Apocalipsis 14:4 - Nuevo Testamento Toba Sombrero Negro

⁴ Naqaenaua jo'ne jamaĝaiquipi, jo'ne ja 'nalegue da'me 'loyaĝa'j; qama'le nach'e eta't da'me quetedapegue' ñe'me 'Naĝanaĝate Lec'oĝot, ta'ya ga'me ta'ya. Naa'me naajo' jo'ne joote qonec'alaĝatedegue, qoyachiyoĝotauelo jogaa'me jiyaĝa'u, qama'le 'uaetede'eguet da'me qoyen najaqaje's jo'ne qoyanem ñe'me Dios choqoñe'me 'Naĝanaĝate Lec'oĝot.

Nuevo Testamento Toba Sur

⁴ Qaq somayipi nachiso som sa ishit da ÿauana aca 'alo, qaq ÿataqta qui'itta. Qataq somayipi nachi ca'attapiguiñi' som qagueta llalec cam dataigue. Somayipi qaÿachigoxottaigui co'ollaxa na shiÿaxauapi mayi huetalec ana 'alhua da qanca'alaxateec, 'eeta'am qanqoÿin aca l'auaxana nachitaqtaxanaqte da qoÿanot ñi Dios qataq so qagueta llalec.

La'aqtaqa Ñim Lo'onatac 'Enauacna 2013

⁴ Qaq somayepi nacheso som saishet da ỹo'oxoreetac nam qanatameetacotpi maye choche ne'enaqtacpi qataq saq 'en qataq saishet da sa ỹalaxaguet Ñim Lo'onatac 'Enauacna; 'enauac somayepi ca'attague' ñi Qagueta Llalec cam dataigue, qataq qanca'alaxatec somayepi da yaqto' la'auaxanec nachetaqtaxanaxat da qoỹanot Ñim Lo'onatac 'Enauacna qataq ñi Qagueta Llalec,

Apocalipsis 14:4 Referans Kwoze

Apocalipsis 3:4

Qalaĝaja di'me noic Sardes, maliaĝa uo'oe jogaa'me ja lama'y jo'ne ja e'n 'te paĝachiguilo jonaa'me louo: nach'egaua jo'ne jayem quetedapegue' qomle, qama'le yatedañe jona'me louo dalaĝayaqa jo'ne pagaĝayaqa, qa'a naq'aeta da'me naloteguet.

2 Corintios 11:2

Dios jayem 'yetem da'me qaedi ami jenate'talo. Da'me jepaquetapega ta'le yataqachiñe ami yataqatelo'te onolec oquiyegue ñe'me Cristo, uotaĝa ena'am ta'le aueñiya'am jaga'me nojaĝaua jo'ne joote qo'yaĝateguet da'me 'lonaĝac qomle, jo'ne en yataqatelegue onolec q'aen ga'me lojaĝaua, qama'le 'nañaĝatela't.

Santiago 1:18

Qa'a naq'aeta da'me jo'ne mach'e lelnataĝac joñe'me, da'me qo'mi yanema da'me nec'alaĝa jo'ne chiyaqayilo naa'me 'laqataqa jo'ne ejoda, qaedi ena'am ta'le qo'mi jala jo'ne 'uaechidiñe da'me mach'e 'lonataĝanaĝac.

Apocalipsis 5:9

Qama'le 'yotedac jenjo' nalac jo'ne dalaĝaic: “Naqa'am jo'ne aueloteguet qoyen Da'me auacona ga'me nenañejec Qaedi anaqa't jogaa'me 'nanaĝanaqatel, Qa'a naqa'am jo'ne am qoyalat joca'li Qama'le naliñi jana'me adetauo' Da'me aue'n nejetenatac ñe'me Dios Joga'me jiyaĝadipi jo'ne yodapecache naa'me 'loyaĝaco naa'me 'laqataqa, Ena'uac da'me neqomyaĝac Nataq'aen ena'uaque gaa'me noyaqa.

Juan 12:26

Qom 'uo ga'me jo'ne jetaque jayem t'onataĝaneuo'o, 'noota qom jayem equegue. Qama'le ga'me joue'ta da'me jayem, nach'e ena'am ue'ta ga'me jo'ne jayem lecochiya. Qom 'uo ga'me jayem lecochiya, ñe'me Taĝadena' nataq'aen 'nonaĝachichigui joga'me.

Juan 10:27

Qa'a gaa'me 'naĝanaĝatel jo'ne mach'e yelopi yateto'n naa'me mach'e 'yaqataqa qama'le nach'e ena'am da'me jayem jateto'n nataq'aen da'me jayem quetegue.

Apocalipsis 17:14

Yem da'me dojo' qama'le deloi'te' ñe'me 'Naĝanaĝate Lec'oĝot, qalaĝaja ñe'me 'Naĝanaĝate Lec'oĝot noma't jogaa'me, qa'a ñe'me 'Naĝanaĝate Lec'oĝot naqaeñe jo'ne Lejaliaĝane'j ena'uaque jogaa'me jaliaĝanaqa, nataq'aen yataqata yaguegue da'me mach'e lañoqotaĝanaĝac. Qama'le gaa'me jo'ne ueteda'ajop joñe'me nach'egaua jo'ne Dios yiyaĝanalo 'me mach'e liquiyaqa, nach'egaua jo'ne yataqata p'iida'a joñe'me.”

1 Corintios 6:20

qa'a Dios joote ami ecoto joca'li. Qama'le 'noota ta'le a'uonataĝañiyalo naa'me adapa'chidi' qaedi a'nonaĝachiyegui joñe'me Dios.

Juan 8:12

Jesús yitaĝa yapaĝague'n jogaa'me jiyaĝadipi, qama'le enaac: —Naqayem jo'ne lecoyadaĝanaĝat jogaa'me aleua laje'pi; gaa'me jo'ne jayem quetegue ja yitaĝa uetedaue da'me 'lalaĝa, dite da'me male yauata da'me yoqochiñe jo'ne nec'alaĝa.

1 Pedro 2:9

Qalaĝaja ami yataqata ami liquiyaqa ñe'me Dios, nataq'aen ami qoye'n letaĝayaĝanaĝanaqa joga'me jiyaĝadipi da'me auajoyi'tot ñe'me nejaliaĝanec, nataq'aen da'me ami noic let'adaic jo'ne ja 'nalegue, ami jo'ne onolec noic jo'ne loĝot joñe'me Dios. Qama'le naq'aeta da'me jo'ne ya'uo joñe'me qaedi a'uaĝache'tape naa'me 'lonataqa jo'ne onaĝayaqa, ñe'me jo'ne ami yachiyoĝotauelo ga'me 'lalaĝa qaedi male ayoue da'me onaĝaic yoqochiñe jo'ne chiyoqo'ot joñe'me.

Efesios 1:14

Nach'eñe ñe'me Dios Lepaqal en yataqatelegue da'me jaconaĝaguet qomle yema ga'me jo'ne Dios joote qo'mi 'yaĝatema, qom male yem da'me en uojotedañi q'ae'n yemeda gaa'me mach'e liquiyaqa. Chane'eja, ¡'noota qom nach'e eta't da'me qa'nonaĝachigui da'me lañoqotaĝanaĝac t'adaic joñe'me!

1 Corintios 16:15

Ami yaqaya'olqa, joote auayachiñe queda'me Estéfanas nataq'aen gaa'me 'lachaqa' laje' nach'egaua 'uaediñe ga'me jiyaĝadipi di'me aleua Acaya jo'ne yacoteguet da'me 'laqataĝanaĝac ñe'me Jesucristo, nataq'aen nach'egaua yauote da'me qaedi lecochiyalo joga'me p'etaqadaiquipi.

Hechos 20:28

Chane'eja 'noota qom a'vicheta't adechiliyalo ena'uaque ga'me p'etaqadaiquipi, nach'eda jo'ne Dios Lepaqal ami e'n 'naĝanaĝate neuatoqo'tpi qaedi adechiliyalo ena'uaque ga'me Dios lec'oqo'tepi jo'ne nach'eñe en lajo'vi jaga'me letauo' ñe'me mach'e lec'oĝot da'me ecot.

Juan 13:37

Male ñe'me Pedro enaac: —Jaliaĝanec, ¿toqoch'e ja jaqanatet ta'le am jequegue nayi? Yataqata jaqanatet da'me janegue da'me 'yoyaĝac qaedi am jequegue.

Mateo 25:1

“Chane'eja da'me lejaliaĝa joñe'me Dios jo'ne na'ague di'me piyem ena'ama gaa'me diez q'añolel jo'ne yaconalo gaa'me lecoyadaĝanaqatel qaedi yeviteteda'aguet ñe'me nojaĝaua.

Mateo 8:19

Qama'le 'uo ñe'me judiopi napaĝaguenoqo't yec'ata joñe'me qama'le enaac: —Paĝaguenataĝanaĝaic, jetaque am jequetapegue' ga'me auajoyi.

1 Timoteo 4:3

Naajo' jiyaĝa'u male uo'oe gaa'me ja yaje'n da'me 'uonat, nataq'aen uo'oe gaa'me ja yaje'n gaa'me niqui'yaqa'te. Qalaĝaja Dios ye't ca'li yemeda gaa'me niqui'yaqa'te qama'le yanema nale jogaa'me c'oqo'te qaedi yali'j qama'le yate'm da'me lamai'j nale. Nach'egaua lec'oqo'te jo'ne yateto'n da'me eja,

1 Corintios 7:28

Qalaĝaja, qom auo'on ja naqaeda ta'le adoec; nach'e naq'aeta jaga'me q'añole jo'ne a'uoneguet ja naqaeda ta'le ya'uo loec. Qalaĝaja ja copa'alo da'me 'uo ga'me laqalaje't jogaa'me, nach'eda jo'ne jetaque ja ami 'te yedalo'te.

Mateo 19:12

Uo'oe gaa'me qayoĝode' chiyaqayilo da'me ja dec'oi'y q'aen ga'me jiyaĝaua: uo'oe gaa'me chiyoqotoue lat'e lauel da'me ja yañoĝo't ta'le dec'oi'y, gaa'me laqaya' ja dec'oi'y yajouaĝat ga'me jiyaĝaua 'lonatac, gaa'me laqaya' e'n 'loyaĝa'j da'me ena'am ta'le ja dec'oi'y, chiyaqayi q'ae'n da'me 'lonataĝanaĝac ñe'me Dios 'me ne'tague di'me piyem. Gaa'me jo'ne yaqanate't ta'le yayate'n da'me dojo', 'noota qom mach'egaua yayate'n.

Efesios 5:27

qaedi jonaqa'tajop joñe'me da'me 'uo da'me qat'onaĝac, male qo'mi onaĝayaqa nataq'aen yoqovite' nataq'aen 'noote'; yataqata ja qo'mi 'te 'nalo'te, qaya'te qanaviyaqataguec.

Hebreos 12:23

Joote auec'achiyalo naa'me jo'ne ueteda'ague, qa'a joñe'me Dios yataqata e'n lec'oqo'te, qama'le joote yaqanate't da'me neteda'ña di'me piyem. Male auec'achiya ñe'me Dios jo'ne nec'atenoqo't ena'uac, choqogaa'me lepaqa'li gaa'me jiyaĝa'u jo'ne 'noote', gaa'me jo'ne Dios joote 'yeteque da'me en yataqatelo'te q'ae'n.

Apocalipsis 21:22

Qalaĝaja ja jauana ga'me tamenaĝaiqui ta'le uetaue jodi'me noic, qa'a nach'eñe joñe'me Jaliaĝanec Dios jo'ne qaya'te yaqalaatac, nach'eñe 'me ena'am ta'le tamenaĝaiqui, choqoñe'me 'Naĝanaĝate Lec'oĝot.

Apocalipsis 21:23

Nach'e ena'am di'me noic ja youetaque jaga'me ajeua da'me qaedi yecoyadelegue, uotaĝa joga'me auoĝoic, qa'a mach'e en yoqotelegue da'me lauaqayaĝac joñe'me Dios, qama'le nach'eñe joñe'me 'Naĝanaĝate Lec'oĝot mach'e lecoyadaĝanaĝat.