Apocalipsis 1:18 - Nuevo Testamento Toba Sombrero Negro

¹⁸ nataq'aen da'me naqayem jo'ne nach'e eta't da'me jec'aletaye: naqayem jo'ne jeleu ca'li, qalaĝaja nayi male nach'e eta't da'me jec'aletaye, qama'le jayem ue'tajop da'me yañoqotaĝanaĝac qaedi 'ñiyelaĝachidijeguem gaa'me joote yele'u, da'me jachiyoĝotedaue di'me napa'lpi necoñetaĝaiqui'.

Nuevo Testamento Toba Sur

¹⁸ Qaq aÿim mayi nachaÿim ñica'alapeguec. Aÿim co'ollaxa seleu, qalaxayi nagui qaltaq ñica'altauec, qanachi sa lÿa da seleu. Qaq nagui aÿim hueto'ot da l'añaxac da nleuaxa qataq cam laponqa' na leuaxaicpi.

La'aqtaqa Ñim Lo'onatac 'Enauacna 2013

¹⁸ qataq Aỹem ñeca'altauec. Aỹem co'ollaxa seleu, qalaxaye nagui chochaq tatec da ñeca'altauec, qataq huo'o da ỹa'añaxac da ñataỹaña da la'añaxac da nleuaxa.

Apocalipsis 1:18 Referans Kwoze

Romanos 6:9

Jayatenaq da'me Cristo ca'li joote 'niyelaĝajeguem ja yitaĝa yeleu: da'me neleuaĝa qaya'te 'lañaĝac da'me ja yitaĝa nomat joñe'me.

Hebreos 7:25

Qo'che' yataqata yaqanatet ta'le nach'e eta't da'me nec'alaĝatedegue joga'me jiyaĝadipi, jogaa'me jo'ne 'yamaqate'n joñe'me da'me jetaque yec'adeta joñe'me Dios. Qa'a naqaeñe jo'ne nach'e eta't da'me nec'aletaye, qama'le nach'e eta't da'me nachoĝodetapelo'te jogaa'me.

Apocalipsis 3:7

“Nach'e ena'ama auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Filadelfia: «Da'me ami jo'ne oñiya'ña di'me Filadelfia, ami janema nayi jenjo' 'yaqatac, mach'e jayem jo'ne jayem ja 'nalegue, jayem yataqatelegue nataq'aen jayem ue'tajop da'me lañoqotaĝanaĝac ñe'me jaliaĝanec David, qama'le qom jen 'nouategue, qaya'te yaqanatet ta'le yapadiñgui, nach'e ena'am da'me qom japadiñgui, qaya'te yaqanatet ta'le 'youategue:

Hebreos 12:2

'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.

Mateo 16:19

Am janema qomle ga'me lo'ol da'me qo'youategue joda'me lejaliaĝa di'me piyem; ga'me auecoñe' 'me ue'ta jena'me aleua, nach'e ena'am qoyecoñedeta't da'me daja' piyem, nataq'aen ga'me auejoye 'me ue'ta jena'me aleua, nach'e ena'am qoyejotañe da'me daja' piyem.

Apocalipsis 20:14

Yem da'me dojo', qama'le joñe'me lejaliaĝanec da'me neleuaĝa chaqañe'me necoñetaĝanaĝaiqui' ga'me napa'lpi male nach'e ena'ama da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

Hebreos 1:3

Queda'me naqaeñe jo'ne laqaselegaĝac da'me 'lonaĝac joñe'me Dios, nataq'aen da'me 'loyaĝac joñe'me ena'am da'me 'loyaĝac joñe'me Dios. Qama'le naa'me 'laqataqa joñe'me C'oĝot 'uo da'me lañoqotaĝanaĝa'j qaedi nelaĝatetedañe ena'uaque naa'me naajo' jo'ne uo'oe. Chane'eja ca'li yomat da'me ena'am ta'le qo'mi yiyo'y qaedi qoyapalaĝa't naa'me mach'e qadoeco, qama'le neta'ña di'me yayaten joñe'me Dios, da'me male na'ague di'me piyem jo'ne lejaliaqa'.

Gálatas 2:20

qama'le male ja naqayem ta'le mach'e jec'aletaye, dite ñe'me Jesucristo 'me nec'aletaye nach'eñe jayem nec'aletaye q'aen. Qama'le nayi jec'aletaye yajouaĝat da'me jep'iya'a ñe'me Lec'oĝot ñe'me Dios, qa'a ñe'me jayem noqopita nataq'aen najetoue da'me leleuaĝa qaedi jayem nec'alaĝategue.

Apocalipsis 4:9

Chane'eja nale jogaa'me yejidi 'nonaĝachidegue joñe'me jo'ne ñichiñe netañgui jaga'me je'onaĝaiqui, nach'eñe ñe'me jo'ne nach'e eta't da'me nec'aletaye, nataq'aen da'me yatem da'me lamai'j,

Hebreos 7:16

Qama'le da'me qoyen netaĝayaĝanaĝanec ja yepaquetelegue da'me namaĝajoĝonaĝac 'me 'yaĝa't ga'me nec'oqo'tepi ta'le chiyaqauelo, dite da'me chiyaqayi da'me lañoqotaĝanaĝac da'me mach'e 'loyaĝac jo'ne nach'e eta't ja pal.

2 Corintios 13:4

Joñe'me qaya'te 'lañaĝac ca'li qoyep'enajeguem, qalaĝaja nayi da'me lañoqotaĝanaĝac ñe'me Dios en nec'aletaye joñe'me. Qo'mi ñetauanaqa'uo da'me lachoĝolaĝac ñe'me Cristo, qalaĝaja nach'e ena'am ñetauanaqa'uo da'me 'loyaĝac ñe'me, yajouaĝat da'me lañoqotaĝanaĝac ñe'me Dios, qaedi male ami yecochaĝalo.

Apocalipsis 9:1

Ñe'me piyem le'ec laqaya, jo'ne dajoyalo'te ñaa'me cuatro piyem laje', male yajediye jaga'me mach'e lajeede, qama'le jauana da'me 'naqañe jajo'me uaqachiñi, chiyaqaje'ma di'me piyem da'me talegue jena'me aleua, qama'le qoyanem jaga'me lo'o ga'me najom jaga'me limaĝañi lat'edai jo'ne necoñetaĝaiqui' jogaa'me nepaqa'li jo'ne ja 'noe'n.

Juan 14:19

Qomle male ja jayem 'te yauata ga'me aleua laje'pi, qalaĝaja da'me ami qamqa'me yitaĝa jayem auañiya qomle, nataq'aen da'me adec'aletedaye qomle qa'a nach'e ena'am da'me jayem yitaĝa jec'aletaye qomle.

Colosenses 3:3

qa'a ena'am ta'le joote adelevi, qama'le Dios joote yaqataĝata't da'me at'oyaĝaqui jo'ne dalaĝaic qaedi oñiya'ajop ñe'me Cristo.

Apocalipsis 5:14

Chane'eja jogaa'me cuatro yejidi male 'yadeteguet: “¡Nach'e naq'aeta da'me dojo'!” Qama'le jogaa'me veinticuatro 'yaĝaicachidi male yejoidiñe naa'me leliquetel da'me 'nonaĝachidegue joñe'me jo'ne netañgui jañe'me je'onaĝaiqui choqoñe'me 'Naĝanaĝate Lec'oĝot.

Mateo 11:23

Qama'le am Capernaúm, ¿qo'li aueetapega auovidaje'ma di'me piyem da'me am qoyi'yoĝoden? ¡Ja naq'aeta, dite da'me anapacalegue di'me napa'lpi 'lachaqa' qom am iyiñe! Qa'a ta'le qoyacha'ña di'me Sodoma da'me jaloĝon dojo' yañoqotaĝanaĝac jo'ne ami jaloĝonalo, qama'le maliaĝa 'uo di'me dijo' noic chayovida'a jenjo' nolo'.

Lucas 24:5

Najaqachiguilo da'me loqolanaqa't, male naĝadiñi yeda'aguet jena'me aleua; qalaĝaja jogaa'me jiyaĝa'u eet'oi ga'me 'laqataqa yanema: —¿Toqoch'e auapichiñitapegueta dia'me yele'u da'me aueloyitaque ñe'me jo'ne nec'aletaye?

Juan 11:25

Qama'le enaac ñe'me Jesús: —Jayem naqayem jo'ne 'ñiyelaĝachidijeguem jogaa'me napa'lpi nataq'aen da'me ñec'alaĝatedegue. Gaa'me jo'ne jayem p'iida'a, mate mane'e yele'u qalaĝaja yitaĝa ñec'alaĝatedegue;

Apocalipsis 2:8

“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Esmirna: «Da'me ami jo'ne oñiya'ña di'me Esmirna, ami janema nayi jenjo' 'yaqatac, mach'e jayem jo'ne je'uaechiñe nataq'aen da'me naqayem jo'ne jep'ategue, naqayem jo'ne jeleu ca'li qalaĝaja nayi joote yitaĝa jec'aletaye.

Apocalipsis 6:8

Qama'le jauana ga'me pegaq laqaya jo'ne yoqoviyat da'me 'loyaĝac, nataq'aen jo'me netalegue jo'ne lenaĝat da'me «Neleuaĝa.» Jo'me chiyoĝogue nach'e ena'am jauana jo'me laqaya jo'ne equegue, 'me lenaĝat da'me «Napa'lpi Necoñetaĝaiqui'», qama'le nach'ejoua jo'ne qoyanema da'me lañoqotaĝanaĝa'j qaedi yala't ga'me onolec gaa'me cuatro jiyaĝa'u jo'ne uetedalegue jena'me aleua, qama'le yauote ga'me nalada't qaedi dalataĝa'tape, nataq'aen dalataĝatec da'me noqouaĝa choqogaa'me napite'nadi nataq'aen gaa'me yejidi jo'ne diquiya'ape.

Apocalipsis 10:6

qampaja'a da'me 'naĝatot joñe'me jo'ne nach'e eta't da'me nec'aletaye, joñe'me jo'ne 'lonatac di'me piyem choqona'me aleua nataq'aen joga'me noĝop let'adaic nataq'aen ena'uaque jogaa'me uo'oe jo'ne uedetot jodi'me piyem, qama'le eetac: “Male qaya'te ledaqa' da'me 'uo ga'me qodajo'ta,

Apocalipsis 15:7

Qama'le 'uo ga'me onolec gaa'me cuatro yejidi jo'ne nec'aletedaye, yanapeema gaa'me onole'tape jogaa'me yomaĝaiqui' jogaa'me siete piyem laje', gaa'me yomaĝaiqui' jo'ne oro, nach'egaua jo'ne najaĝayelo da'me lalemataic joñe'me Dios, ñe'me jo'ne nach'e eta't da'me nec'aletaye nataq'aen da'me ja pal.

Apocalipsis 20:13

Qama'le jaga'me qa'em lat'edai nach'e ena'am da'me yaneua'alo joga'me mach'e uetedañgui jo'ne napa'lpi, choqoñe'me lejaliaĝanec da'me neleuaĝa nataq'aen jañe'me necoñetaĝanaĝaiqui' ga'me napa'lpi nach'e ena'ama yaneua'alo gaa'me jo'ne uetedaue, qama'le nalo'ta't qoyen yema da'me 'uo da'me nec'atenague'j, onolqa'tape naa'me jo'ne mach'e chiyaqayilo jogaa'me mach'e 'lonataqa.