Apocalipsis 14:12 - Nuevo Testamento Toba Sombrero Negro

¹² ¡Male qoyauana da'me eeta da'me napogaĝadenaĝa'j ga'me Dios lec'oqo'tepi, nach'egaua jo'ne yoqocha'alo naa'me lamaĝajoĝonaĝaco ñe'me Dios nataq'aen da'me ja yaĝadiñi da'me yataqata p'iida'a ñe'me Jesús!

Nuevo Testamento Toba Sur

¹² Qaq ÿoqo'oyi iuen da ÿataqta ÿauo'o da lhualaxavic nam lalamaxatpi ñi Dios mayi ÿalaxalguete naua lqataxaco ñimayi qataq quetague' so Jesús.

La'aqtaqa Ñim Lo'onatac 'Enauacna 2013

¹² Qaq ỹoqo'oye na lalamaxatpi Ñim Lo'onatac 'Enauacna, iuen da ỹaỹaten da lhueneguet qataq na'añaxateguet na lqalaiguesat qataq na nque'eenaxacpi. Nataqa'en iuen da ỹalaxaguet nam lamaxasoxonaxacpi Ñim Lo'onatac 'Enauacna qataq queto'ot da ỹa'amaqteetac So Jesús.

Apocalipsis 14:12 Referans Kwoze

Apocalipsis 13:10

“Jogaa'me jo'ne yeloteda'a da'me necoñetague'j, Nach'egaua gaa'me jo'ne qoyecoñe't qomle. Nataq'aen jogaa'me jo'ne yeloteda'a da'me yeletem ga'me liaĝa ga'me nedaĝanaĝat, Nach'ega ga'me nedaĝanaĝat liaĝa da'me yala't qomle.” Chane'eja male qoyauana da'me eeta da'me napogaĝadenaĝa'j joga'me lec'oqo'tepi joñe'me Dios choqoda'me lepi'iyaĝa'j.

Apocalipsis 12:17

Qama'le naqaeda 'me chiyaqayi da'me ma'ejama'le 'uo da'me lalemataic ñe'me ñaĝadiaq polio', yataqata nautena jañe'me yauo, qama'le ec qaedi deloiquitapegue'to jogaa'me yauo lec'oqo'te laqaya', naqaegaua jo'ne yoqochideta daa'me lamaĝajoĝonaĝaco joñe'me Dios, nataq'aen da'me yataqata quetede'egue na'me lapaĝaguenataĝanaĝac joñe'me Jesús.

Apocalipsis 3:10

Da'me ami yataqata auoqochiya'a da'me 'yaqatac queda'me yataqata anapogaĝadeñi. Chane'eja yataqata ami ñetelalo qomle, qom yovita ga'me laloqo' qom 'uo ga'me lachoĝodaiqui' joga'me jiyaĝadipi, da'me qoyapiye'n yema joga'me aleua laje'pi.

Apocalipsis 3:8

Joote jayaten yema da'me auauoyi, nataq'aen da'me mate mane'e ja jalcote 'uo da'me at'añaĝaqui, qalaĝaja ja aĝañiñi da'me auoqochiya'a da'me 'yaqataĝanaĝac, nataq'aen da'me ja jayem 'te anemañetapec. Chane'eja nayi cha'li auec'achiñe jena'me auajoitalegue, qa'a jen 'nouatetaye ga'me adadiquiiuo jo'ne qaya'te ta'le yaqanatet ta'le yapadiñgui.

2 Timoteo 4:7

Qa'a joote yem da'me yeloiquiaĝac jo'ne yataqata onaĝaic, nataq'aen da'me yataqata jomat da'me 'yonataĝanaĝac, nataq'aen da'me qaya'te ua'a ta'le jaĝañi da'me jep'iya'a uotaĝa ja joqoch'a ñe'me Dios.

1 Juan 2:3

Qom jauoqo'oe jodaa'me lamaĝajoĝonaĝaco joñe'me Dios, qama'le jaqanatetaq ta'le jenaqatapela't male jovitaĝa da'me jatetonaq joñe'me.

Apocalipsis 2:13

Joote jayaten da'me oñiita'ña di'me na'ña joga'me lejaliaqa' ñe'me Satanás, qalaĝaja da'me ami nach'edata da'me jayem oquitalegue, ja anemachiyapec da'me jayem auep'iiya'a, temaqaedi da'me qoyalat joca'li di'me Antipas, 'yaqataĝanaĝanec jo'ne yataqatelegue, nach'edi jo'ne ua'ña di'me noic jo'ne neta'ña ñe'me Satanás.