Apocalipsis 14:13 - Nuevo Testamento Toba Sombrero Negro

¹³ Qama'le jomachiya ga'me nejamaĝa jo'ne chiyaqaje'ma di'me piyem jo'ne eetac: “Auediñe da'me yataqata made'tape jogaa'me yele'u jo'ne chiyoqo'tegue nayi male yele'tedot joñe'me Qadejaliaĝanec.” Qama'le 'yateguet joñe'me Dios Lepaqal, enaac: “Naq'aeta da'me dojo', qa'a male 'nomatedegue, joote yem da'me lachoĝode'j, qama'le nach'e eta't di'yo't da'me 'lonataqa jogaa'me.”

Nuevo Testamento Toba Sur

¹³ Ime, nachi sa'axaÿa so n'aqtac chimqot na piguem, aÿim 'enapega, 'eeta': –'Iyiñi qome da 'eeta': “Ÿataqta machiguiñi qome nagui ca ileu da huo'otaq ileutañi' da l'amqajnataxanaxac so qadataxala'.” Nachi so Espíritu Santo 'enapec: “Aja', nachi 'eetec.” Cha'ayi camayi nmateeguesop nam l'onataxanaxacpi. Qaq da l'onataxanaxac, qalaxayi sa ishit qome da qaicoua'ai.

La'aqtaqa Ñim Lo'onatac 'Enauacna 2013

¹³ Ime, nache sa'axaỹa so na'aqtac chemqot na piguem, aỹem 'enapega, 'eeta': «'Iyiñi qome de'era: ‹¡Ỹataqta machiguiñi qome nagui ca ileu, da huo'otaq na'attaua'a So Qarataxala' Jesucristo!›» Qaq som Saqcha'a La'añaxac Ñim Lo'onatac 'Enauacna 'eeta': «Aja', nache 'eetec, cha'aye namayepi nmateeguesop 'enauac nam nque'eenaxacpi qataq lqalaiguesat, qaq Ñim Lo'onatac 'Enauacna ỹauo'o ca nsheetenaguec namayepi souaxat nam qalota no'on maye ỹo'ot.»

Apocalipsis 14:13 Referans Kwoze

Apocalipsis 20:6

Chane'eja ¡made'tapolqa nayi jogaa'me jo'ne uetedaue da'me dojo' 'me 'uaechiñe da'me yitaĝa qo'niyelaĝachidijeguem, qa'a nach'egaua jo'ne joote loqo'te ga'me noic 'me ja 'nalegue! Ga'me neleuaĝa jo'ne p'ategue qaya'te 'uo ga'me ee'teque jogaa'me, qa'a naqaegaua mach'e letaĝayaĝanaĝanaqa joñe'me Dios nataq'aen ñe'me Cristo, qama'le ueteda'ajop joñe'me da'me 'uo da'me lejaliaĝa'j chayovida'a qom yenoĝodegue joga'me mil 'uoidi.

1 Ts 5:10

Jesucristo nach'eñe ca'li qo'mi nemelo'te ca'li yeleu uetalegue jaga'me sodoso, qaedi nach'e eta't da'me qadec'aetayejop joñe'me, uotaĝa maliaĝa qadec'aletalegue jena'me aleua uotaĝa joote qadeleu.

1 Ts 4:16

Qa'a qodomachiya jo' qomle da'me 'uo joga'me yejam, choqoda'me doje ñe'me piyem lejaliaĝanec nataq'aen jaga'me lajeede joñe'me Dios, qama'le male 'niyelaq joñe'me Qadejaliaĝanec, chiyoĝogue jodi'me piyem. Qama'le jodia'me yele'u jo'ne yataqata p'iida'a ñe'me Jaliaĝanec male naqaegaua 'uaediñe qoyen nec'alidijeguem jo' qomle.

1 Corintios 15:58

Chane'eja, ami yaqaya'olqa jo'ne jalcote joqopitalo, 'noota qom a'nañaĝachela't, ja ami 'te damichidiñe, nataq'aen nach'e eta't a'vichiye da'me 'lonatac ñe'me Jaliaĝanec, nataq'aen auayachiñe queda'me qom adaloi'ta't da'me a'uonataĝañiuo'o ñe'me Jaliaĝanec qama'le ja yijamaĝajaye.

Apocalipsis 19:9

Qama'le jayem dojapegue' joñe'me piyem le'ec, enaac: “Nayi auediñe da'me dojo': «Made'tapolqa jogaa'me jo'ne joote qoyayatenaĝanaĝaneque ga'me neualaĝayaĝaiqui jo'ne 'lonaĝaiqui joñe'me 'Naĝanaĝate Lec'oĝot.»” Yem qama'le yitaĝa jayem noqoteteneque: “Naa'me naajo' 'naqataqa jo'ne yataqachiñe ejoda daa'me 'laqataqa joñe'me Dios.”

Apocalipsis 21:5

Chane'eja joñe'me jo'ne netañgui jañe'me je'onaĝaiqui enaac: —Piiya: male jadalaĝat yema naa'me naajo' jo'ne uo'oe. Yem qama'le jayem dojapegue', enaac: —Auedidiñe nayi naa'me naajo' 'yaqataqa, qa'a nach'enaua jo'ne yataqachiñe ejoda qama'le 'uo da'me nepe'e jo'ne chiyaqayilo.

Apocalipsis 6:11

Qama'le yema jogaa'me qoyanema jaa'me nouo jo'ne pagaĝayaqa, qama'le qo'enapegalo da'me maliaĝa cada'ac da'me 'nomatedegue, chayovida'a qom male nalo'ta't jogaa'me laqaya'olqa jo'ne nach'e ena'am t'onataĝatedape'uo joñe'me Dios, qama'le nach'e ena'am da'me qoyaje'tema da'me qoyala't jo' qom'te.

2 Corintios 5:8

Ja lichiguilo naa'me qadai'li, mate mane'e jepagaqa'tapega ta'le qolaqa'e da'me qanejiyaĝauayaĝac qaedi jec'otaĝa ñe'me Jaliaĝanec qama'le nale'en jouaqa'tajop.

Apocalipsis 16:17

Joñe'me piyem le'ec jo'ne séptimo jogaa'me piyem laje' laqaya' yejouoĝoye ga'me le'ec jaga'me yomaĝaiqui, qama'le ua'ña da'me 'uo ga'me najamaĝa let'adaic jo'ne chiyaqaje'ma ga'me tamenaĝaiqui jo'ne na'ague di'me piyem, qama'le da'me 'naqatac jo'ne chiyoqochi'ña di'me nejaliaqa' eetac: “¡Nayi male joote yem yema!”

1 Ts 4:14

Qa'a nach'ena jena'me jenjo' joote jayatenaq, ca'li yeleu joñe'me Qadejaliaĝanec Jesús qama'le nec'alijeguem ca'li, qama'le nach'e ena'am yataqata jep'iyaqa ñe'me Dios nec'alaĝachidijeguem jo' qomle jogaa'me jo'ne p'iida'a ñe'me Jesús ca'li yele'u.

1 Corintios 15:18

Nach'e ena'am ta'le ja qo'niyelaĝachijeguem ñe'me Cristo, qama'le dia'me p'etaqadaiquipi jo'ne joote yele'u ja qonec'alaĝatedegue dite da'me qoyapalaĝa't.

Romanos 14:8

Qama'le qom qanec'aletaye uotaĝa male qadeleu male yataqata qo'nonaĝachigui joñe'me Qadejaliaĝanec Jesucristo, nach'e ena'am da'me uotaĝa maliaĝa qanelotaye uotaĝa qadeleu, nach'e ena'am qo'mi loqo'te joñe'me.

Lucas 16:9

“Chane'eja nayi ami ja'aĝatema queda'me 'noota ta'le a'uonataĝañiya ga'me neuoyaĝaco jo'ne ja chimadichiñe jena'me aleua da'me anaviquila'ajalo gaa'me anaigaĝa'udi', qaedi qom loiquiaqa' da'me neuoyaĝaco qama'le ñe'me jo'ne ladipa gaa'me 'nachaqa'te jo'ne ja 'naidena'alo nach'e ena'am ami yaconegueta.

Mateo 3:17

Nataq'aen qodomachiya ga'me nejamaĝa jo'ne chimaqapije'ma di'me piyem, 'me enaac: “Jenjo' mach'e yalec 'me jauotec, nach'ena jo'ne yataqachiñe yiquiyac.”

Apocalipsis 11:19

Chane'eja 'nouategue ga'me tamenaĝaiqui jo'ne loĝot joñe'me Dios 'me ne'tague di'me piyem, qama'le qoyauana jaga'me uetaue joga'me tamenaĝaiqui jo'ne lae't jogaa'me diez lamaĝajoĝonaĝaco joñe'me Dios, qama'le en naqalip nataq'aen 'uo ga'me nejamaĝa choqoga'me 'noĝoyaĝac; male deda jena'me aleua qama'le 'uo jaga'me loñi lat'edai jo'ne ena'am ta'le qadipi.

Apocalipsis 11:15

Ñe'me piyem le'ec laqaya jo'ne dajoyalo'te ñaa'me seis piyem laje' male yajediye jaga'me mach'e lajeede, qama'le qodomachiya ga'me nejamaĝa let'adaic jo'ne chimaqapegue di'me piyem jo'ne eetac: “Joñe'me jo'ne mach'e Qadejaliaĝanec Male nejaliaĝatelo'te yema jena'me aleua laje'pi Choqoñe'me Liquiyac joñe'me Qadet'a, Qama'le nach'eñe ñe'me jo'ne qaya'te ta'le loiquiaqa' da'me lejaliaĝa.”

Apocalipsis 10:4

Mane'e ca'li yem da'me doje'y gaa'me siete 'loĝoyaĝaco jajo'me qajoĝonaĝa, qama'le da'me jayem te'me jetaque jediñe, qalaĝaja 'uo ga'me 'naqatac jo'ne jomachiya 'me chimaqapegue di'me piyem, jo'ne jayem enapega, eet'oi: “Ena'te auen di'yoq joda'me auomachiya jo'ne 'yaĝatetedac jaa'me siete 'loĝoyaĝaco jajo'me qajoĝonaĝa, qama'le ena'te auediñe.”

Apocalipsis 2:1

“Auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Éfeso: «Da'me ami jo'ne oñiya'ña di'me Éfeso, ami janema nayi jenjo' 'yaqatac, mach'e jayem jo'ne uo'oe gaa'me siete uaqachiñil uetedañgui na'me youaq jo'ne yayaten, nataq'aen da'me jouetañelo jogaa'me siete coyadaĝanaqatel jo'ne oro.

Filipenses 2:17

Da'me jayem uotaĝa male jayem qoyalat qomle, qama'le da'me yeleuaĝa ena'am ta'le qoyen najaqajec jo'ne qoyecodelegue da'me mach'e adajaqajec 'me chiyaqayi da'me adepi'i. Qama'le qom naq'aeta jena'me jenjo', male yataqata jayem matac jo' qomle, qama'le ami ñetauanaĝa'u da'me yamaic, onolqa'tape da'me ami.

Lucas 16:25

Qalaĝaja Abraham 'yateguet: «Am yalec, anetouetac queda'me ca'li cha'li ouetaue da'me anejiyaĝauayaĝac qama'le 'uo da'me adiyamaĝac 'me adamaic, qalaĝaja Lázaro 'uo da'me lachoĝodec da'me 'loyaĝac. Qama'te nayi ñe'me yaconeguet da'me nichoĝodenataguec jena'me jenjo', am qamqa'me auaconeguet da'me adachoĝodec.

Apocalipsis 1:11

Qama'le jayem enapega: “Auediñe da'me dojo' jo'ne auana jo' qomle, auachalegue jaga'me nede qaedi auamaĝalo jogaa'me siete tamenaĝaiqui', jogaa'me jo'ne napi'ñalo jogaa'me noyaqa jo'ne netedaue di'me aleua Asia: gaa'me noyaqa jo'ne Éfeso, Esmirna, Pérgamo, Tiatira, Sardes, Filadelfia nataq'aen di'me Laodicea.”

1 Corintios 15:20

Qalaĝaja yataqata eja queda'me Cristo 'niyelaĝajeguem, chiyaqauelo dia'me napa'lpi. Qama'le dojo' nach'eda naloĝonatac queda'me nach'e ena'am qo'niyelaĝachidijeguem qomle gaa'me joote yele'u.

1 Timoteo 5:24

Uo'oe gaa'me loeco gaa'me jiyaĝa'u jo'ne yataqata joote di'yo't, qalaĝaja gaa'me laqaya' jo'ne te'me ja di'yo't mach'e qoyaloĝonalo qom'te.

1 Timoteo 5:25

Nataq'aen jogaa'me 'yetedac jena'me 'noota: uo'oe gaa'me 'lonataqa jo'ne di'yo't, qalaĝaja jogaa'me ja di'yo't jo'ne nataq'aen 'noote', 'uo ga'me nolo' qom qoyecodelo'te qama'le yemta di'yo't.

Apocalipsis 2:7

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Qama'le gaa'me jo'ne yovidedeta da'me noma't joga'me ja no'en, nach'egaua jo'ne janema qomle ga'me yali'j jo'ne jala jaga'me epaq 'me chiyaqayi da'me nec'alaĝa, nach'aga jo'ne neta'ña di'me noqop'adit joñe'me Dios.»

Apocalipsis 22:17

Joñe'me Dios Lepaqal nataq'aen jañe'me jo'ne jetaque en loua ñe'me 'Naĝanaĝate Lec'oĝot enaac: —¡Auanaequena! Da'me ami jo'ne jayem auomachiiya, aueñeetac: —¡Auanaequena! Joga'me jo'ne yelinquip, qa'a 'uo da'me lamaic da'me jayem nec'ata, qama'le 'noota qom niyomigui jenjo' noĝop jo'ne 'uo da'me nec'alaĝa, jena'me noĝop jo'ne ja qodicot.