Apocalipsis 1:11 - Nuevo Testamento Toba Sombrero Negro

¹¹ Qama'le jayem enapega: “Auediñe da'me dojo' jo'ne auana jo' qomle, auachalegue jaga'me nede qaedi auamaĝalo jogaa'me siete tamenaĝaiqui', jogaa'me jo'ne napi'ñalo jogaa'me noyaqa jo'ne netedaue di'me aleua Asia: gaa'me noyaqa jo'ne Éfeso, Esmirna, Pérgamo, Tiatira, Sardes, Filadelfia nataq'aen di'me Laodicea.”

Nuevo Testamento Toba Sur

¹¹ Qaq aÿim 'enapega, 'eeta': –Nachaÿim mayi aÿim l'auaxanec qataq nachaÿim mayi sepa'ateec, shiita'am aca l'auaxana ana leetrapi qataq aca pa'ateec. Qaq 'am 'edelec qome aca nede 'enauac na 'auauaachigui. Ime, qaq 'auamaxalo qome naua siete 'ale'u mayi netalguete na 'amqajnataxanaxaicpi mayi netaigui yi 'alhua Asia: yim Éfeso, Esmirna, Pérgamo, Tiatira, Sardes, Filadelfia, qataq yi Laodicea.

La'aqtaqa Ñim Lo'onatac 'Enauacna 2013

¹¹ Qaq se'eso nvilỹaxac aỹem 'enapega, 'eeta': «'Auauo'o aca 'ere da 'iyiñi nam 'aulota'api, ime, qaq 'auamaxalo naua siete 'aleu' maye hueta'alo nam ỹa'amaqten So Jesús maye huetaigui ye 'alhua Asia, yem nỹecpi ye Éfeso, Esmirna, Pérgamo, Tiatira, Sardis, Filadelfia, qataq ye Laodicea.»

Apocalipsis 1:11 Referans Kwoze

Apocalipsis 3:1

“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Sardes: «Da'me ami jo'ne oñiya'ña di'me Sardes, ami janema nayi jenjo' 'yaqatac, mach'e jayem jo'ne ñejaliaĝatelo'te jogaa'me siete nepaqa'li jo'ne chiyoqo'ot joñe'me Dios nataq'aen yajoqot'a gaa'me siete uaqachiñil: Joote jayaten yema da'me auauoyi jo'ne chiyaqayi da'me a'naqataguequi da'me yataqata anec'aliitaye, qalaĝaja ja naq'aeta, dite da'me ena'am ta'le joote adelevi.

Apocalipsis 1:4

Jayem Juan ami jep'iye'n nayi, da'me ami Dios lec'oqo'tepi jo'ne oñiya'ña di'me aleua jo'ne Asia. Auacoñiyeguet nayi da'me nichoĝodenataĝanaĝac nataq'aen da'me 'nemaĝac jo'ne chiyoqo'ot joñe'me jo'ne jalchi'ena 'uo, nataq'aen nach'e eta't da'me qo'mi ue'tajopa, choqoñaa'me siete nepaqa'li ja 'nalo'te jo'ne dajoteda'aguet da'me lejaliaqa' joñe'me,

Apocalipsis 3:14

“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Laodicea: «Da'me ami jo'ne oñiya'ña di'me Laodicea, ami janema nayi jenjo' 'yaqatac, mach'e jayem jo'ne jayem yataqata eja, jayem choqotaĝanaĝaic 'me yataqatelegue nataq'aen da'me nach'ayem jo'ne jayem chiyoqodayi yemeda gaa'me uo'oe jo'ne ye't joñe'me Dios:

Apocalipsis 3:7

“Nach'e ena'ama auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Filadelfia: «Da'me ami jo'ne oñiya'ña di'me Filadelfia, ami janema nayi jenjo' 'yaqatac, mach'e jayem jo'ne jayem ja 'nalegue, jayem yataqatelegue nataq'aen jayem ue'tajop da'me lañoqotaĝanaĝac ñe'me jaliaĝanec David, qama'le qom jen 'nouategue, qaya'te yaqanatet ta'le yapadiñgui, nach'e ena'am da'me qom japadiñgui, qaya'te yaqanatet ta'le 'youategue:

Apocalipsis 2:18

“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Tiatira: «Da'me ami jo'ne oñiya'ña di'me Tiatira, ami janema nayi jenjo' 'yaqatac, mach'e jayem Lec'oĝot joñe'me Dios, naqayem jo'ne edetedañgui naa'me 'yae'te, ena'ama ga'me dole' lauaq, qama'le nach'e ena'ama naa'me yapia'te da'me laqaselegaĝa'j ena'am ga'me bronce qom qoyachiyoĝotaue jaga'me nec'atoĝoiqui:

Apocalipsis 2:12

“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Pérgamo: «Da'me ami jo'ne oñiya'ña di'me Pérgamo, ami janema nayi jenjo' 'yaqatac, mach'e jayem jo'ne jauana na'me yedaĝanaĝat jo'ne dos naa'me lia'a:

Apocalipsis 2:8

“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Esmirna: «Da'me ami jo'ne oñiya'ña di'me Esmirna, ami janema nayi jenjo' 'yaqatac, mach'e jayem jo'ne je'uaechiñe nataq'aen da'me naqayem jo'ne jep'ategue, naqayem jo'ne jeleu ca'li qalaĝaja nayi joote yitaĝa jec'aletaye.

Efesios 1:1

Mach'e jayem Pablo, jo'ne lamaĝajec joñe'me Jesucristo, qa'a Dios mach'e yataqata jayem ee'tec. Ami yaqaya'olqa jo'ne Éfeso laje', ami jo'ne eja yataqata ovitaue jena'me Dios lec'oqo'tepi, nataq'aen yataqata auep'iiya'a joñe'me Jesucristo, yataqata t'adaic da'me yamaic ami janema.

Apocalipsis 21:5

Chane'eja joñe'me jo'ne netañgui jañe'me je'onaĝaiqui enaac: —Piiya: male jadalaĝat yema naa'me naajo' jo'ne uo'oe. Yem qama'le jayem dojapegue', enaac: —Auedidiñe nayi naa'me naajo' 'yaqataqa, qa'a nach'enaua jo'ne yataqachiñe ejoda qama'le 'uo da'me nepe'e jo'ne chiyaqayilo.

Apocalipsis 19:9

Qama'le jayem dojapegue' joñe'me piyem le'ec, enaac: “Nayi auediñe da'me dojo': «Made'tapolqa jogaa'me jo'ne joote qoyayatenaĝanaĝaneque ga'me neualaĝayaĝaiqui jo'ne 'lonaĝaiqui joñe'me 'Naĝanaĝate Lec'oĝot.»” Yem qama'le yitaĝa jayem noqoteteneque: “Naa'me naajo' 'naqataqa jo'ne yataqachiñe ejoda daa'me 'laqataqa joñe'me Dios.”

Apocalipsis 14:13

Qama'le jomachiya ga'me nejamaĝa jo'ne chiyaqaje'ma di'me piyem jo'ne eetac: “Auediñe da'me yataqata made'tape jogaa'me yele'u jo'ne chiyoqo'tegue nayi male yele'tedot joñe'me Qadejaliaĝanec.” Qama'le 'yateguet joñe'me Dios Lepaqal, enaac: “Naq'aeta da'me dojo', qa'a male 'nomatedegue, joote yem da'me lachoĝode'j, qama'le nach'e eta't di'yo't da'me 'lonataqa jogaa'me.”

Apocalipsis 10:4

Mane'e ca'li yem da'me doje'y gaa'me siete 'loĝoyaĝaco jajo'me qajoĝonaĝa, qama'le da'me jayem te'me jetaque jediñe, qalaĝaja 'uo ga'me 'naqatac jo'ne jomachiya 'me chimaqapegue di'me piyem, jo'ne jayem enapega, eet'oi: “Ena'te auen di'yoq joda'me auomachiya jo'ne 'yaĝatetedac jaa'me siete 'loĝoyaĝaco jajo'me qajoĝonaĝa, qama'le ena'te auediñe.”

Apocalipsis 1:19

Chane'eja auediñe nayi jenjo' jo'ne auana: naa'me uo'oe nayi nataq'aen jogaa'me uo'oe qom'che.

Apocalipsis 1:8

“Naqayem jo'ne je'uaechiñe nataq'aen da'me naqayem jo'ne jep'ategue,” naq'aeta da'me 'laqatac joñe'me Jaliaĝanec Dios jo'ne qaya'te yaqalaatac, joñe'me jo'ne jalchi'ena 'uo, nataq'aen nach'e eta't da'me qo'mi ue'tajopa.

1 Timoteo 1:3

Yitaĝa am je'elopec joga'me joote am ja'aĝatem quelqaya da'me jajoyi jodi'me aleua Macedonia qama'le jenaac: “Ch'e oue'ta jo' jena'me Éfeso,” qaedi auamaĝalo'te jogaa'me jiyaĝa'u jo'ne ja yataĝalo'te, queda'me ja 'noota ta'le dapaĝaguenataĝatec joga'me ch'e lelnataĝa'j jo'ne yataqachiñe ja no'en.

Apocalipsis 1:17

Mane'e da'me jauana, qama'le jachiyaqajeguem, jouo'oto naa'me lapia'te da'me ena'am ta'le jeleu, qalaĝaja joñe'me jayem yachalegue jo'me louaq jo'ne yayaten, qama'le jayem dojapegue', enaac: “Ena'te ado'e, qa'a mach'e jayem jo'ne je'uaechiñe nataq'aen da'me naqayem jo'ne jep'ategue;

Apocalipsis 1:2

Chane'eja male jechoĝot yema da'me jo'ne jauana, nach'edaua daa'me 'laqataĝanaĝaco joñe'me Dios, jo'ne 'yaĝatetedac joñe'me Jesucristo.

1 Corintios 16:8

Qalaĝaja cha'li joue'ta jenjo' Éfeso chayovida'a yovita nolo' Pentecostés,

1 Corintios 15:32

Uo'oe gaa'me jeloquitapegue'to jo'ne Éfeso laje'pi jo'ne ena'ama gaa'me yejidipi, qalaĝaja ta'le jaldata da'me 'uo da'me dojo' ñejiyaĝauayaĝac nataq'aen ja jayem 'te qo'niyelaĝachijeguem qomle, ¿jach'e ga'me jachiyoĝotayi? Qaya. Ta'le ja eja da'me qo'niyelaĝachidijeguem dia'me jo'ne joote yele'u, qama'le ena'ama ga'me qo'enaac nale: “'Noota qom jiqui'yaqatac nataq'aen ñiyomaqatac nayi, qa'a uotaĝa qom 'yoĝoñi qama'te qadeleu.”

Hechos 20:17

Ue'ta di'me Mileto, Pablo yiyaĝanalo ga'me 'yaĝaicachidipi jo'ne p'etaqadaiquipi di'me Éfeso.

Hechos 18:24

Jaa'me jaajo' noloqo'ote yovita di'me Éfeso ñe'me judío lenaĝat Apolo, jo'ne 'lachaqa' di'me noic let'adaic lenaĝat Alejandría, jo'ne yataqachiñe yayataĝade'teguelo nataq'aen yataqachiñe yayate'n daa'me 'uaediñe nedii's joca'li.

Hechos 16:14

'Uo jaga'me lenaĝat Lidia; nach'aga jo'ne 'lachaqa' di'me Tiatira nataq'aen yemanac ga'me ualoq jo'ne yataqata no'en 'me yemalaqalegue da'me 'loyaĝac. Janjo' yauo jo'ne 'nonaĝachigui joñe'me Dios nataq'aen jo'ne naquiaĝan ca'li, joñe'me Jaliaĝanec yataqachiñe yedaĝat ca'li qama'le naquiaĝatelegue ga'me jo'ne Pablo 'yaĝatetac.

Colosenses 2:1

Chane'eja da'me jayem jetaque auayachiñe da'me yataqata jayem t'añi da'me yeloiquiaĝac yajouaĝa't da'me ami choqogaa'me Laodicea laje', nataq'aen ena'uaque jogaa'me jo'ne ja jayem 'te yateto'n.

Apocalipsis 1:20

Naa'me naajo' jo'ne ja di'yo't 'me siete uaqachiñil jo'ne auanalo da'me uetedaye jenjo' youaq jo'ne yayaten nataq'aen naa'me siete coyadaĝanaqatel jo'ne oro: jonaa'me siete uaqachiñil nach'enaua jo'ne piyem laje' 'me yelolo'te gaa'me siete tamenaĝaiqui', qama'le naa'me siete coyadaĝanaqatel jo'ne auanalo nach'enaua jo'ne siete naa'me tamenaĝaiqui'.

Apocalipsis 2:1

“Auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Éfeso: «Da'me ami jo'ne oñiya'ña di'me Éfeso, ami janema nayi jenjo' 'yaqatac, mach'e jayem jo'ne uo'oe gaa'me siete uaqachiñil uetedañgui na'me youaq jo'ne yayaten, nataq'aen da'me jouetañelo jogaa'me siete coyadaĝanaqatel jo'ne oro.

Apocalipsis 2:24

Qama'le da'me ami Tiatira laje' jo'ne ja oqui'tegue da'me dojo' napaĝaguenataĝanaĝac jo'ne ja eja, qama'le ja auovidiya'a da'me auayachiñe da'me jo'ne qoyetapega joga'me ja di'yoq jo'ne chiyaqayi joñe'me payac Satanás, ami ja'aĝatema da'me qaya'te 'uo ga'me ami jachalo'te nayi,

Apocalipsis 3:4

Qalaĝaja di'me noic Sardes, maliaĝa uo'oe jogaa'me ja lama'y jo'ne ja e'n 'te paĝachiguilo jonaa'me louo: nach'egaua jo'ne jayem quetedapegue' qomle, qama'le yatedañe jona'me louo dalaĝayaqa jo'ne pagaĝayaqa, qa'a naq'aeta da'me naloteguet.

Apocalipsis 22:10

Qama'le nach'e ena'am jayem 'yaĝatem da'me dojo': “Ena'te jetaque auoĝotetapiñe da'me napaĝaguenataĝanaĝac jo'ne joote uetalegue janjo' nede, qa'a male qoyoqo'ta ga'me nolo' da'me male yepaquichiguilo yemeda naa'me jo'ne joote qo'yaĝate'tape.

Apocalipsis 22:16

“Jayem Jesús nach'ayem jo'ne jamaq ñe'me yamaĝajec jo'ne piyem le'ec qaedi ami 'yaĝatema yema da'me dojo', da'me ami jo'ne ovitauelo gaa'me tamenaĝaiqui'. Naqayem jo'ne jachiyoĝoguet di'me David, nataq'aen da'me nach'ayem jo'ne uaqachiñi 'me edetañgui nale ne'teta.”