adaic jo'ne ena'am jena'me nejogaĝaiqui, qama'le yajaĝañgui jaga'me qa'em lat'edai, qama'le enaac: “Naq'aeta da'me am qoyajaĝaye qomle, am Babilonia jo'ne am noic let'adaic, am qoyajaĝañe qomle, qama'le ja yitaĝa ta'le am qoyauana.

Nuevo Testamento Toba Sur

²¹ Nachi so 'oonolec namaxashic piguem l'ec mayi ÿataqta qaica ca 'en'am da l'añaxac, somayi ÿacoosop so coma' lta'adaic mayi 'eeta'am na namaicnaxanaxat. Nachi ÿasaxangui aso auaxai, nachi 'eeta': –'Eda qome da 'eetec da qaÿasaxañi yi Babilonia, yim ÿataqta lta'adaic la ciudad. Nachi sa ishit qome da qanauanapegue' da qaltaq qailogui.

La'aqtaqa Ñim Lo'onatac 'Enauacna 2013

²¹ Ime, nache so 'oonolec namaxashec piguem le'ec maye ỹataqta qaica ca 'ena'am da la'añaxac, somaye ỹacoosop so coma' lta'araic maye 'eeta'am na namaicnaxanaxat, nache ỹasaxangui aso auaxai, nache 'eeta': «'Am Babilonia, 'am ỹataqta lta'araic da 'ara'añaxac, ¡'Era qome da 'eetec da 'am qailaxachigui, nache saishet qome da qaltaq 'am qaila'a!

Apocalipsis 18:21 Referans Kwoze

Apocalipsis 5:2

Nataq'aen jauana jo'me piyem le'ec 'me 'uo da'me 'lañaĝac qama'le yataqata netenec da'me 'laqatac da'me denataĝan: “¿Jach'e jogamaĝa qoyaje'tem da'me naqa't gaa'me 'nanaĝanaqate lidi'ñe qaedi 'youachigui ga'me nenañejec?”

Apocalipsis 20:11

Nataq'aen jauana jaga'me je'onaĝaiqui lat'edai jo'ne pagaĝai choqoñe'me jo'ne netañgui. Mane'e ca'li naloĝola't joñe'me, qama'le jena'me aleua choqodi'me piyem male nelagaĝa'tape, qama'le nalo'ta't da'me yapalaĝat, ja yitaĝa ta'le qoyauanalo.

Apocalipsis 18:22

Nataq'aen da'me ja yitaĝa ta'le qodomachiya jena'me lajamaĝa jaga'me niviqui uotaĝa jaga'me nejeede jo'ne flauta uotaĝa trompeta. Nataq'aen ja yitaĝa ta'le 'uo ga'me am t'onataĝatapelegue gamachaqaega 'nonataĝanaĝac jo'ne 'uo nale, uotaĝa ta'le qodomachiya joga'me lajamaĝa ga'me qa' jo'ne 'uo nale ga'me yolaĝat.

Apocalipsis 16:20

Yemeda jogaa'me nepel choqogaa'me qajoĝona'a ja yitaĝa ta'le uo'oe,

Apocalipsis 12:8

qalaĝaja ja yaqanate't ta'le domataĝa'n. Chane'eja male qaya'te 'lachaqa't di'me piyem jogaa'me,

Apocalipsis 18:10

Chane'eja male qaya'alo joga'me ueteda'a, yajouaĝat da'me t'oita da'me ne'uaĝanaguec jañe'me Babilonia, qama'le enapega't: “Am Babilonia jo'ne am p'ajaye da'me am noic let'adaic, ¡Degueja da'me adachoĝodec nayi! Qa'a pelaqatela't da'me novi' ga'me ane'uaĝanaguec.”

Apocalipsis 10:1

Yem qama'le jauana jo'me piyem le'ec laqaya jo'ne 'uo da'me lañoqotaĝanaĝac, naquetaue jo'me piyem lo'oc da'me nenochiñe chiyaqaje'ma di'me piyem, na'me laqaic uetalegue jo'me uosac choqoda'me yaqaselec jo'me latajoĝoc ena'am ta'le ajeua lauaq, nataq'aen naa'me lotetadi ena'am ta'le dole'te qom noĝoneje'melo jena'me lauaq.