Apocalipsis 12:17 - Nuevo Testamento Toba Sombrero Negro

¹⁷ Qama'le naqaeda 'me chiyaqayi da'me ma'ejama'le 'uo da'me lalemataic ñe'me ñaĝadiaq polio', yataqata nautena jañe'me yauo, qama'le ec qaedi deloiquitapegue'to jogaa'me yauo lec'oqo'te laqaya', naqaegaua jo'ne yoqochideta daa'me lamaĝajoĝonaĝaco joñe'me Dios, nataq'aen da'me yataqata quetede'egue na'me lapaĝaguenataĝanaĝac joñe'me Jesús.

Nuevo Testamento Toba Sur

¹⁷ Huaña, nachi se'eso shiguiÿac ÿataqta dalemataÿa asa'aso 'alo. Nachi somayi jec da iloquiaxan na n'onañi llalaqpi asomayi, nam ÿataqta ÿalaxalguete naua lqataxaco ñi Dios, qataq ÿataqta quetelguete naua 'eesoda lataxaco mayi i'axa't co'ollaxa so Jesucristo.

La'aqtaqa Ñim Lo'onatac 'Enauacna 2013

¹⁷ Qaq ỹoqo'oye se'eso shiguiỹac leguemaxaic ỹataqta dalemataỹa asa'aso 'alo, nache jec da iloquiaxan na no'onañi llalaqpi asomaye, qaq damaye 'eeta', nam ỹataqta ỹalaxaguet nam lamaxasoxonaxacpi Ñim Lo'onatac 'Enauacna, qataq saq ỹaxanec da lpi'iỹaxac So Jesús.

Apocalipsis 12:17 Referans Kwoze

Apocalipsis 14:12

¡Male qoyauana da'me eeta da'me napogaĝadenaĝa'j ga'me Dios lec'oqo'tepi, nach'egaua jo'ne yoqocha'alo naa'me lamaĝajoĝonaĝaco ñe'me Dios nataq'aen da'me ja yaĝadiñi da'me yataqata p'iida'a ñe'me Jesús!

Apocalipsis 19:10

Chane'eja te'me jejoidiñe naa'me yeliquetel, jejocoto naa'me lapia'te joñe'me piyem le'ec queda'me te'me 'ñonaĝachigui, qalaĝaja jayem uaqata: “Ena'te aua'uo da'me dojo', qa'a naqayem jo'ne ch'e jayem Dios lalemaĝajet, qama'le nach'e am jena'am, choqogaa'me adaqaya'olqa jo'ne nach'e eta't da'me 'yamaqate'n naa'me 'laqataqa joñe'me Jesús. Nach'eñeta ñe'me Dios jo'ne a'nonaĝachigui.” Qa'a naa'me 'laqataqa joñe'me Jesús, nach'enaua jo'ne 'yañaqate't joñaa'me Dios 'laqataĝanaĝanaqa.

Apocalipsis 11:7

Qalaĝaja qom male yoma't ena'uaque da'me 'laqataĝanaĝa'j, qama'le joñe'me jiyac polio' male nenoĝojeguem chiyaqañgui jaga'me limaĝañi jo'ne qaya'te loiquiaqa', qama'le paja'a da'me deuo'yalo, qama'le noma't chayovida'a da'me male yala't.

Apocalipsis 6:9

Mane'e ca'li ñe'me 'Naĝanaĝate Lec'oĝot naqat jajo'me quinto 'nanaĝanaqate, qama'le jauanalo dia'me uetedo'ot ga'me p'añe ga'me nec'atoĝonaĝala', jodia'me jo'ne joote qoyala't ca'li, yajouaĝat da'me ja yaĝadiñi da'me 'yaĝatetedac joñe'me Dios.

Apocalipsis 1:2

Chane'eja male jechoĝot yema da'me jo'ne jauana, nach'edaua daa'me 'laqataĝanaĝaco joñe'me Dios, jo'ne 'yaĝatetedac joñe'me Jesucristo.

Apocalipsis 13:7

Qama'le nach'e ena'am qoyaje'tem da'me ya'uo ga'me nalada't queda'me nautenalo joga'me lec'oqo'tepi joñe'me Dios, chayovida'a da'me noma't, qama'le nach'e ena'am da'me qoyanem da'me lañoqotaĝanaĝac qaedi nejaliaĝatelo'te ena'uaque ga'me jiyaĝadipi jo'ne yodapecache naa'me 'laqataqa, choqonaa'me neqomyaĝaco nataq'aen jogaa'me noyaqa.

Juan 8:44

Ñe'me adet'ai nach'eñe ñe'me payac, chane'eja da'me mach'e lelnataĝac a'vichetac, ga'me jo'ne mach'e 'yamaqaten. Da'me jo'ne 'uaechiñe joca'li nach'eñe ñe'me payac jo'ne dalataĝanac; Ñe'me nach'e eta't da'me ja ue'tajop ga'me eja, nataq'aen da'me ja yaqanatet ta'le 'yaĝatetac da'me eja. Mane'e qom nenaĝategue ga'me loqovinaĝanaĝac qama'le 'yaĝatetac ga'me mach'e loĝot, qa'a nach'eñe jo'ne qovinaĝanaĝaic, nataq'aen e'n qovinaĝanaĝayaqa gaa'me jiyaĝa'u jo'ne mach'e lec'oqo'te.

Apocalipsis 17:14

Yem da'me dojo' qama'le deloi'te' ñe'me 'Naĝanaĝate Lec'oĝot, qalaĝaja ñe'me 'Naĝanaĝate Lec'oĝot noma't jogaa'me, qa'a ñe'me 'Naĝanaĝate Lec'oĝot naqaeñe jo'ne Lejaliaĝane'j ena'uaque jogaa'me jaliaĝanaqa, nataq'aen yataqata yaguegue da'me mach'e lañoqotaĝanaĝac. Qama'le gaa'me jo'ne ueteda'ajop joñe'me nach'egaua jo'ne Dios yiyaĝanalo 'me mach'e liquiyaqa, nach'egaua jo'ne yataqata p'iida'a joñe'me.”

Apocalipsis 1:9

Jayem Juan 'me mach'e jayem adaqayai, qama'le qo'mi nepi'iyaĝa'u da'me qademe'teguet joñe'me Jesús. Qo'che' 'uo da'me qadachoĝodec nayi, nataq'aen 'uo da'me qat'añaĝac da'me qaedi ñapogaĝadenaq, chayovida'a da'me yataqata jouaqataue da'me lejaliaĝa joñe'me Dios. Da'me jayem jonetalegue ca'li di'me comadaĝa jo'ne lenaĝat da'me Patmos, yajouaĝat da'me ja'aĝate'tape naa'me 'laqataĝanaĝaco joñe'me Dios, nach'enaua jo'ne dechoqotaĝatec joñe'me Jesús.

1 Juan 5:10

Joga'me jo'ne p'iya'a joñe'me Dios Lec'oĝot yachitaue ga'me lauel da'me dojo' Dios 'laqataĝanaĝac; ga'me jo'ne ja p'iya'a joñe'me Dios qamqa'me en pecaic joñe'me, qa'a ja p'iya'a da'me 'laqataĝanaĝac joñe'me queda'me dechoqotaĝanec joñe'me Lec'oĝot.

1 Juan 5:2

Chane'eja, qom qadoqopita joñe'me Dios, nataq'aen qom jauoqo'oe daa'me jo'ne qo'mi yamaĝalo'te, qama'le jayatenaq queda'me nach'e ena'am qadoqopitalo ena'uaque jogaa'me jo'ne lec'oqo'tepi joñe'me Dios.

1 Juan 2:3

Qom jauoqo'oe jodaa'me lamaĝajoĝonaĝaco joñe'me Dios, qama'le jaqanatetaq ta'le jenaqatapela't male jovitaĝa da'me jatetonaq joñe'me.

Apocalipsis 22:14

Made'tape jogaa'me jo'ne yiyo'y joga'me louo, qa'a nach'egaua jo'ne yauata da'me 'uo da'me ladiquiyaĝa'j q'aen jaga'me epaq jo'ne 'uo da'me nec'alaĝa choqoda'me e'n yaqanate't da'me tado'uet q'aen joga'me najom ga'me noic.

Apocalipsis 20:4

Ca'li yem qama'le yitaĝa jauanalo jogaa'me jiyaĝa'u laqaya' jo'ne netauelo gaa'me nejaliaĝaiqui', qa'a joote yacoteguet da'me lañoqotaĝanaĝa'j qaedi male dec'atenaĝa'n nataq'aen da'me daloqotenaĝa'n. Jogaa'me jiyaĝa'u jo'ne jauanalo nach'ediaua dia'me jo'ne joote yele'u da'me qoyichaĝadegue naa'me laqai'go, yajouaĝat da'me 'yaĝatetedac joca'li joñe'me Jesús, nataq'aen da'me dapaĝaguenataĝatedapec da'me 'laqatac joñe'me Dios. Jodia'me ja jetaque netametot ca'li ñe'me jiyac polio' choqoga'me mach'e lequi'i, qama'le nach'e ena'am da'me ja naje'teguet ta'le qoyanayelo naa'me laqai'go jaga'me 'nanaĝanaqate, uotaĝa ta'le qoyanayelo naa'me loua'. Qama'le jauanalo da'me yitaĝa nec'aledegue jogaa'me, qama'le ueteda'ajop joñe'me Cristo da'me qoyanema da'me lejaliaĝa'j chayovida'a qom yenoĝodegue ga'me mil 'uoidi.

Apocalipsis 19:19

Yem qama'le jauana ñe'me jiyac polio' nataq'aen ñaa'me nejaliaĝanaqa jo'ne uetedalegue jena'me aleua choqogaa'me jo'ne mach'e necoicopi 'me nejoĝonaqapi, nach'egaua jo'ne dajo'ta't qaedi male deloi'te' joñe'me netalegue joñe'me pegaq pagaĝaic chayovida'alo gaa'me mach'e nejoĝonaqa joñe'me.

Apocalipsis 18:20

“Male am matac nayi, am piyem, Qa'a yajouaĝat da'me ne'uaĝanaguec jena'me jenjo' noic, nataq'aen male ami made'tape, ami Dios lec'oqo'tepi jo'ne ami ja 'nalo'te, da'me ami Dios lamaĝa's nataq'aen da'me ami 'laqataĝanaĝanaqa joñe'me, qa'a nach'eñe ñe'me Dios jo'ne ye'uaĝan di'me noic let'adaic, qaedi ya'uo da'me en adajo'viyaĝaqui.

Apocalipsis 17:6

Chane'eja da'me jayem male jauana jañe'me yauo da'me joote en taĝai q'aen jana'me letauo't ga'me jiyaĝadipi jo'ne ja 'nalo'te, nach'egaua jo'ne joote qoyala't yajouaĝat da'me 'yaĝatetedac joñe'me Jesús. Qama'le da'me jayem yataqata da'me joqoch'em.

1 Corintios 2:1

Ami yaqaya'olqa, ca'li ami jec'atalo qaedi ami ja'aĝatapema da'me yataqatelegue jo'ne Dios yaloĝon, qama'le ja ami 'te janema gaa'me 'naqataqa jo'ne qalache uotaĝa jiyaĝaua layatenaĝanaĝaco.

1 Pedro 5:8

Ena'te a'uochiitac, dite da'me a'nañaĝachela't, qa'a ñe'me adauteuai jo'ne payac ena'am ga'me jauaĝaic da'me 'loĝoyaĝac qama'le nomitetaque ga'me jetaque nolaĝachiñe.

Mateo 28:20

nataq'aen auapaĝagueñi' qaedi quetede'egue yema ga'me jo'ne joote ami jamaĝalo'te. Qama'le jayem nach'e eta't da'me ami joue'tajopa chayovida'a qom loiquiaqa' jena'me aleua.

Apocalipsis 12:16

qalaĝaja jena'me aleua lecochiya jañe'me yauo, qama'le 'youachigui jena'me nedegaĝat, qama'le yeuoĝonañi ga'me ñache jo'ne chiyaqayi na'me nedegaĝat ñe'me ñaĝadiaq polio'.