2 Ts 3:15 - Nuevo Testamento Toba Sombrero Negro

¹⁵ Qalaĝaja ena'te aueñe'tem da'me adauteuai, dite da'me yataqata auapaĝagueñi, aueñe'tem ga'me adaqayaija.

Nuevo Testamento Toba Sur

¹⁵ Qalaxayi sa ishit da 'ico' qanpa'aguenaxauai. Chaqdata da ÿataqta qauqachiÿa, qoñiiteguem ca qadqaÿai.

La'aqtaqa Ñim Lo'onatac 'Enauacna 2013

¹⁵ Qalaxaye saishet da qanpa'aguenaxauai camaye. Chaqrata da ỹataqta qoñiỹapega, qaue'enaxachiitem ca qarqaỹai.

2 Ts 3:15 Referans Kwoze

Tito 3:10

Qom 'uo ga'me ja nalo'ta'ajalo q'ae'n ga'me p'etaqadaiquipi, qama'le auayatenaĝanec queda'me ya'uo ga'me ja chimaqachiñe; qom ja yaĝañi qama'le yitaĝa auayatenaĝanec. Qom maliaĝa ja am 'te yoqo'cha, qama'le ja yitaĝa auaje'tem ta'le dojapegue'to joga'me p'etaqadaiquipi.

1 Ts 5:14

Nataq'aen ami qadaqaya'olqa, yitaĝa ami jaqataĝalo da'me 'noota qom auojeyapegue'to jogaa'me choĝolaĝayaqa qaedi nach'e ena'am t'onataĝa'n, 'noota qom auañiyijeguem jogaa'me ja t'añi'y naa'me lai'li, nataq'aen alecochiiyalo jogaa'me yataqata qaya'te 'lañaĝa'j nataq'aen aneualaĝañi'ye' yema ga'me jiyaĝadipi.

1 Corintios 5:5

qaedi qoyepataĝateguet ñe'me Satanás ga'me jiyaĝaua. Chane'eja qom qonolaĝachiñe ga'me lapat qama'le ga'me lepaqal qamqa'me nec'alegue qom 'niyelaq ñe'me Jaliaĝanec.

1 Corintios 4:14

Ami jedenaqatenalo jenjo' yediijec jo'ne ami ja'aĝatema gaa'me uo'oe yataqachiñe qalache, qalaĝaja ja naq'aeta ta'le ami je'etema qaedi ma'te adepocoĝoqui, dite da'me jetaque ami jaqatalo qa'a ena'am ta'le mach'e ami yalaqa.

Gálatas 6:1

Ami yaqaya'olqa, ami jo'ne joote auajoitalegue ñe'me Dios Lepaqal. Chane'eja, qom 'uo ga'me qo'youatelegue da'me ya'uo loec, 'noota qom auedoilo'te naa'me onaĝayaqa at'aqataqadi' da'me auapaĝagueñi. Qalaĝaja achiya'aguet qaedi ja nach'e ena'am 'uo ga'me anapiyenaguequi da'me auauoyi ga'me ja no'en.

Mateo 18:15

“Qom ga'me adaqaya am 'yetec gamachaqaega ja no'en, auojapegue' ga'me qom onolec auayatenaĝanec ga'me lepatenaĝanaĝac. Qom am naquiaĝana, joote yitaĝa anaueguela't ga'me adaqaya.

2 Corintios 13:10

Ja'uo janjo' yediije jo'ne ami jedenaqatenalo qa'a yauaqa'a da'me ami jec'atalo, qaedi qom ami jec'atalo ja ami 'te jauaĝalo'te ena'am da'me ami ñejaliaĝatelo'te. Ñe'me Jaliaĝanec jayem yanem da'me qaedi ami ñaqaloĝotetedajeguem, ja naqaeda ta'le jetaque ami ñejoyidiñe.

2 Corintios 10:8

Mate mane'e jen yaguegue da'me ñi'yoĝodenaĝac da'me ja'aĝatetac da'me qadañoqotaĝanaĝac, ja jepocoĝolegue. Ñe'me Jaliaĝanec Jesucristo qo'mi yanema da'me qaedi ami jeloĝolo'te, qaedi ami yecochaĝanaĝanaĝaque da'me yataqachiñe auep'iiya'a joñe'me nataq'aen ja ami 'te japalaĝata'.

2 Ts 3:6

Ami yaqaya'olqa, yitaĝa ami jaqataĝalo, qa'a qo'mi lamaĝa's joñe'me Qadejaliaĝanec Jesucristo, 'noota qom auelodiye'ye gamachaqaega ga'me adaqayai jo'ne ja t'onataĝan, nataq'aen ga'me jo'ne ja que'tegue da'me qadapaĝaguenataĝanaĝac jo'ne ami janemaĝama ca'li.

2 Ts 3:13

Qama'le, ami yaqaya'olqa, 'noota qom yataqata ja aĝañiñi da'me a'uechetac jena'me jenjo' 'noota.