Apocalipsis 12:4 - Nuevo Testamento Toba Sombrero Negro

⁴ Jena'me lauenec yauelegue onolec ga'me lae jena'me uaqachiñipi jo'ne nalo'taguet tres naa'me lael jo'ne netedot di'me piyem, qama'le yajaĝachi'ña jena'me aleua. Qama'le jo'me ñaĝadiaq polio' male neta'ña ga'me dajoya'ña jaga'me yauo jo'ne jetaque c'oe, qaedi yalic ga'me lec'oĝot da'me yemta niyiñe.

Nuevo Testamento Toba Sur

⁴ Qaq na l'adaxashit somayi ÿaualgaxaalec ana huaqajñipi mayi neto'ot na piguem. Nachi ÿanataxajlec naq'en ana 'alhua añi 'oonole naua tres anam huaqajñipi. Qaq se'eso shiguiÿac 'ico' da'ail'oc, somayi nachattot asa'aso 'alo mayi huotaique da deco'o, da nshitaique da chic se'eso llalec da chochi ñiguiñi.

La'aqtaqa Ñim Lo'onatac 'Enauacna 2013

⁴ Qaq so la'araxashet somaye ira'a da ỹanataxaalec ana 'alhua, som 'oonolec lpa'axac ana huaqaañipi maye neto'ot na piguem. Qaq se'eso shiguiỹac leguemaxaic, somaye nachatto'ot asa'aso 'alo maye huotaique da deco'o, da huotaique da chec so llalec da choche ñiguiñi.

Apocalipsis 12:4 Referans Kwoze

Apocalipsis 12:9

qama'le qoyamaĝaye ñe'me jiyac let'adaic jo'ne ena'am ta'le ñaĝadiaq da'me 'loyaĝac, nach'eñe ñe'me nanaic jo'ne 'uaechiñe 'uo joca'li jo'ne lenaĝat da'me Payac nataq'aen lenaĝat laqaya da'me Satanás, jo'ne yoqovi'n yema ga'me aleua laje'pi. Ñe'me Satanás nataq'aen ena'uaque jogaa'me mach'e lalemaĝajetpi male qonajaĝadi'ña jena'me aleua.

Juan 8:44

Ñe'me adet'ai nach'eñe ñe'me payac, chane'eja da'me mach'e lelnataĝac a'vichetac, ga'me jo'ne mach'e 'yamaqaten. Da'me jo'ne 'uaechiñe joca'li nach'eñe ñe'me payac jo'ne dalataĝanac; Ñe'me nach'e eta't da'me ja ue'tajop ga'me eja, nataq'aen da'me ja yaqanatet ta'le 'yaĝatetac da'me eja. Mane'e qom nenaĝategue ga'me loqovinaĝanaĝac qama'le 'yaĝatetac ga'me mach'e loĝot, qa'a nach'eñe jo'ne qovinaĝanaĝaic, nataq'aen e'n qovinaĝanaĝayaqa gaa'me jiyaĝa'u jo'ne mach'e lec'oqo'te.

Apocalipsis 9:19

Qa'a joda'me 'lañaĝa'j joga'me pegaĝadipi uetauelo naa'me nedegaqa'te nataq'aen naa'me lauenaqa jo'ne ena'am ta'le nanayaqa, qama'le naa'me laqai'go gaa'me nanayaqa yeto'y ga'me jiyaĝadipi.

Apocalipsis 9:10

Naa'me lauenaqa nach'e ena'am 'uo na'me le jo'ne ena'am jena'me le jena'me noĝopic: nach'ena naa'me naajo' jo'ne 'uo da'me yaqanatet ta'le ya'uo da'me layaliaĝa'j joga'me jiyaĝadipi nalo'taguet cinco naa'me auoĝoyaqa.

Apocalipsis 8:7

'Uo ñe'me piyem le'ec jo'ne 'uaechiñe da'me dajedaĝan, qama'le jauana jajo'me loñi jo'ne ena'am ta'le qa' da'me qoyecodelegue jena'me aleua, choqoga'me dole' jo'ne yeleguet jaga'me netauo'. Qama'le gaa'me lael jena'me aleua jo'ne tres, 'uo ga'me onolec jo'ne yavic, nach'e ena'am jogaa'me ep'a uo'oe gaa'me yavi'j, nataq'aen yema jena'me nolelaĝa jo'ne dadala 'me uetalegue jena'me aleua.

1 Pedro 5:8

Ena'te a'uochiitac, dite da'me a'nañaĝachela't, qa'a ñe'me adauteuai jo'ne payac ena'am ga'me jauaĝaic da'me 'loĝoyaĝac qama'le nomitetaque ga'me jetaque nolaĝachiñe.

Apocalipsis 17:18

Jaga'me yauo jo'ne auana, nach'añe jo'ne noic let'adaic 'me nejaliaĝatelo'te yemeda jogaa'me nejaliaĝanaqa 'me uetedalegue jena'me aleua.”

Apocalipsis 8:8

Joñe'me piyem le'ec laqaya jo'ne dajoyalegue ñe'me jo'ne 'uaechiñe, nach'e ena'am yajediye jaga'me lajeede, qama'le qoyajaĝañgui ga'me noĝop let'adaic ga'me jo'ne ena'am ta'le qajoĝonaĝa let'adaic jo'ne edetañgui. Qama'le gaa'me lael jena'me noĝop let'adaic 'uo ga'me onolec jo'ne neleguemaĝata jaga'me netauo'.

Apocalipsis 8:9

Qama'le nach'e ena'am yele'u yema ga'me noĝop laje'pi jo'ne uetañgui jaga'me netauo', chaqagaa'me licotal jo'ne uo'oe, nach'e ena'am qoyenoĝo'n.

Apocalipsis 8:10

Joñe'me piyem le'ec laqaya jo'ne dajoyalo'te joñaa'me dos piyem laje' male yajediye jaga'me lajeede, qama'le 'uo jaga'me uaqachiñi lat'edai jo'ne edetañgui, ena'am jaga'me coyadaĝanaqate da'me lauaq, qama'le 'naqañe, chiyaqaje'ma di'me piyem, qama'le tachi'ña ga'me lae jogaa'me ñachel, naqaegaua jo'ne tres gaa'me lael, qama'le nach'e ena'am tañguilo jogaa'me noĝo'pi jo'ne natetedajeguem.

Apocalipsis 8:11

Jaga'me uaqachiñi lenaĝat da'me Chem, qama'le ga'me noĝop jo'ne tañgui male qoyen chem, qama'le jalcote ga'me jiyaĝadipi jo'ne yeletem.

Apocalipsis 8:12

Ñe'me piyem le'ec laqaya jo'ne dajoyalo'te ñaa'me tres piyem laje' yajediye jaga'me mach'e lajeede, qama'le naa'me tres lael jañe'me ajeua 'uo ga'me onolec jo'ne qoyolaĝachigui, nataq'aen ñe'me auoĝoic nach'e ena'am qoyolaĝachigui na'me lae, qama'le nach'e ena'am naa'me uaqachiñil jo'ne tres naa'me ua'ñalo 'uo da'me onolec jo'ne qoyalaĝachigui, qaedi 'uo da'me 'lalaĝa. Qama'le naa'me tres jo'ne lael na'me nolo', 'uo ga'me onolec lae jo'ne 'naltapiye, nataq'aen jena'me pi'yaq 'uo ga'me lae jo'ne om ñe'me auoĝoic choqonaa'me uaqachiñil.

Apocalipsis 12:7

Yem da'me dojo', qama'le 'uo ga'me nalada't di'me piyem, qa'a joñe'me piyem laje'pi lejaliaĝanec Miguel choqoga'me piyem laje'pi jo'ne nejoĝonaqapi nauteta ñe'me ñaĝadiaq polio' qama'le deloiquitapegue', qama'le ñe'me ñaĝadiaq polio' nataq'aen jogaa'me piyem laje'pi laqaya' jo'ne mach'e lalemaĝajetpi yataqata deloiqui'tape,

Apocalipsis 13:2

Jo'me jiyac polio' jo'ne jauana ena'am jena'me quedoc da'me 'loyaĝac, nataq'aen naa'me lapia'te ena'am ta'le potae lapia'te, qama'le jena'me nedegaĝat ena'am ta'le jauaĝaic nedegaĝat. Qama'le ñe'me ñaĝadiaq polio' yanem da'me 'lañaĝac jo'me jiyac polio', choqoga'me lañoqotaĝanaĝac let'adaic qaedi male 'uo da'me lejaliaĝa.

Apocalipsis 13:4

Chane'eja 'nonaĝachidegue ñe'me ñaĝadiaq polio', yajouaĝat da'me yanem da'me lañoqotaĝanaĝac ñe'me jiyac laqaya jo'ne diez naa'me laqai'go, qama'le nach'e ena'am da'me 'nonaĝachidegue ñe'me jiyac polio', qama'le eetapega't: “¿Jach'e ga'me nalo'te' jenjo' jiyac? ¿Jach'e ga'me yaqanate't ta'le delo'ye?”

Apocalipsis 16:13

Ua'a qama'le jauana na'me nedegaĝat ñe'me ñaĝadiaq polio', nataq'aen na'me nedegaĝat ñe'me jiyac polio' choqona'me nedegaĝat ñe'me jo'ne ja eja da'me lapaĝaguenataĝanaĝac, da'me chiyaqauelo jaa'me tres nepaqa'li jo'ne paĝachiguilo, da'me 'loyaĝa'j jo'ne ena'am jana'me petayo.

Apocalipsis 20:2

Jo'me piyem le'ec naviiñe ñe'me ñaĝadiaq polio', nach'eñe ñe'me nanaic jo'ne 'uaechiñe joca'li, joñe'me jo'ne lenaĝat qoyen da'me payac, nataq'aen da'me lenaĝat laqaya qoyen jo'ne Satanás, qama'le jo'me piyem le'ec yecoñe' joñe'me chayovida'a qom nalo'taguet mil na'me 'uoidi da'me en netaye lequet.