Apocalipsis 14:11 - Nuevo Testamento Toba Sombrero Negro

¹¹ Jana'me nemala' jo'ne layaliaĝac qoyen nach'e eta't da'me nenoĝojeguem, qaya'te loiquiaqa', qama'le gaa'me pi'yaĝadi choqogaa'me noloqo'ote qaya'te 'nomataĝaiqui' jogaa'me jo'ne netametot ñe'me jiyac polio' uotaĝa jaga'me lequi'i, nataq'aen jogaa'me jo'ne yacoteguet jaga'me 'lanaĝanaqate jo'ne uaye da'me lenaĝat.”

Nuevo Testamento Toba Sur

¹¹ Nachi chochaq tatreec naua na'axa'te qataq pesa'chi da nchitapiguishiguem da nhuaxanaguec nam ÿi'oxodeetac som shiguiÿac qataq som n'enaqtac lqui'i, huo'otaq da n'angui da l'enaxat. Nachi ÿataqta qaica ca nmataxac.

La'aqtaqa Ñim Lo'onatac 'Enauacna 2013

¹¹ Qaq na lmala'q ca norec maye ỹo'ot da nque'eenaxac qalaq nache 'eetai' da ncheteguisheguem, cha'aye nam natameetacot som shiguiỹac leguemaxaic qataq so ne'enaqtac maye lqui'i somaye qataq na qaỹa'an da qaỹa'anaxana da le'enaxat somaye, saishet da vi'iiguet da nque'eenaxac ye na'a'q qataq ye pe.»

Apocalipsis 14:11 Referans Kwoze

Apocalipsis 19:3

Yem da'me dojo' qama'le joga'me jiyaĝadipi jo'ne yauata da'me ne'uaĝanaguec jadi'me yauo male yitaĝa 'nonaĝachidegue joñe'me Dios, enaac: “¡A'nonaĝachiyegui ñe'me Jaliaĝanec! Qa'a jana'me nemala' da'me yavigoue jadi'me yauo Nach'e eta't da'me dichitaue, ja yitaĝa ta'le 'nemaĝañe.”

Apocalipsis 20:10

Yem da'me dojo' qama'le joñe'me payac jo'ne yoqovi'n ena'uac joga'me jiyaĝadipi male nach'e ena'am da'me qoyajaĝañgui jaga'me limaĝañi jo'ne uetañgui joga'me dole' let'adaic, di'me jo'ne nach'e ena'am ua'ña da'me qoyajaĝa'ña joca'li joñe'me jiyac polio' choqoñe'me jiyaĝaua jo'ne ja eja da'me lapaĝaguenataĝanaĝac. Qama'le ua'ña da'me 'uo da'me lachoĝode'j yemeda naa'me pi'yaĝadi choqonaa'me noloqo'ote, qaya'te loiquiaqa'.

Mateo 25:46

Da'me ami, auec'achiya ga'me ane'uaĝanaguequi 'me ja 'naidena'a, qalaĝaja gaa'me joĝodayaqa lai'li qamqa'me yec'adeta da'me 'noyaĝac jo'ne ja 'naidena'a.»”

Mateo 25:41

“Chane'eja nach'e ena'am jenapegalo qomle gaa'me jo'ne neteda'ague jena'me 'ñemaq: «¡Jayem oquiya'ae! Ami jo'ne ja ami 'te qoyichoĝode'n nayi, auec'achiya di'me dole' jo'ne ja 'naidena'a 'me ami qoyaqataĝat'agueta ñe'me payac nataq'aen jogaa'me lamaĝa's jo'ne piyem laje'.

Apocalipsis 18:18

da'me yauata jaga'me nemala' da'me yavigoue joga'me noic, qama'le 'yala', eet'oi: «¿Jach'e ga'me noic ta'le yaqanatet da'me qonaloqotenaĝaneguet jena'me jenjo' noic let'adaic?»

Apocalipsis 14:9

Qama'le yitaĝa equegue ñe'me piyem le'ec laqaya jo'ne tercero, jo'ne en yejam da'me 'laqatac jo'ne eetac: “Qom 'uo ga'me netamenot ñe'me jiyac polio' uotaĝa jaga'me mach'e lequi'i, nataq'aen da'me yaje'tem da'me qoyetet jaga'me en 'nanaĝaijete jo'ne nalegue q'aen jana'me nepe uotaĝa na'me louaq,

Apocalipsis 11:15

Ñe'me piyem le'ec laqaya jo'ne dajoyalo'te ñaa'me seis piyem laje' male yajediye jaga'me mach'e lajeede, qama'le qodomachiya ga'me nejamaĝa let'adaic jo'ne chimaqapegue di'me piyem jo'ne eetac: “Joñe'me jo'ne mach'e Qadejaliaĝanec Male nejaliaĝatelo'te yema jena'me aleua laje'pi Choqoñe'me Liquiyac joñe'me Qadet'a, Qama'le nach'eñe ñe'me jo'ne qaya'te ta'le loiquiaqa' da'me lejaliaĝa.”

Apocalipsis 7:12

eet'oi: “¡Nach'e naq'aeta da'me dojo'! ¡Nach'eñe joñe'me Qadet'a Dios Jo'ne nach'e eta't da'me 'ñonaĝataĝaye, Yemeda naa'me 'uoidi da'me ja pal, Jouaĝat da'me 'uo da'me 'lonaĝac let'adaic, Choqoda'me layatenaĝanaĝac! Qama'le janemaĝam da'me qadamaic nataq'aen da'me 'ñonaĝataĝaye, Qa'a nach'e ena'am qaya'te yaqalaatac, Jouaĝat da'me mach'e loĝot da'me lañoqotaĝanaĝac let'adaic, Joñe'me jo'ne nach'e eta't 'uo.”

Hebreos 1:8

Qalaĝaja da'me jo'ne 'yaĝatem joñe'me Lec'oĝot eetac: “Nach'e am jo'ne am Dios, qama'le qaya'te loiquiaqa' da'me adejaliaĝa, Nataq'aen da'me am jo'ne yataqatelegue da'me anejaliaĝatelegue ena'uac.

Apocalipsis 22:5

Di'me 'nachaqa' jo'ne qaya'te pi'yaq, chane'eja jogaa'me jo'ne neteda'ña ja youetedaque ga'me lauaq jaga'me coyadaĝanaqate, uotaĝa ga'me ajeua lauaq, qa'a joñe'me Dios jo'ne Jaliaĝanec nach'eñe jo'ne yanema da'me yoqochiñe, qama'le nach'e ena'am da'me en uetedaue da'me lejaliaqa' yemeda naa'me 'uoidi.

Apocalipsis 13:12

Joote qoyanem yema da'me lañoqotaĝanaĝac ñe'me jiyac polio' jo'ne 'uaechiñe 'me noĝop le'ec, qama'le da'me ue'tajop jo'me jo'ne 'uaechiñe male yamaĝalo'te yema joga'me jiyaĝadipi jo'ne aleua laje'pi da'me 'nonaĝachidegue ñe'me jiyac polio' jo'ne 'uaechiñe, ñe'me jo'ne 'uo ga'me yediñe 'me te'me jetaque yelem qalaĝaja yemiiñi ca'li jo'me yédiñe.

Mateo 11:28

Jayem anec'achiya ena'uaque ami jo'ne adeliñi'ñejopa naa'me at'onataqadi' choqonaa'me adi'yacodi', qaedi ami 'ñomataĝadegue.

Apocalipsis 13:15

Qama'le ñe'me jiyac polio' jo'ne aleua le'ec qoyanem da'me lañoqotaĝanaĝac qaedi en nec'aletaye ga'me jiyac lequi'i, qaedi yaqanatet ta'le doje nataq'aen da'me yala't ena'uaque jogaa'me jo'ne ja netametot.

Apocalipsis 13:17

qaedi qaya'te ta'le yaqanatet da'me 'uo ga'me ecot uotaĝa ta'le 'uo ga'me yemen, qom ja netaye jaga'me 'nanaĝaijete jo'ne lenaĝat ñe'me jiyac polio', uotaĝa na'me naloqotenaĝanaĝac jo'ne yelo'teguet da'me lenaĝat joñe'me.

Apocalipsis 18:9

Qama'le jogaa'me nejaliaĝanaqa jo'ne e'n lequejeguetaĝaua ca'li jañe'me Babilonia nataq'aen da'me ja yayate'n ga'me yauote ca'li queda'me tadoue da'me ja no'en, qom yauata jaga'me nemala' da'me male qoyigoue jañe'me, qama'le yataqata noye'tape choqoda'me 'yalaqatedapeguem da'me layaliaĝa jañe'me.