Apocalipsis 16:8 - Nuevo Testamento Toba Sombrero Negro

⁸ Joñe'me cuatro jogaa'me piyem laje' laqaya' yecodelegue jo'me le'ec jaga'me yomaĝaiqui jañe'me ajeua, qama'le qoyaje'tem da'me yaviyaĝat yema ga'me jiyaĝadipi, ena'am ga'me dole'.

Nuevo Testamento Toba Sur

⁸ Qataq jec so lÿa namaxashic piguem l'ec da icodelec aso nala'. Nachi qoÿami' aso nala' da l'añaxac, da yaqto' na l'edaxa ishit da ÿavigaxat na shiÿaxauapi.

La'aqtaqa Ñim Lo'onatac 'Enauacna 2013

⁸ Qataq jec so lỹa namaxashec piguem le'ec da icorelec so huetagui aso ỹomaxaqui añi nala', nache qoỹami' añi nala' da la'añaxac da yaqto' na le'eraxa ishet da ỹavigaxat na shiỹaxauapi.

Apocalipsis 16:8 Referans Kwoze

Apocalipsis 14:18

Qama'le yitaĝa 'uo ga'me piyem le'ec laqaya jo'ne chiyaqaue ga'me c'atoĝonaĝala', nach'ega jo'ne yaqanatet da'me yelolegue ga'me dole', qama'le netenec da'me 'laqatac da'me yiyaĝana ga'me jo'ne yachitac ga'me ledaĝanaĝat jo'ne yaec, eetac: “¡Avichaĝañi na'me adedaĝanaĝat, qama'le auen yichaĝadegue gaa'me lichidiqui jo'ne na'ñalo joga'me uva jala jo'ne uetalegue jena'me aleua, qa'a joote yi jena'me uva jala!”

Hechos 2:20

Taya napidiyi qomle jañe'me ajeua, Nataq'aen ñe'me auoĝoic taya netauo', Qom maliaĝa ja yovita ga'me nolo' Jo'ne lovidaĝaiqui ñe'me Jaliaĝanec, Nolo' jo'ne p'ajaye nataq'aen 'yoĝodaq.

Mateo 13:6

qalaĝaja nale nenoĝojeguem jañe'me ajeua, qanach'e yaviyaĝat, qama'le queda'me qaya'te pata' male daqaqa.

Apocalipsis 9:2

Qama'le 'youategue ga'me najom jaga'me limaĝañi, qama'le nenoĝojeguem jaga'me nemala' jo'ne ena'am jaga'me nemala' jo'ne chiyaqaue jaga'me nec'atoĝonaĝaiqui lat'edai. Chane'eja jajo'me nemala' male en 'naltapiye jañe'me ajeua choqona'me piyem.

Apocalipsis 8:12

Ñe'me piyem le'ec laqaya jo'ne dajoyalo'te ñaa'me tres piyem laje' yajediye jaga'me mach'e lajeede, qama'le naa'me tres lael jañe'me ajeua 'uo ga'me onolec jo'ne qoyolaĝachigui, nataq'aen ñe'me auoĝoic nach'e ena'am qoyolaĝachigui na'me lae, qama'le nach'e ena'am naa'me uaqachiñil jo'ne tres naa'me ua'ñalo 'uo da'me onolec jo'ne qoyalaĝachigui, qaedi 'uo da'me 'lalaĝa. Qama'le naa'me tres jo'ne lael na'me nolo', 'uo ga'me onolec lae jo'ne 'naltapiye, nataq'aen jena'me pi'yaq 'uo ga'me lae jo'ne om ñe'me auoĝoic choqonaa'me uaqachiñil.

Apocalipsis 7:16

Qama'le da'me noqouaĝa ja yitaĝa ta'le 'uo da'me en lachoĝode'j, uotaĝa da'me noĝop lamaic, nach'e ena'am da'me ja yitaĝa yaqanatet ta'le yaviyaĝa't jañe'me ajeua, nataq'aen jena'me nepi'yaĝa ja yitaĝa ta'le yeloiquiaĝa'tape,

Apocalipsis 6:12

Mane'e ca'li yem da'me dojo' qama'le jauana joñe'me 'Naĝanaĝate Lec'oĝot da'me naqat jajo'me sexto 'nanaĝanaqate, qama'le 'uo jo'me ne'uaĝa let'adaic. Jañe'me ajeua neleguemaĝata da'me ledaĝai, yataqata 'naltapiye, nataq'aen ñe'me auoĝoic neleguemaĝata da'me tomaĝadaic, ena'am ta'le netauo' da'me 'loyaĝac.

Lucas 21:25

“Uo'oe qom'te gaa'me 'nanaqa'te jañe'me ajeua nataq'aen ñe'me auoĝoic nataq'aen ga'me uaqachiñipi; nataq'aen yema jena'me aleua 'uo da'me nachitataic nataq'aen jalcote da'me loqolanaqa', jouaĝat ga'me chaqae'ta lejamaĝa ga'me noĝop lepa'.