Apocalipsis 1:3 - Nuevo Testamento Toba Sombrero Negro

³ Matac ga'me jo'ne dojelegue jenjo' yediijec jo'ne 'yaĝate'tape gaa'me uo'oe nayi nataq'aen gaa'me jo'ne uo'oe jo' qomle, nataq'aen made'tape yema gaa'me jo'ne domachita qama'le yoqochideta na'me jo'ne qoyediñe, qa'a male qoyoqo'ta ga'me laloqo' qom yema qoyen di'yoq.

Nuevo Testamento Toba Sur

³ Qaq ÿataqta machiguiñi qome ca itaxaÿaxan ana'ana nede, qataq machiguiñi nataq'en ca n'axaÿaxaatega qom qaitaxaÿaxan de'eda n'aqtaxanaxac mayi chigoqo'ot ñi Dios, qataq da ÿataqta ÿalaxaguet de'eda qoÿittalec ana'ana nede, cha'ayi mashi sa qaÿapeque ca loga't da yi'oq 'enauac ne'ena.

La'aqtaqa Ñim Lo'onatac 'Enauacna 2013

³ ¡Ñim Lo'onatac 'Enauacna ỹami' da nqouagaxa cam itaxaỹaxan de'era na'aqtaxanaxac da ỹalectaigui na laỹepi shiỹaxauapi! ¡Qataq nataqa'en ỹaalec da nqouagaxa 'enauac nam na'axaỹaxaatega de'era na'aqtaxanaxac qataq ỹalaxaguet! ¡Mashe nayeetai' ca na'a'q da Ñim Lo'onatac 'Enauacna ipacchigui naqa'en 'enauac ne'ena ỹa'axattac ana'ana nere!

Apocalipsis 1:3 Referans Kwoze

Lucas 11:28

Joñe'me 'yateguet: —¡Jaja'a! Qama'le ¡yataqachiñe p'ajaye da'me lamai'j jogaa'me jo'ne naquiaĝata daa'me Dios 'laqataqa, nataq'aen yoqochideta joñe'me!

Apocalipsis 22:10

Qama'le nach'e ena'am jayem 'yaĝatem da'me dojo': “Ena'te jetaque auoĝotetapiñe da'me napaĝaguenataĝanaĝac jo'ne joote uetalegue janjo' nede, qa'a male qoyoqo'ta ga'me nolo' da'me male yepaquichiguilo yemeda naa'me jo'ne joote qo'yaĝate'tape.

Romanos 13:11

Male jouaqatauelo naa'me noloqo'ote jo'ne p'atedegue, qalaĝaja da'me ami ena'am ta'le maliaĝa a'uochetac, qalaĝaja nayi 'noota ta'le aneloyiye, qa'a male qoyoqo'ta ga'me nolo' qomle joñe'me Dios male qo'mi nec'alaĝatedegue, ja ena'am ca'li yemta jep'iyaqa joñe'me Jesús.

1 Pedro 4:7

Male qoyoqo'ta ga'me loiquiaqa't ena'uaque jogaa'me uo'oe. Chane'eja da'me ami 'noota qom aneloyitaye nataq'aen da'me ena'te aualajaĝañita da'me anetamenaĝaqui.

Apocalipsis 22:12

“Eja da'me jayem paja'a 'ñiyelaĝaquena, qama'le ñachetac ga'me nomataĝanaĝac jo'ne janema jogaa'me onolqa'tape gaa'me jiyaĝa'u, ga'me nalo'taita jogaa'me onolqa'tape jo'ne mach'e 'lonataqa.

2 Pedro 3:8

Nataq'aen da'me laqaya, ami yaqaya'olqa, eet'oi: ena'te auapalaĝache'ta da'me ee'tec ñe'me Qadejaliaĝanec, ga'me onolec nolo' en ena'am ga'me mil na'me 'uoidi, qama'le ga'me mil na'me 'uoidi ena'am ga'me onolec nolo'.

Apocalipsis 22:20

Joñe'me jo'ne 'yaĝatetac da'me dojo', eetac: —Eja da'me jayem paja'a da'me 'ñiyelaĝaquena qomle. Qama'le nach'e naq'aeta da'me dojo'. Am Jaliaĝanec Jesús, ¡Auanaequena!

Mateo 24:15

“Chane'eja qom auañiya ga'me jo'ne te'me adiquiyayi'ya jo'ne yapalaĝat ena'uac, da'me jo'ne 'yaĝatetapi'ñgui ñe'me Dios 'laqataĝanaĝanec Daniel, queda'me naue da'me Dios 'lemec jo'ne ja 'nalegue —ga'me jo'ne yec'aten da'me dojo', 'noota qom yayaten,—

Romanos 13:12

Joote qo'mi nedalo'te da'me pi'yaq, yamta'le da'me nete'. Chane'eja jaĝanaĝadiñi gaa'me 'lonataqa da'me 'lalaĝa, qama'le janaĝaiñe da'me yoqochiñe, ena'am ga'me coico le'ec yaqataĝata't nale 'uo ga'me nalada't.

Apocalipsis 3:11

Jayem paja'a da'me ñanac qomle, qama'le 'noota qom aviyamaĝachetac da'me jo'ne joote ami uetauelo, qaedi qaya'te 'uo ga'me yaqanatet ta'le deuodaĝanec da'me adomataĝanaĝachi.