Apocalipsis 14:15 - Nuevo Testamento Toba Sombrero Negro

¹⁵ Qama'le nenoĝonegue ga'me piyem le'ec laqaya jo'ne chiyaqaue na'me tamenaĝaiqui jo'ne na'ague di'me piyem, qama'le neten da'me dojapegue' ñe'me jo'ne netalegue ga'me piyem lo'oc: “¡Avichaĝañi na'me adedaĝanaĝat, qama'le auaqataĝan, qa'a male yovita da'me laloqo' da'me qonaqat jena'me jala jo'ne uetalegue jena'me aleua, qa'a male yajoq!”

Nuevo Testamento Toba Sur

¹⁵ Qataq chigoqtoigui aso n'onaxanaxaqui so lÿa namaxashic piguem l'ec. Nachi ÿataqta n'axannec da lavilÿaxac da 'enapega som nso'ootalec so l'oc, 'eeta': –'Auquesoxoñi na 'adpetegaxanaxat. Ime, qaq 'auqataxan. Cha'ayi mashi ivita yi naloqnec da qanqat na nanguishic ala mayi huetalec ana 'alhua, cha'ayi mashi ÿi.

La'aqtaqa Ñim Lo'onatac 'Enauacna 2013

¹⁵ Qaq so lỹa namaxashec piguem le'ec chegoqtoigui aso no'onaxanaxaqui, somaye ỹataqta na'axannec da la'aqtac da 'enapega som nso'ootalec so lo'oc, 'eeta': «¡'Aquesoxoñi na 'arpetegaxanaxat. Ime, qaq 'aqataxan! Cha'aye ana ala na nañiguishec mashe ỹe qataq mashe ivita ye laloqo' da qalaỹona't.»

Apocalipsis 14:15 Referans Kwoze

Marcos 4:29

Nataq'aen qom male yem jaga'me jala jo'ne nayelo gaa'me laqata qama'le qonaqat da'me yovita ga'me laloqo'.”

Mateo 13:39

nataq'aen ñe'me nauteua jo'ne yaañi jaga'me cizaña nach'eñe payac. Ga'me naqataĝanaĝac nach'ega loiquiaqa' jena'me aleua nataq'aen jogaa'me datoĝo'n da'me qonaqat jala ga'me nanec nach'egaua piyem laje'.

Apocalipsis 14:18

Qama'le yitaĝa 'uo ga'me piyem le'ec laqaya jo'ne chiyaqaue ga'me c'atoĝonaĝala', nach'ega jo'ne yaqanatet da'me yelolegue ga'me dole', qama'le netenec da'me 'laqatac da'me yiyaĝana ga'me jo'ne yachitac ga'me ledaĝanaĝat jo'ne yaec, eetac: “¡Avichaĝañi na'me adedaĝanaĝat, qama'le auen yichaĝadegue gaa'me lichidiqui jo'ne na'ñalo joga'me uva jala jo'ne uetalegue jena'me aleua, qa'a joote yi jena'me uva jala!”

Mateo 13:30

'Noota da'me auomachii'talo naquetaje'ma't chayovida'a qom jaqataĝanaq. Chane'eja jama' qomle gaa'me datoĝo'n qaedi 'uaeñe nato'y jaga'me cizaña yauo'oe naa'me lajaĝataqa, qaedi qoyigouelo. Qom yem qama'le qoyiyamaĝat ga'me trigo, qoyachauelo naa'me yequipi'.»”

Apocalipsis 16:17

Joñe'me piyem le'ec jo'ne séptimo jogaa'me piyem laje' laqaya' yejouoĝoye ga'me le'ec jaga'me yomaĝaiqui, qama'le ua'ña da'me 'uo ga'me najamaĝa let'adaic jo'ne chiyaqaje'ma ga'me tamenaĝaiqui jo'ne na'ague di'me piyem, qama'le da'me 'naqatac jo'ne chiyoqochi'ña di'me nejaliaqa' eetac: “¡Nayi male joote yem yema!”

Mateo 23:32

Chane'eja ¡'noota qom aĝañiñi ga'me jo'ne yauote ca'li dia'me adet'aldi'!

Apocalipsis 15:6

Ga'me tamenaĝaiqui chiyoqodaue jogaa'me siete piyem laje' 'me nachidac gaa'me siete napite'nayaĝaco, yatedañe gaa'me louo jo'ne lino, choqoda'me yaqasele'j nataq'aen da'me yoqovite', choqoga'me nejataĝaiqui jo'ne oro 'me yovidaje'malo naa'me letoguel.

Apocalipsis 14:14

Yem da'me dojo' qama'le yitaĝa jelojeguem, qama'le jauana jo'me piyem lo'oc jo'ne pagaĝaic, qama'le 'uo ñe'me netalegue jo'me piyem lo'oc jo'ne ena'am ta'le naqaeñe 'me Jiyaĝaua Lec'oĝot. Jena'me laqaic 'uo ga'me noqop'a jo'ne oro, nataq'aen lajoqot'a ga'me ledaĝanaĝat jo'ne yaec.

Apocalipsis 6:10

Qama'le nete'n da'me yauote da'me 'laqata'j: “Am Qadejaliaĝanec jo'ne am ja 'nalegue nataq'aen am jo'ne am yataqatelegue, ¿jach'e ga'me quejetelegue da'me yovita ga'me laloqo' da'me auec'ate'n ga'me jiyaĝadipi jo'ne uetedalegue jena'me aleua qaedi qo'mi 'viyelaĝaque da'me qadeleuaĝa?”

1 Ts 2:16

Qama'le nale jetaque jojaqapegue'to joga'me ja judiopi qaedi nach'e ena'am da'me qonec'alaĝatedegue, nach'e ena'am ja qo'mi 'te yaje'tema. Qama'le nach'eda da'me dojo' yataqata en nichiquetedajeguem da'me loe'j. Qalaĝaja qom qoya'uo ga'me loiquiaqa' jena'me jenjo', yataqata jalcote t'adaic joga'me en lachoĝode'j joga'me, mach'e chiyoqo'ot joñe'me Dios.

Apocalipsis 13:12

Joote qoyanem yema da'me lañoqotaĝanaĝac ñe'me jiyac polio' jo'ne 'uaechiñe 'me noĝop le'ec, qama'le da'me ue'tajop jo'me jo'ne 'uaechiñe male yamaĝalo'te yema joga'me jiyaĝadipi jo'ne aleua laje'pi da'me 'nonaĝachidegue ñe'me jiyac polio' jo'ne 'uaechiñe, ñe'me jo'ne 'uo ga'me yediñe 'me te'me jetaque yelem qalaĝaja yemiiñi ca'li jo'me yédiñe.

Apocalipsis 11:19

Chane'eja 'nouategue ga'me tamenaĝaiqui jo'ne loĝot joñe'me Dios 'me ne'tague di'me piyem, qama'le qoyauana jaga'me uetaue joga'me tamenaĝaiqui jo'ne lae't jogaa'me diez lamaĝajoĝonaĝaco joñe'me Dios, qama'le en naqalip nataq'aen 'uo ga'me nejamaĝa choqoga'me 'noĝoyaĝac; male deda jena'me aleua qama'le 'uo jaga'me loñi lat'edai jo'ne ena'am ta'le qadipi.

Apocalipsis 14:16

Qama'le joñe'me jo'ne netalegue ga'me piyem lo'oc en napojeguem jena'me aleua da'me yichaĝañi ga'me ledaĝanaĝat, qama'le yapotenat ga'me jala jo'ne chiyaqalegue jena'me aleua.

Apocalipsis 14:17

Yem qama'le 'uo ga'me piyem le'ec laqaya jo'ne chiyaqaue na'me tamenaĝaiqui jo'ne na'ague di'me piyem, jo'ne nach'e ena'am yachitac ga'me mach'e ledaĝanaĝat jo'ne yaec.