Apocalipsis 11:17 - Nuevo Testamento Toba Sombrero Negro

¹⁷ da'me enapega't: “Am Qadejaliaĝanec, jo'ne am Qadet'a 'me qaya'te auaqalatac, Da'me am jo'ne nach'e eta't 'uo, nataq'aen da'me jalchi'ena am 'uo joca'li, Am janemaĝam da'me qadamaic, Qa'a nayi joote auaconeguet da'me adañoqotaĝanaĝac let'adaic Qama'le auen laloqo' da'me male anejaliaĝatelo'te jena'me aleua laje'pi.

Nuevo Testamento Toba Sur

¹⁷ qoÿiita': 'Am sanaxam da qan'achiquiaxac, 'am qadataxala' Dios mayi qaica ca 'auqalanapec, 'am mayi nachi 'eetai' da 'am huo'o, qataq nachi'am mayi 'au'onataxaatac nagui, qataq 'auanaÿa'cna, cha'ayi 'am 'au'ogoxona dam qaica ca 'en'am 'ad'añaxac, da yaqto' 'aulo'ogue 'enauac nam huetalecna.

La'aqtaqa Ñim Lo'onatac 'Enauacna 2013

¹⁷ 'eeta': «'Am Qarataxala' maye 'Aro'onatac 'Enauacna, qataq qaica ca 'auqalanapec; 'am maye 'anca'altauec, qataq nache 'eetai' da 'am huo'o. Qana'achec, cha'aye 'auachaxan da lta'araic 'ara'añaxac, qataq mashe 'auo'onataxan da 'alo'ogue 'enauac ana 'alhua.

Apocalipsis 11:17 Referans Kwoze

Apocalipsis 1:8

“Naqayem jo'ne je'uaechiñe nataq'aen da'me naqayem jo'ne jep'ategue,” naq'aeta da'me 'laqatac joñe'me Jaliaĝanec Dios jo'ne qaya'te yaqalaatac, joñe'me jo'ne jalchi'ena 'uo, nataq'aen nach'e eta't da'me qo'mi ue'tajopa.

Apocalipsis 16:5

Da'me yem qama'le jomachiya ñe'me piyem le'ec laqaya jo'ne nouatoqo't jena'me noĝop 'me eetac: “Am Jaliaĝanec jo'ne ja am 'te 'nalegue, Naqa'am jo'ne jalchi'ena am 'uo nataq'aen nach'e eta't da'me qo'mi oue'tajopa, Yataqata yiyamaqachiñe da'me aua'uo tachigui nayi Da'me auec'ateneque naa'me naajo' jo'ne at'onataqa,

Apocalipsis 19:6

Nataq'aen 'uo da'me jo'ne nach'e ena'am jomachiya jo'ne ena'am ta'le lajamaĝa joga'me jiyaĝadipi let'adaic, nataq'aen da'me ena'am ta'le noĝop ladic jo'ne nayenegue, uotaĝa da'me 'loĝoyaĝac jo'ne let'adaic da'me lajamaĝa, jo'ne eetac: “¡A'nonaĝachiyegui ñe'me Jaliaĝanec! Qa'a yovita da'me male nejaliaĝatelegue yema, Joñe'me mach'e Qanedios jo'ne qaya'te yaqalaatac.

Apocalipsis 1:4

Jayem Juan ami jep'iye'n nayi, da'me ami Dios lec'oqo'tepi jo'ne oñiya'ña di'me aleua jo'ne Asia. Auacoñiyeguet nayi da'me nichoĝodenataĝanaĝac nataq'aen da'me 'nemaĝac jo'ne chiyoqo'ot joñe'me jo'ne jalchi'ena 'uo, nataq'aen nach'e eta't da'me qo'mi ue'tajopa, choqoñaa'me siete nepaqa'li ja 'nalo'te jo'ne dajoteda'aguet da'me lejaliaqa' joñe'me,

Apocalipsis 19:11

Qama'le jauana di'me piyem da'me 'nouategue, qama'le 'uo jo'me pegaq jo'ne pagaĝaic, qama'le jauana jo'me netalegue 'me ladipa jo'ne lenaĝat da'me “Ja 'nalegue jo'ne ejoda naa'me 'laqataqa”, qa'a yachiyaqayi da'me chimaqachiñe da'me ya'uo da'me lec'atenaĝanaĝac nataq'aen da'me ya'uo ga'me nalada't.

Apocalipsis 16:7

Qama'le nach'e ena'am 'uo ga'me jomachiya jo'ne chimaqapega ga'me nec'atoĝonaĝala' jo'ne eetac: “Yataqachiñe eja naq'aeta da'me dojo' aua'uo, am Jaliaĝanec Dios, jo'ne qaya'te auaqalatac. Yataqachiñe eja da'me adec'atenaĝanaĝac nataq'aen naa'me naajo' jo'ne aue'n di'yo't nayi, qa'a naqa'am jo'ne qaya'te auaqatetac.”

Apocalipsis 16:14

Naa'me naajo' jo'ne nenoĝodegue nach'enaua 'me payac lepaqa'li, jo'ne yauo'oe gaa'me 'nanaqa jo'ne yaloĝo'n, qama'le yapotena't ena'uaque jogaa'me lejaliaĝanaqa ga'me jiyaĝadipi, qaedi yeloiquiaĝa'n qom yovita ga'me nolo' 'me laloqo' da'me le'uaĝanaĝanaĝac ñe'me Dios jo'ne qaya'te yaqalaatac.

Apocalipsis 15:3

Qama'le t'onaĝa'tape jogaa'me, 'yotedac da'me lalac ñe'me Moisés choqoda'me lalac ñe'me 'Naĝanaĝate Lec'oĝot jo'ne eetac: “Let'adayaqa naa'me auauo'oe, Nataq'aen da'me onaĝayaqa ena'uaque naa'me at'onataqa, Am Jaliaĝanec Dios jo'ne qaya'te auaqalatac; Eja da'me chimaqategue da'me adadiquiyaĝac nataq'aen da'me yataqatelegue, Am Lejaliaĝane'j ena'uaque ga'me jiyaĝadipi jo'ne neda'ña jena'me aleua.

Apocalipsis 11:15

Ñe'me piyem le'ec laqaya jo'ne dajoyalo'te ñaa'me seis piyem laje' male yajediye jaga'me mach'e lajeede, qama'le qodomachiya ga'me nejamaĝa let'adaic jo'ne chimaqapegue di'me piyem jo'ne eetac: “Joñe'me jo'ne mach'e Qadejaliaĝanec Male nejaliaĝatelo'te yema jena'me aleua laje'pi Choqoñe'me Liquiyac joñe'me Qadet'a, Qama'le nach'eñe ñe'me jo'ne qaya'te ta'le loiquiaqa' da'me lejaliaĝa.”

1 Timoteo 1:12

Nach'e eta't janem da'me yamaic ñe'me Cristo Jesús mach'e Qadejaliaĝanec jo'ne nach'e eta't ya'uo 'yañaĝac, qa'a jouaĝat queda'me yataqata eja en jayem lamaĝajec, nataq'aen ya'uo di'me en 'yonatac jo'ne onaĝaic,

Lucas 10:21

Qanach'ega ua'a ca'li, ñe'me Dios Lepaqal najaqachigui q'aen ñe'me Jesús da'me lamaic, qama'le enaac: “Am 'ñonaĝachigui, Taĝadena', Jaliaĝanec di'me p'ajeguem piyem nataq'aen jena'me aleua, qa'a aualoĝonalo dojo' jogaa'me ja t'añi'y gaa'me uo'oe jo'ne auoĝochi'ñejopa gaa'me yatenaĝanaĝayaqa nataq'aen tadenataĝa'n. Eja, Taĝadena', qa'a naq'aeta da'me jo'ne auepaquetapega.

Mateo 11:25

Jo'me jojo' nolo', Jesús enaac: —Nayi am 'ñonaĝachigui, am Taĝadena', Lejaliaĝanec di'me piyem nataq'aen jena'me aleua, qa'a auoĝochi'ñejopa jogaa'me yatenaĝanaĝayaqa nataq'aen tadenataĝanaĝayaqa naa'me naajo' uo'oe, qama'le aualoĝonalo joga'tae'me 'najodolqa.

2 Corintios 9:15

¡Janem da'me yamaic ñe'me Dios queda'me 'uo da'me qo'mi yeyala'aque jo'ne yataqachiñe let'adaic, jo'ne qaya'te 'yaqataqa ta'le ja'aĝatetac!

2 Corintios 2:14

Jalcote janem da'me yamaic ñe'me Dios queda'me qo'mi yapetede'uo da'me lomataĝanaĝac ñe'me Cristo, nataq'aen queda'me qo'mi yanema da'me ja'aqataĝanaqatapema ena'uaque gaa'me ale'u lael da'me 'laqataĝanaĝac qaedi naq'aeta da'me ena'uaque yateto'n ñe'me Cristo. Ja'aĝataqatac da'me onaĝaic 'naqataĝanaĝac ena'am ta'le jelagaĝataĝalegue ena'uaque gaa'me ale'u lael ga'me jama da'me laetayaĝac ena'am ga'me yoĝoqui jo'ne davioĝon.

Juan 11:41

Qama'le qonaqategue ga'me qa'. Ñe'me Jesús male yeloje'ma di'me piyem qama'le enaac: —Taĝadena', am janem da'me yamaic queda'me jayem anaquiaĝana.

Apocalipsis 18:8

Chane'eja nach'eda 'me yajouaĝat da'me ch'e onolec qoyen joga'me nolo' da'me male qoyovidaĝatalegue da'me ne'uaĝanague'j, jo'ne loqouaĝa nataq'aen da'me layaliaĝa chayovida'a da'me leleuaĝa, qama'le qoyachaue ga'me dole' da'me qoyigoue; queda'me nach'eñe Dios jo'ne ñoqotaĝanaĝaic, joñe'me Jaliaĝanec jo'ne ya'uo da'me nalataguec.”