Apocalipsis 14:7 - Nuevo Testamento Toba Sombrero Negro

⁷ Qama'le netenec da'me 'laqatac jo'ne eetac: “At'oiya'aguet ñe'me Dios qama'le a'nonaĝachiyegui joñe'me, qa'a male yovita da'me laloqo' da'me ya'uo lec'atenaĝanaĝac. Anetameñiyot ñe'me jo'ne ya'uo di'me piyem nataq'aen jena'me aleua nach'e ena'am joga'me noĝop let'adaic choqoga'me noĝop jo'ne natetajeguem.”

Nuevo Testamento Toba Sur

⁷ Nachi somayi ÿataqta n'axannec da l'aqtac, 'eeta': –Ÿataqta huo'o naq 'enec qome qanqashiñi ñi Dios, qataq qavi'oxoyiñi, cha'ayi mashi ivita yi laloqo' da ñimayi nmit na nasouaxashitpi. Qaq qavi'oxoyiñi qome ñim l'onatac na piguem, qataq ana 'alhua, qataq aso auaxai, qataq anam lapelpi mayi npaxaatashiguem na l'ec.

La'aqtaqa Ñim Lo'onatac 'Enauacna 2013

⁷ Somaye ỹataqta na'axannec da la'aqtac, 'eeta': «Ỹataqta huo'o naq 'enec qanqa'eñi Ñim Lo'onatac 'Enauacna, qataq qavio'oxoyiñi; cha'aye mashe ivita ye laloqo' da Ñimaye nmit na shiỹaxauapi ana 'alhua. Qavio'oxoyiñi Ñim lo'onatac na piguem qataq ana 'alhua, qataq aso auaxai, qataq anam npaxaatasheguem na le'ec 'etaxat.»

Apocalipsis 14:7 Referans Kwoze

Apocalipsis 15:4

Am Jaliaĝanec, ¿jach'e jogamaĝa yaqanatet ta'le ja am 'te t'oiya? ¿Jach'e jogamaĝa ja am 'te 'nonaĝachichigui? Qa'a naqa'am jo'ne am Onolec da'me ja am 'te 'nalegue; Ena'uaque naa'me noyaqa let'adayaqa na'taquena qomle, Qama'le am 'nonaĝachidegue, Qa'a da'me adec'atenaĝanaĝac joote aualoĝon Nataq'aen da'me qonauachigui yema.”

Apocalipsis 11:18

Qa'a joga'me jiyaĝadipi jo'ne qaya'te lepe'e' male 'uo da'me nalimaĝa let'adaic; Qalaĝaja male yovita jena'me nolo' da'me a'uaĝa'n jogaa'me, Qom aua'uo da'me adec'atenaĝanaĝac jodia'me joote yele'u; Nataq'aen da'me auanema da'me nejetenague'j jogaa'me jo'ne mach'e adalemaĝaje'te jo'ne at'aqataĝanaĝanaqa, Choqoga'me mach'e ac'oqo'tepi jo'ne yataqatelo'te Nataq'aen yema jogaa'me jo'ne yataqata am 'nonaĝachidegue, Gamachaqaegaua jo'ne p'ajodaye, uotaĝa ja p'ajodaye; Nataq'aen da'me auala't jogaa'me jo'ne yolaĝachidegue jena'me aleua.”

Apocalipsis 4:11

“Am Qadejaliaĝanec nataq'aen da'me mach'e am Qanedios, Naqa'am jo'ne am tachigui da'me yataqata am qo'nonaĝachigui, Jouaĝat da'me 'uo da'me at'onaĝac nataq'aen da'me adañoqotaĝanaĝac let'adaic, Qa'a naqa'am jo'ne aue't yema naa'me naajo' uo'oe; Qa'a naq'aeta da'me mach'e adelnataĝac ca'li, Qama'le uo'oe nayi da'me male aue'n di'yo'quena.”

Apocalipsis 11:13

Qama'le paja'a da'me 'uo jo'me nedaĝac let'adaic, qama'le di'me noic let'adaic ena'uaque gaa'me diez 'nachaqa'te male 'uo ga'me onolec jo'ne iyiñe, qama'le nach'e ena'ama joga'me jiyaĝadipi jo'ne yele'u nalo'taguet siete mil. Chane'eja jogaa'me jo'ne maliaĝa uo'oe male 'uo da'me loqolanaqa' qama'le 'nonaĝachidegue joñe'me Dios jo'ne ne'tague di'me piyem.

Apocalipsis 18:10

Chane'eja male qaya'alo joga'me ueteda'a, yajouaĝat da'me t'oita da'me ne'uaĝanaguec jañe'me Babilonia, qama'le enapega't: “Am Babilonia jo'ne am p'ajaye da'me am noic let'adaic, ¡Degueja da'me adachoĝodec nayi! Qa'a pelaqatela't da'me novi' ga'me ane'uaĝanaguec.”

Apocalipsis 16:9

Chane'eja joga'me jiyaĝadipi male yaviyaĝat ga'me nipiyaĝac let'adaic, qalaĝaja nach'e ena'am ja jetaque 'viyelaĝadetot joñe'me Dios, nataq'aen da'me qaya'te li'yoĝodenataĝanaĝa'j joñe'me. Nach'edata da'me yemeda'a da'me nach'e eta't ye'uetedac joñe'me Dios, nach'eñe jo'ne 'uo da'me lañoqotaĝanaĝac yaqanatet da'me 'uo ga'me yamaĝa jogaa'me napite'nadi choqogaa'me 'lonataqa laqaya'.

Apocalipsis 4:9

Chane'eja nale jogaa'me yejidi 'nonaĝachidegue joñe'me jo'ne ñichiñe netañgui jaga'me je'onaĝaiqui, nach'eñe ñe'me jo'ne nach'e eta't da'me nec'aletaye, nataq'aen da'me yatem da'me lamai'j,

Hechos 14:15

—¿Toqoch'e naq'aeta da'me auauoyi? Nach'e ena'am qo'mi jiyaĝa'u, ami jenaqa'ama. Qo'che' ñanaĝaequena qaedi ami ja'aĝataĝama da'me onaĝaic 'naqataĝanaĝac, nataq'aen qaedi aĝañidiñi naa'me naajo' uo'oe jo'ne qaya'te gamachaqaega chiyoqodayi, qama'le a'viyelaqaiyot joñe'me Dios jo'ne nec'aletaye, jo'ne ye'et di'me piyem, jena'me aleua, ga'me noĝop let'adaic nataq'aen ena'uaque gaa'me jo'ne uo'oe.

Apocalipsis 19:5

Qama'le 'uo ga'me 'naqatac jo'ne jomachiya, 'me chiyoqochiñe di'me lejaliaqa' joñe'me jo'ne eetac: “¡Yataqata a'nonaĝachiyegui joñe'me mach'e Qanedios, Ena'uaque da'me ami jo'ne ami 'yaĝayaqa Choqoda'me ami jo'ne ja ami 'te 'yaĝayaqa, Da'me ami jo'ne ademiya'a da'me a'uonataĝañi'uo joñe'me, Da'me ami jo'ne yataqata auep'iiya'a joñe'me!”

Apocalipsis 8:10

Joñe'me piyem le'ec laqaya jo'ne dajoyalo'te joñaa'me dos piyem laje' male yajediye jaga'me lajeede, qama'le 'uo jaga'me uaqachiñi lat'edai jo'ne edetañgui, ena'am jaga'me coyadaĝanaqate da'me lauaq, qama'le 'naqañe, chiyaqaje'ma di'me piyem, qama'le tachi'ña ga'me lae jogaa'me ñachel, naqaegaua jo'ne tres gaa'me lael, qama'le nach'e ena'am tañguilo jogaa'me noĝo'pi jo'ne natetedajeguem.

Lucas 17:18

¿Joda'agueja joona jenjo' jo'ne ja 'lachaqa' jenjo', da'me 'niyelaq qaedi da'me yanem netonaĝac joñe'me Dios?

Apocalipsis 18:19

Qama'le yajaĝalo'te naa'me laqai'go jena'me enaĝayaĝa, da'me noye'tape choqoda'me 'nalaqatedapejeguem, enaac: “¡Am choĝodaicole, am noic let'adaic! ¡Degueja da'me adachoĝodec nayi! Da'me adeuoyaĝac en neuoyaĝadipi yemeda gaa'me jo'ne yauata jana'me lelicota' jena'me noĝop. Qama'le ¡pelaqatela't da'me am pal!”

Apocalipsis 18:17

Qalaĝaja ¡pelaqatela't da'me yem yema da'me dojo' jo'ne adeuoyaĝac let'adaic!” Qama'le nach'e ena'am da'me qaya'alo joga'me ueteda'a ena'uaque jogaa'me lejaliaĝanaqa jana'me licota choqogaa'me jiyaĝa'u jo'ne quetayelo naa'me loguelo ga'me noĝop, nataq'aen jogaa'me licota lo'olpi laqaya', nach'e ena'ama jogaa'me jo'ne 'uo da'me nejetenague'j 'me domataĝadiye jena'me noĝop da'me en 'lonataĝanaĝaiqui,

1 Pedro 4:7

Male qoyoqo'ta ga'me loiquiaqa't ena'uaque jogaa'me uo'oe. Chane'eja da'me ami 'noota qom aneloyitaye nataq'aen da'me ena'te aualajaĝañita da'me anetamenaĝaqui.

Mateo 25:13

“Chane'eja 'noota qom a'vicheta't, qa'a ja auayachiñe ga'me nolo' uotaĝa ga'me laloqo' da'me yitaĝa 'ñiyelaq.