3 Juan 1:11 - Nuevo Testamento Toba Sombrero Negro

¹¹ Am yaqaya jo'ne am joqopita, ena'te auanaya'alo jogaa'me ja 'noe'n jo'ne qoyadenaĝa't nale, dite gaa'me jo'ne 'noote'. Qa'a joñe'me jo'ne ya'uo da'me 'noota, nach'eñe chiyaqayi joñe'me Dios, qalaĝaja ga'me jo'ne ya'uo ga'me ja no'en qamqa'me ja yateton joñe'me Dios.

Nuevo Testamento Toba Sur

¹¹ 'Am ñauochaxaua ÿaqaÿa, sa ishit qome da qoquegue ca qauem 'onataxac, chaqcata ca no'on. Cha'ayi cam i'ot ca ÿaÿamaqchiguiñi, camayi lalamaxat ñi Dios, qaq cam i'ot ca sa ÿaÿamaxañi, qachi sa ishit da ila'a ñi Dios.

La'aqtaqa Ñim Lo'onatac 'Enauacna 2013

¹¹ 'Am ñauochaxaua ỹaqaỹa Gayo, saishet da qoquegue da lataxac nam ỹo'ottac da qauem, chaqrata da qoquegue da no'on nataxac. Cha'aye cam ỹo'ot ca ỹaỹamaqchiguiñi, nache laỹepi nam llalaqpi Ñim Lo'onatac 'Enauacna. Qalaxaye nam ỹo'ottac da qauem, namayepi saishet da ỹauatton Ñimaye.

3 Juan 1:11 Referans Kwoze

Efesios 5:1

Chane'eja queda'me yataqata ami lec'oqo'tepi joñe'me Dios nataq'aen yataqata ami noqopitalo, qama'le 'noota qom auadenaĝachi joñe'me.

1 Pedro 3:11

Nataq'aen 'noota qom ca'ae joga'me ja no'en Qama'le ya'uo da'me 'noota, Nataq'aen da'me yelaque da'me 'nemaĝac qama'le equegue.

Juan 3:20

Chane'eja ena'uaque jogaa'me jo'ne yauote da'me ja no'en 'uo da'me louelaqataĝanaĝac ñe'me necoyadaĝanaĝat, nataq'aen da'me ja nec'adeta joñe'me qaedi ja qoyecoyadelegue da'me 'yetedac jo'ne ja no'en.

1 Pedro 3:13

¿Jach'e jogamaĝa yaqanatet ta'le ami 'naĝa't, qom nach'e eta't da'me oquitalegue da'me a'vichetac da'me 'noota?

2 Timoteo 3:10

Qalaĝaja da'me am, joote auaconegueta yemeda daa'me yapaĝaguenataĝanaĝaco, nataq'aen da'me auadenaĝat da'me 'yoyaĝac nataq'aen ga'me jetaque ja'uo nale, da'me yepi'iyaĝac, da'me ñapogaĝadenaĝac, da'me yoqopich'i nataq'aen da'me qoyen 'yañaĝac qaedi yema jalo'oguet nale.

1 Juan 2:29

Qom joote auayachiñe queda'me Jesucristo yataqata chimaqachiñe, qama'le nach'e ena'am auayachiñe queda'me ena'uaque jogaa'me yauote jodaa'me jo'ne chimadichidiñe, nach'egaua yataqata Dios lec'oqo'tolqa.

1 Ts 2:14

Ami yaqaya', ca'li 'uo ga'me adachoĝodequi male ami qoyecaa'tape chiyaqauelo ga'me at'achaqadiaĝauaipi, qama'le nach'e ena'ama uauelo ga'me netamenaĝaiqui ñe'me Dios, jo'ne mach'e loqo'te ñe'me Cristo Jesús, jo'ne neda'ña di'me Judea, jo'ne nach'e ena'ama yataqata qoyecaa'tape ca'li, qalaĝaja ja yaqa'alo joga'me yecaa'tape mach'e layi joga'me judiopi.

1 Ts 1:6

Qama'le da'me ami, yataqata oquiyegue ca'li joga'me jauoqotac mach'e qat'onataĝanaĝac, nataq'aen joga'me 'lonataĝanaĝac joñe'me Jaliaĝanec, chayovida'a da'me auacoñiyeguet ga'me 'naqatac. Qama'le auachiyoĝotedaue joga'me adamaiqui jo'ne ami yanema ñe'me Dios Lepaqal da'me chiyaqaue ga'me adachoĝodequi.

Juan 12:26

Qom 'uo ga'me jo'ne jetaque jayem t'onataĝaneuo'o, 'noota qom jayem equegue. Qama'le ga'me joue'ta da'me jayem, nach'e ena'am ue'ta ga'me jo'ne jayem lecochiya. Qom 'uo ga'me jayem lecochiya, ñe'me Taĝadena' nataq'aen 'nonaĝachichigui joga'me.

Juan 10:27

Qa'a gaa'me 'naĝanaĝatel jo'ne mach'e yelopi yateto'n naa'me mach'e 'yaqataqa qama'le nach'e ena'am da'me jayem jateto'n nataq'aen da'me jayem quetegue.

Hebreos 6:12

Chane'eja da'me ami, 'noota qom ja adouali, dite da'me auadenaĝachi' gaa'me jo'ne nach'e eta't p'iida'a joñe'me Cristo nataq'aen da'me 'nañaĝadeteguet ena'uac, qama'le yacoteguet da'me qoyen loĝo't jo'ne joote Dios yaloĝon.

1 Corintios 11:1

Oqui'teguelo gaa'me 'yonataqa jo'ne joote ami jaloĝonalo, nach'e naq'aeta da'me jeque'teguelo gaa'me 'lonataqa 'me jayem yaloĝonalo ñe'me Cristo.

1 Corintios 4:16

Qama'le ami ñachoĝodenoto queda'me oquiyegue ga'me jayem auec'achiñiyec.

Filipenses 3:17

Ami yaqaya'olqa, 'noota qom jayem auadenaĝachi, nataq'aen aueloyegueta jogaa'me jo'ne queteda'ague da'me 'noota ladic 'me joote ami japaĝaguenaĝaque.

1 Juan 3:10

Qoyayate'n jogaa'me Dios lec'oqo'tolqa nataq'aen qoyayate'n jogaa'me payac lec'oqo'te, qa'a gamachaqaega jo'ne ja ya'uo da'me 'noota, uotaĝa ja noqopita ga'me laqaya, nach'ega ja chiyoĝoguet joñe'me Dios, dite da'me chiyoĝoguet joñe'me payac.

1 Juan 4:1

Ami yaqaya'olqa, ena'te anaqapaĝañiyegueta gaa'me jo'ne ami yapaĝague'n, dite da'me cha'li auapiyeñi jogaa'me, qom eja chiyoqodayi joñe'me Dios. Qa'a uo'oe gaa'me qayoĝode' jo'ne ueda'a jena'me aleua, jo'ne qovinaĝanaĝaiquipi jo'ne enapega'ajalo 'yaĝatetedac joñe'me Dios.