Apocalipsis 15:3 - Nuevo Testamento Toba Sombrero Negro

³ Qama'le t'onaĝa'tape jogaa'me, 'yotedac da'me lalac ñe'me Moisés choqoda'me lalac ñe'me 'Naĝanaĝate Lec'oĝot jo'ne eetac: “Let'adayaqa naa'me auauo'oe, Nataq'aen da'me onaĝayaqa ena'uaque naa'me at'onataqa, Am Jaliaĝanec Dios jo'ne qaya'te auaqalatac; Eja da'me chimaqategue da'me adadiquiyaĝac nataq'aen da'me yataqatelegue, Am Lejaliaĝane'j ena'uaque ga'me jiyaĝadipi jo'ne neda'ña jena'me aleua.

Nuevo Testamento Toba Sur

³ Nachi somayipi i'ootac som l'onec so Moisés som lamaxashic ñi Dios qataq som n'onec da qaÿi'oxoden so qagueta llalec mayi 'eeta': Ÿataqta lta'adaic qataq ÿi'oxodaq 'enauac nam 'au'otpi, 'am qadataxala' Dios mayi qaica ca 'auqalanapec. Ÿataqta ÿashictreec qataq 'eesoda nam 'anqa'aico, 'am mayi 'am lataxala' nam ÿotta'a't shiÿaxauapi.

La'aqtaqa Ñim Lo'onatac 'Enauacna 2013

³ Nache somayepi ỹo'ootac som lo'onec so Moisés da qaỹo'oxoren So Qagueta Llalec maye 'eeta': «'Am Qarataxala' maye 'Aro'onatac 'Enauacna, qataq qaica ca 'auqalanapec, 'enauac nam 'auo'otpi ỹataqta lta'araicpi, qataq huo'o da llo'oxoyec. 'Am maye 'am Lataxala' 'enauac nam huetalec ana 'alhua, 'enauac na 'auo'otpi ỹataqta ỹaỹamaqchiguiñi, qataq nalochiguiñi.

Apocalipsis 15:3 Referans Kwoze

Hebreos 3:5

Qa'a ñe'me Moisés ch'e Dios nejoĝonec jo'ne yoqo'cha ca'li yema da'me jo'ne qoyamaĝalo, qaedi lecochiya yema ga'me noic jo'ne Dios lec'oqo'tepi, qama'le dechoqotaĝanec da'me jo'ne Dios jetaque 'yaĝatetac jo'ne dalaĝaic.

Juan 1:17

Qa'a daa'me Dios lamaĝajoĝonaĝaco qoyanema joca'li ñe'me Moisés, qalaĝaja da'me jo'ne chiyaqayi ñe'me Jesucristo, naqaeda da'me Dios lichoĝodenataĝanaĝac nataq'aen da'me yataqachiñe eja.

Apocalipsis 19:2

'Uo da'me chiyaqayi da'me lec'atenaĝanaĝac joñe'me Jo'ne chimaqachiñe, nataq'aen da'me chiyaqayi da'me eja; Qa'a nach'eñe jo'ne ya'uo da'me ne'uaĝanaguec Jañe'me quejeguetaĝai lat'edai, Yajouaĝat da'me lequejeguetaĝa jo'ne 'naĝa't ena'uaque Joga'me jiyaĝadipi jo'ne neteda'ña jena'me aleua. Chane'eja 'yiyelaĝatec jañe'me yauo da'me leleuaqa' jodia'me mach'e lalemaĝaje'te.”

Apocalipsis 14:3

Qama'le t'onaĝa'tape, 'yotedac da'me nalac jo'ne dalaĝaic, da'me dajoteda'uo jaga'me Dios lejaliaĝaiqui jo'ne je'onaĝaiqui, qama'le dajoya'agueta jogaa'me cuatro yejidi jo'ne nec'aletedaye choqogaa'me 'yaĝaicachidi. Yataqata ja qoyayaten da'me dojo' nalac, mach'e e'n niyaqa'alo joga'me ciento cuarenta y cuatro mil jiyaĝadipi jo'ne joote qonec'alaĝatedegue, qoyachiyoĝotauelo jogaa'me neteda'ña jena'me aleua.

Apocalipsis 17:14

Yem da'me dojo' qama'le deloi'te' ñe'me 'Naĝanaĝate Lec'oĝot, qalaĝaja ñe'me 'Naĝanaĝate Lec'oĝot noma't jogaa'me, qa'a ñe'me 'Naĝanaĝate Lec'oĝot naqaeñe jo'ne Lejaliaĝane'j ena'uaque jogaa'me jaliaĝanaqa, nataq'aen yataqata yaguegue da'me mach'e lañoqotaĝanaĝac. Qama'le gaa'me jo'ne ueteda'ajop joñe'me nach'egaua jo'ne Dios yiyaĝanalo 'me mach'e liquiyaqa, nach'egaua jo'ne yataqata p'iida'a joñe'me.”

Apocalipsis 11:17

da'me enapega't: “Am Qadejaliaĝanec, jo'ne am Qadet'a 'me qaya'te auaqalatac, Da'me am jo'ne nach'e eta't 'uo, nataq'aen da'me jalchi'ena am 'uo joca'li, Am janemaĝam da'me qadamaic, Qa'a nayi joote auaconeguet da'me adañoqotaĝanaĝac let'adaic Qama'le auen laloqo' da'me male anejaliaĝatelo'te jena'me aleua laje'pi.

Apocalipsis 4:8

Onolqa'tape jogaa'me yejidipi uo'oe gaa'me laua' jo'ne seis, 'me yapadichiñe jana'me 'lae'tepi jo'me p'aye jaa'me laua' choqojo'me p'auo. Nataq'aen da'me yema ga'me nolo' choqoga'me pi'yaq da'me ja yaĝadiñi da'me 'yotedac: “¡Yataqata ja 'nalegue joñe'me, Naqaeñe joñe'me Jaliaĝanec Dios jo'ne qaya'te yacalaatac, Joñe'me jo'ne jalchi'ena 'uo nataq'aen nach'e eta't da'me qo'mi ue'tajopa!”

Apocalipsis 19:16

Jojo'me lapoto en uetalegue nataq'aen jena'me loteta jo'ne 'uo ga'me nediijec 'me ualegue 'me lenaĝat laqaya jo'ne eetac: “Lejaliaĝane'j ena'uaque gaa'me nejaliaĝanaqa nataq'aen yataqata yaguegue da'me lañoqotaĝanaĝac.”

Apocalipsis 14:8

Qama'le yec'atalegue ñe'me piyem le'ec laqaya jo'ne eetac: “¡Yataqata qonolaĝachiñe nayi di'me noic let'adaic jo'ne lenaĝat da'me Babilonia! Di'me jo'ne en taĝaiquipi yemeda joga'me aleua laje'pi, da'me en taĝayaqa q'aen ga'me lataĝa jo'ne lequejeguetaĝa, ¡male qoyapalaĝat nayi!”

1 Timoteo 1:17

¡'Noota qom nach'e eta't qa'nonaĝachigui joñe'me, nataq'aen jaloĝonaq da'me onaĝaic lejaliaĝa joñe'me mach'e Qadejaliaĝanec jo'ne ja pal, nataq'aen Jaliaĝanec jo'ne qaya'te nalo'oguet, ja qoyauana, nach'eñe onolec mach'e Qanedios! Jaja'a, nach'e naq'aeta da'me dojo'.

Apocalipsis 1:8

“Naqayem jo'ne je'uaechiñe nataq'aen da'me naqayem jo'ne jep'ategue,” naq'aeta da'me 'laqatac joñe'me Jaliaĝanec Dios jo'ne qaya'te yaqalaatac, joñe'me jo'ne jalchi'ena 'uo, nataq'aen nach'e eta't da'me qo'mi ue'tajopa.