3 Juan 1:8 - Nuevo Testamento Toba Sombrero Negro

⁸ Qo'che' 'noota qom jeloĝogueta jogaa'me da'me qo'mi, qaedi yecochaĝalo da'me dapaĝaguenataĝatec da'me jo'ne chimaqachiñe.

Nuevo Testamento Toba Sur

⁸ Qaq ÿoqo'oyi qomi' ishit da ñachoxola't da seloxoguet namayipi da setauanaxac da l'aqtaxanaxac da i'axat da n'aqtac mayi 'eesa.

La'aqtaqa Ñim Lo'onatac 'Enauacna 2013

⁸ Qaq ỹoqo'oye qomi' iuen da setauanaq de'era lo'onataxanaxac maye ỹacoolec da ỹo'ot, qataq seloxogue namayepi.

3 Juan 1:8 Referans Kwoze

3 Juan 1:10

Qo'che', qom ami jec'atalo qama'le ami ja'aĝatema yema ga'me jo'ne yauotaque, qa'a 'yaĝatetapi'ñgui gaa'me nequejaĝaco nataq'aen gaa'me loqovinaĝanaĝaco jo'ne qo'mi e'n tayilo nale. Nataq'aen ja nach'edata da'me dojo', dite da'me ja yelo'ogueta gaa'me qadepi'iyaĝa'u jo'ne yovi't nale, nataq'aen gaa'me jo'ne jetaque yelo'ogueta qama'te ja yaje'tema, choqoda'me yamaĝadegue nale jogaa'me chiyoĝotauelo jogaa'me p'etaqadaiquipi.

Filemón 1:24

Nataq'aen lamai'j ñe'me Marcos, Aristarco, Demas choqoñe'me Lucas, jo'ne lecochita da'me 'yonataĝanaĝac.

Filemón 1:2

nataq'aen ena'uaque joga'me p'etaqadaiquipi jo'ne yema'a't nale ueda'a na'me at'achaqa', nach'e naq'aeta jaga'me qadaqaya Apia, nataq'aen ga'me Arquipo, jo'ne nach'e ena'am qadecochaĝaua queda'me qadeloiquiaĝac.

1 Ts 3:2

qama'le jamaĝajoq ñe'me Timoteo, qa'a jayatenaq da'me yataqata lalemaĝajet joñe'me Dios, nataq'aen qadecochaĝaua da'me ja'aĝataqatac da'me onaĝaic 'laqataĝanaĝac joñe'me Jesús, mach'e Cristo. Jamaĝajoq ñe'me qadaqaya qaedi male yataqata ami 'yañaĝateque chayovida'a da'me male t'añi joda'me adepi'i,

Colosenses 4:11

Nach'e ena'am ami yamaĝalo da'me lamaic ñe'me Jesús, nach'eñe qoyenaqatenec Chimaqachiñe. Naa'me naajo' judío laje' jo'ne p'etaqadayaqa, nach'enauate' jo'ne yataqachiñe jayem lecochitedapega da'me ja'aĝataqatac da'me lejaliaĝa joñe'me Dios, qama'le ena'am ta'le jayem qoloyaĝanatet da'me jayem ueteda'ajop jogaa'me.

Filipenses 4:3

Qama'le da'me am jo'ne eja yataqata am yecochaĝaua jena'me jenjo' qat'onatac, nataq'aen am ñachoĝodenot qaedi alecochiyalo naajo' yauo' jo'ne 'yonataĝanaĝa'u ca'li japaĝaguenataĝatapec da'me Dios 'laqataĝanaĝac, qama'le ueteda'ajop ñe'me Clemente nataq'aen yemeda jogaa'me yecochaĝa'u laqaya' joca'li. Yema naa'me naajo', joote qoyedidiñe gaa'me lenaqa'te jaga'me nede jo'ne uedalegue yema jogaa'me lenaqa'te jogaa'me Dios lec'oqo'tepi, nach'egaua jo'ne 'uo da'me 'loyaĝa'j dalaĝaic.

2 Corintios 8:23

Anetoviñetac queda'me Tito mach'e ñaigaĝaua, nataq'aen queda'me qadalo'ta't da'me jo'onataĝanaq qaedi ami yecochaĝalo. Anetoviñetaque gaa'me dojolqa jiyaĝa'u laqaya' jo'ne quetegue ñe'me Tito mach'e lamaĝa's gaa'me p'etaqadaiquipi jo'ne 'nonaĝachidegue ñe'me Cristo.

2 Corintios 6:1

Da'me qo'mi male je'etaq ga'me 'lonatac ñe'me Dios; qo'che' ami ñachoĝodenaqatapecoto qaedi ena'te aualajaĝañiya yema da'me loqopich'i ñe'me Dios jo'ne ami yaloĝonalo.

Lucas 11:7

¿Qo'li eetojo' da'me am 'yateguet: «Ena'te jayem aueloiquiaĝan, qa'a joote napadetaye na'me jom, naa'me yalaqa jayem ueteda'ajop jena'me yela'; ja jaqanatet ta'le joñijeguem qaedi am janem.»?

Mateo 10:40

Qom 'uo ga'me ami yaconegueta, qama'le naqayem da'me jayem yaconeguet; nataq'aen ga'me jo'ne jayem yaconeguet, qama'le nach'e ena'am yaconeguet ñe'me jo'ne jayem namaĝaquena.

Mateo 10:14

Chane'eja qom ja jetaque ami yaconegueta nataq'aen da'me ja jetaque ami naquiaĝanalo, qama'le oquiya'ae ga'me 'nachaqa' uotaĝa noic qama'le anechiyoqoyidiñe ga'me enaĝayaĝa jonaa'me adapia'chidi'.

3 Juan 1:7

Qa'a jogaa'me eque' qaedi t'onataĝadeuo'o joñe'me Jesucristo, qama'le ja yacoteguet ga'me lecochaĝa'j jogaa'me jo'ne ja p'etaqadaiquipi.

3 Juan 1:9

Ja'uo ga'me yediijec ca'li jo'ne ami jedenaqatenalo, ami jo'ne p'etaqadaiquipi, qalaĝaja Diótrefes ja yaconeguet da'me qat'aqataĝanaĝac, qa'a ñe'me 'yamaqaten da'me mach'eñe damaĝajoĝonac.