Apocalipsis 17:5 - Nuevo Testamento Toba Sombrero Negro

⁵ Nataq'aen da'me 'uo jo'me nediijec jo'ne uetalegue jajo'me nepe jo'ne mach'e lenaĝat 'me ja en 'te di'yoq, eetojo': «Jayem Babilonia jo'ne p'ajaye, nach'ayem lat'e yema jana'me quejeguetaĝailpi, jayem chiyaqayi da'me male qodaqaeca'a jena'me jiyaĝadipi jo'ne netedalegue jena'me aleua.»

Nuevo Testamento Toba Sur

⁵ Qataq asomayi nanettalec na latap so n'enaxat mayi saq cha'a ca naigui. 'Eeta': “Nam ÿataqta 'amaqtaqaic Babilonia, nachana ana late'e ana quishiguetaxaipi qataq 'enauac nam i'ot da nqaigaxa mayi huetalec ana 'alhua.”

La'aqtaqa Ñim Lo'onatac 'Enauacna 2013

⁵ Qaq asomaye nanettalec na latap so ne'enaxat maye saqcha'a ca naigui. 'Eeta': «Nam ỹataqta 'amaqtaqaic Babilonia, nachana ana late'e ana quisheguetaxaipi qataq 'enauac nam qauem maye nqaigaxat maye huetalec ana 'alhua.»

Apocalipsis 17:5 Referans Kwoze

Apocalipsis 14:8

Qama'le yec'atalegue ñe'me piyem le'ec laqaya jo'ne eetac: “¡Yataqata qonolaĝachiñe nayi di'me noic let'adaic jo'ne lenaĝat da'me Babilonia! Di'me jo'ne en taĝaiquipi yemeda joga'me aleua laje'pi, da'me en taĝayaqa q'aen ga'me lataĝa jo'ne lequejeguetaĝa, ¡male qoyapalaĝat nayi!”

Apocalipsis 18:2

En yejam da'me 'laqatac, enaac: “¡Ami yaqaya'olqa, male qoyalaĝachigui di'me noic let'adaic 'me Babilonia! ¡Male qoyen payagodipi 'lachaqa't, choqona'me nañoĝotaqa' yema jena'me nepaqa'lpi jo'ne yodapecache da'me 'loyaĝa'j jo'ne paĝachiguilo. Nach'e ena'am uo'oe gaa'me lepataque'te gaa'me mayodi jo'ne yodapecache da'me 'loyaĝa'j jo'ne paĝachiguilo, nataq'aen gaa'me yejidi jo'ne paĝachiguilo choqoda'me ouaqayaqa!

Apocalipsis 17:7

Qalaĝaja joñe'me piyem le'ec male jayem dojapegue', enaac: “¿Toqoch'e auoqoch'em da'me dojo' jo'ne auana? Nayi cha'li am ja'aĝatem da'me jo'ne yelo'teguet, da'me jo'ne ja en 'te di'yoq jañe'me yauo choqoñe'me jiyac polio' 'me netalegue, jo'ne siete naa'me laqai'go nataq'aen diez naa'me lepeel.

Apocalipsis 19:2

'Uo da'me chiyaqayi da'me lec'atenaĝanaĝac joñe'me Jo'ne chimaqachiñe, nataq'aen da'me chiyaqayi da'me eja; Qa'a nach'eñe jo'ne ya'uo da'me ne'uaĝanaguec Jañe'me quejeguetaĝai lat'edai, Yajouaĝat da'me lequejeguetaĝa jo'ne 'naĝa't ena'uaque Joga'me jiyaĝadipi jo'ne neteda'ña jena'me aleua. Chane'eja 'yiyelaĝatec jañe'me yauo da'me leleuaqa' jodia'me mach'e lalemaĝaje'te.”

Apocalipsis 16:19

Ga'me noic let'adaic male cojayi, qama'le tres naa'me lael da'me niyaqapecache jena'me aleua. Qama'le gaa'me noyaqa yemeda iyidiñe. Qama'le joñe'me Dios male uenate'ta ga'me noic let'adaic 'me lenaĝat da'me Babilonia, qaedi nach'e ena'am diyomaĝanataĝañgui ga'me lataĝa jo'ne mach'e lalemataic da'me ya'uo ga'me ye'uaĝaneque joga'me mach'e laje'pi.

2 Ts 2:7

Qa'a da'me 'netaĝaloĝoc jo'ne ja di'yoq ca'li, male t'onataĝatac, qalaĝaja ch'e yeuate'ta da'me qonaqat ñe'me jo'ne 'nelaĝatetañe.

Apocalipsis 18:21

Chane'eja 'uo ñe'me piyem le'ec, jo'ne 'uo da'me lañoqotaĝanaĝac let'adaic, yaconot jo'me qa' let'adaic jo'ne ena'am jena'me nejogaĝaiqui, qama'le yajaĝañgui jaga'me qa'em lat'edai, qama'le enaac: “Naq'aeta da'me am qoyajaĝaye qomle, am Babilonia jo'ne am noic let'adaic, am qoyajaĝañe qomle, qama'le ja yitaĝa ta'le am qoyauana.

Apocalipsis 11:8

Chane'eja jogaa'me lapa'che dia'me joote yele'u nelagaĝachichidiñe, ueteda'ña ga'me naq'aeuo joga'me noic let'adaic, di'me jo'ne ua'ña joca'li ñe'me mach'e Qadejaliaĝanec da'me qoyep'enajeguem, di'me noic jo'ne lenaĝat qoyen Sodoma qama'le nach'e ena'am da'me lenaĝat laqaya qoyen Egipto.

Filipenses 3:19

Da'me dojo' jiyaĝadipi male ta'teda di'me 'lachaqa' joñe'me payac, nach'edata da'me liqui'yaĝac jo'ne uenateteda'a, qama'le yataqata ni'yoĝodetedapiye da'me ja no'en jo'ne mach'e 'lonataĝanaĝa'j, qa'a yataqata qaya'te lepocoĝo, qama'le yemeda'a da'me ja no'en jo'ne uapi'ña jena'me aleua.

Apocalipsis 7:3

enaac: “¡Ena'te auauoyi ga'me a'vichiyec jo'ne ja no'en jena'me aleua uotaĝa ga'me noĝop let'adaic uotaĝa jogaa'me ep'a, chayovida'a qom yem da'me ja'anaq naa'me nepel jogaa'me jo'ne mach'e lalemaĝaje'te ñe'me Qanedios!”

Apocalipsis 1:20

Naa'me naajo' jo'ne ja di'yo't 'me siete uaqachiñil jo'ne auanalo da'me uetedaye jenjo' youaq jo'ne yayaten nataq'aen naa'me siete coyadaĝanaqatel jo'ne oro: jonaa'me siete uaqachiñil nach'enaua jo'ne piyem laje' 'me yelolo'te gaa'me siete tamenaĝaiqui', qama'le naa'me siete coyadaĝanaqatel jo'ne auanalo nach'enaua jo'ne siete naa'me tamenaĝaiqui'.

Apocalipsis 17:1

Qama'le 'uo ñe'me piyem le'ec jo'ne uetauelo ca'li jaa'me siete piyem laje' 'me lajoqot'alo jogaa'me siete yomaĝaiqui', nach'eñe jo'ne jayem nec'ata, qama'le enaac: “Nayi auanaequena qaedi am jaloĝona da'me ne'uaĝanaguec jañe'me yauo jo'ne quejeguetaĝai, jañe'me jo'ne netalegue jena'me noĝop.

Apocalipsis 17:2

Qama'le jañe'me yauo yamaĝadoue gaa'me nejaliaĝanaqa jo'ne yelodelegue jena'me aleua da'me nequejeguetaĝa. Chane'eja joga'me jiyaĝadipi jo'ne netedalegue jena'me aleua nach'e ena'am e'n taĝaiquipi da'me nequejeguetaĝa, ena'am da'me uotaĝa qoniyomaĝañi ga'me lataĝa.”