Apocalipsis 14:14 - Nuevo Testamento Toba Sombrero Negro

¹⁴ Yem da'me dojo' qama'le yitaĝa jelojeguem, qama'le jauana jo'me piyem lo'oc jo'ne pagaĝaic, qama'le 'uo ñe'me netalegue jo'me piyem lo'oc jo'ne ena'am ta'le naqaeñe 'me Jiyaĝaua Lec'oĝot. Jena'me laqaic 'uo ga'me noqop'a jo'ne oro, nataq'aen lajoqot'a ga'me ledaĝanaĝat jo'ne yaec.

Nuevo Testamento Toba Sur

¹⁴ Ime, qaltaq ñamatashiguem, nachi sela'a so l'oc lapagaxaic, qaq se'eso l'oc nso'ootalec so 'eeta'am na llalec na shiÿaxaua. Somayi ÿaatañi aso nado'o nta'a mayi chigaqaigui na oro, qataq lasoqta'a so lpetegaxanaxat ÿataqta ÿaxadaic.

La'aqtaqa Ñim Lo'onatac 'Enauacna 2013

¹⁴ Ime, qaltaq ñamatasheguem, nache sela'a so lo'oc na piguem lapagaxaic, qaq se'eso lo'oc nso'ootalec so 'eeta'am na shiỹaxaua llalec. Somaye ỹaatañi aso naro'o na nta'a maye chegaqaigui na oro, qataq lasoqta'a so lpetegaxanaxat ỹataqta ỹaxaraic.

Apocalipsis 14:14 Referans Kwoze

Apocalipsis 1:13

nataq'aen da'me 'uo ga'me jauana jo'ne uetañgui laeñi jogaa'me siete coyadaĝanaqatel jo'ne ena'am ta'le jiyaĝaua, 'me yatañe joga'me leuo jo'ne yeda'ñalo naa'me lapia'te, choqoga'me oro jo'ne nejataĝaiqui yovidaje'ma jajo'me letogue.

Hebreos 2:9

Qalaĝaja jauanaĝa ñe'me Jesús, jo'ne cada'ac da'me qoyen ja napacalo'te joga'me piyem laje'pi jaa'me noloqo'ote ja lama'y, qaedi yeleualegue yema jena'me jiyaĝadipi, yajouaĝat da'me loequenataĝanaĝac joñe'me Dios jo'ne yataqata qo'mi noqopitalo. Chane'eja ca'li yem da'me lachoĝodec joñe'me Jesús, qama'le yataqachiñe qo'nonaĝachigui nataq'aen da'me yaconeguet da'me 'lonaĝac jo'ne chiyaqayi joñe'me Dios.

Lucas 21:27

Qom yem da'me dojo' qama'le jayem jo'ne yataqachiñe Jiyaĝaua Lec'oĝot jayem qoyela'aguet da'me japetalegue ga'me piyem lo'oc da'me ñovi', nataq'aen yataqata t'adaic da'me yañoqotaĝanaĝac choqoda'me 'yonaĝac.

Mateo 17:5

Mane'e ca'li cha'li dojetac qama'le 'uo ga'me piyem lo'oc jo'ne edañgui yapadelo'te jogaa'me, nach'ega piyem lo'oc chimaqapegoue ga'me nejamaĝa jo'ne enaac: “Jenjo' mach'e Yalec jo'ne jauotec, nach'ena Yiquiyac: anaquiaĝañiya.”

Apocalipsis 6:2

Qama'le jauana ga'me pegaq jo'ne pagaĝaic, nach'e ena'am jo'me netalegue jo'ne lajoqot'a jo'me lechiquenec. Qoyanem jajo'me noqop'a jo'ne oro da'me joote domataĝatac, qama'le ec qaedi yitaĝa domataĝan.

Apocalipsis 1:7

¡A'vicheta't! ¡Cristo na'taquena qomle da'me nalegue ga'me piyem lo'oc! Qama'le yema ga'me jiyaĝadipi male yauata, Chayovida'alo jogaa'me nalatoqo't nach'e ena'am da'me yauata joñe'me; Qama'le yema joga'me jiyaĝadipi jo'ne uedalegue jena'me aleua male 'uo da'me lachoĝode'j yajouaĝat joñe'me. Chane'eja naq'aeta da'me dojo'. Jaja'a, nach'e naq'aeta da'me dojo'.

Apocalipsis 20:11

Nataq'aen jauana jaga'me je'onaĝaiqui lat'edai jo'ne pagaĝai choqoñe'me jo'ne netañgui. Mane'e ca'li naloĝola't joñe'me, qama'le jena'me aleua choqodi'me piyem male nelagaĝa'tape, qama'le nalo'ta't da'me yapalaĝat, ja yitaĝa ta'le qoyauanalo.

Apocalipsis 19:12

Qama'le naa'me 'lae'te yataqata edañguilo, ena'am ta'le dole' lauaq, nataq'aen jena'me laqaic uo'oe jogaa'me qayoĝode' qop'al jo'ne netayelo, nataq'aen 'uo ga'me nediijec 'me uetalegue jo'ne mach'e lenaĝat jo'ne yataqata ja qoyayaten, nach'eñeta joñe'me mach'e yayaten joga'me.

Apocalipsis 11:17

da'me enapega't: “Am Qadejaliaĝanec, jo'ne am Qadet'a 'me qaya'te auaqalatac, Da'me am jo'ne nach'e eta't 'uo, nataq'aen da'me jalchi'ena am 'uo joca'li, Am janemaĝam da'me qadamaic, Qa'a nayi joote auaconeguet da'me adañoqotaĝanaĝac let'adaic Qama'le auen laloqo' da'me male anejaliaĝatelo'te jena'me aleua laje'pi.

Apocalipsis 10:1

Yem qama'le jauana jo'me piyem le'ec laqaya jo'ne 'uo da'me lañoqotaĝanaĝac, naquetaue jo'me piyem lo'oc da'me nenochiñe chiyaqaje'ma di'me piyem, na'me laqaic uetalegue jo'me uosac choqoda'me yaqaselec jo'me latajoĝoc ena'am ta'le ajeua lauaq, nataq'aen naa'me lotetadi ena'am ta'le dole'te qom noĝoneje'melo jena'me lauaq.

Marcos 4:29

Nataq'aen qom male yem jaga'me jala jo'ne nayelo gaa'me laqata qama'le qonaqat da'me yovita ga'me laloqo'.”

Mateo 13:30

'Noota da'me auomachii'talo naquetaje'ma't chayovida'a qom jaqataĝanaq. Chane'eja jama' qomle gaa'me datoĝo'n qaedi 'uaeñe nato'y jaga'me cizaña yauo'oe naa'me lajaĝataqa, qaedi qoyigouelo. Qom yem qama'le qoyiyamaĝat ga'me trigo, qoyachauelo naa'me yequipi'.»”