2 Ts 2:13 - Nuevo Testamento Toba Sombrero Negro

¹³ Qalaĝaja da'me qo'mi nach'e eta't janemaĝam da'me qadamaic joñe'me Dios jouaĝat da'me ami. Dios yataqata ami noqopitalo nataq'aen nach'eñe da'me ami yiyaĝanalo ca'li, qaedi ja oviyaue joga'me nachoĝodec jo'ne na'ta. Ami yiyaĝanalo ca'li en ami nayelo joñe'me Nepaqal, qaedi male ami qoye'n lalemaĝaje'te joñe'me, nataq'aen da'me auacoñiyeguet da'me 'naqatac jo'ne 'yaĝatetac da'me yataqatelegue.

Nuevo Testamento Toba Sur

¹³ Qami' qadqaÿa't, mayi qami' nauochaxa'u so qadataxala', qomi' soqolaqtot da sanaqtacot da qan'achiquiaxac ñi Dios souaxat da qoñiita, cha'ayi ñimayi qami' lca'au'alo co'ollaq saxanaqaca ana 'alhua da qami' nca'alaxatreec. Qaq de'eda nca'alaxa chigoqo'ot so Espíritu mayi chigoqchigui da qami' lalamqa'te naq'en ñi Dios, nataq'en chigaqaigui da 'eesa lataxac mayi qau'amaqchiñi.

La'aqtaqa Ñim Lo'onatac 'Enauacna 2013

¹³ Qalaxaye qomi' nache 'eetai' da sanaqtacot da qana'achecỹaxac Ñim Lo'onatac 'Enauacna souaxat da qoñiita, Ñimaye qami' ỹauoteque qataq qami' lca'agui'she, nache 'eetai' da chegoqta'ague co'ollaq saxanaqca 'enauacna yaqto' qanca'alliueeguesop de'era lhuaxanaxanaxac. Qami' lca'agui'she, ỹachegoxotchigui So Saqcha'a Na'añaxac da qami' iỹotaugalo da ỹauo'oi qami' lalamaqa'ate, cha'aye souaxat da qauacoñiiguet da no'on na'axaỹaxac.

2 Ts 2:13 Referans Kwoze

2 Timoteo 1:9

Dios joote qo'mi nec'alaĝatedegue nataq'aen nach'eñe qo'mi yiyaĝanalo qaedi jouaqauelo gaa'me lec'oqo'te jo'ne ja 'nalo'te. Jouaĝat taĝa da'me qat'onataĝanaĝac, mac joñe'me Dios nach'eñe lelnataĝac da'me dojo', qa'a joote qo'mi noqopitalo ca'li maliaĝa ja ye'et jena'me aleua, qama'le qo'mi yamaĝalo joñe'me Cristo Jesús.

1 Ts 5:9

Qa'a joñe'me Dios ja qo'mi 'te yiyaĝanalo qaedi qo'mi dalemata'yalo, dite da'me jaconaĝaguet da'me nec'alaĝa 'me chiyoqo'ot ñe'me mach'e Qadec'alaĝaiqui Jesucristo.

1 Ts 1:4

Ami yaqaya'olqa jo'ne Dios loqopitaqa'te, jayatenaq da'me naqaeñe ami yiyaĝanalo ca'li.

2 Ts 1:3

Ami yaqaya'olqa, 'noota qom yemeda naa'me naajo' noloqo'ote janemaĝam da'me qadamaic joñe'me Dios, jouaĝat da'me ami. Nach'ena jena'me jenjo' ta'le jauoqo, qa'a da'me ami male yataqata auep'iiya'a joñe'me Dios, nataq'aen da'me di'yoq yataqata anoqopich'iya't, da'me ami naqaya' onolqa'tape da'me ami.

Romanos 9:11

Qama'le ca'li maliaĝa jona'li niyidiñe jogaa'me qamaliaĝa ja yayate'n ta'le yauote gamachaqaega, uotaĝa 'noota uotaĝa ja no'en, qama'le naq'aeta da'me yiyamaĝachiñe da'me ladiquiyaĝac 'me Dios ladiquiyaĝac q'aen da'me 'uo ga'me liquiyac naloteguet ga'me jetaque ye'et, jogaa'me jo'ne jetaque yiyaĝanalo, ja yec'ate'n gaa'me 'lonataqa jo'ne joote yauote jogaa'me.

Hechos 13:48

Ga'me jo'ne ja judiopi, ca'li domachita da'me dojo' male made'tapolqa nataq'aen paja'a 'yaĝatetedac da'me 'laqataĝanaĝac ñe'me Jaliaĝanec yataqachiñe 'noota, qama'le p'iida'a ena'uaque jogaa'me jo'ne joote qoyen tachiguilo da'me 'loyaĝa'j jo'ne ja 'naidena'a qomle.

1 Juan 4:10

Qama'le naq'aeta da'me noqopich'i: yaqa'a ta'le qadoqopita joñe'me Dios, dite da'me nach'eñe jo'ne qo'mi noqopitalo, ca'li namaĝa'ña jena'me aleua joñe'me Lec'oĝot qaedi nemela't qaedi qoyalat, qaedi yemeda daa'me qadoeco male qoyapalaĝa't.

2 Ts 2:12

qaedi jogaa'me male qoye'n tadoue da'me ne'uaĝanague'j let'adaic, yema jogaa'me jo'ne ja yacoteguet da'me eja, dite da'me quetedapegue' da'me ja chimaqachiñe.

Efesios 2:8

Chane'eja ami joote qonec'alaĝatedegue, jouaĝat da'me auacoñiyeguet da'me loqopich'i ñe'me Dios. Qaya'te da'me ami 'uo ga'me eetapega dajelaĝanec da'me nec'alaĝa; ja naq'aeta, yejamaq da'me ch'e qo'mi qoyanema, ñe'me Dios yataqata qo'mi paquetapegalo.

1 Juan 4:19

Qama'le qadoqopita joñe'me Dios qalaqach'ele 'uaeñe joñe'me qo'mi noqopitalo.

Santiago 1:18

Qa'a naq'aeta da'me jo'ne mach'e lelnataĝac joñe'me, da'me qo'mi yanema da'me nec'alaĝa jo'ne chiyaqayilo naa'me 'laqataqa jo'ne ejoda, qaedi ena'am ta'le qo'mi jala jo'ne 'uaechidiñe da'me mach'e 'lonataĝanaĝac.

2 Ts 2:16

Ñe'me Dios jo'ne Qadet'a yataqata qo'mi noqopitalo chayovida'a da'me qo'mi yanema joda'me qat'añaĝac nataq'aen da'me qadeuataqataĝanaĝac jo'ne chiyoqo'ot da'me lichoĝodenataĝanaĝac joñe'me, nataq'aen joñe'me Qadec'alaĝaiqui Jesucristo,

Colosenses 1:5

Dojo' yajouaĝat da'me anaquichi'ta ga'me jo'ne jalchi'ena qoyiyamaĝatetac qaedi ami qoyanema qomle da'me oviya'ague di'me piyem, da'me jo'ne auomachiiya ca'li ami qo'yaĝatema da'me yataqatelegue jo'ne 'laqataĝanaĝac ñe'me Dios.

Gálatas 3:1

Ami Galacia laje', ¡yataqachiñe ja ami 'te damite' qaedi maqachaĝa auetadenataĝañi! ¿Jach'e jogamaĝa ami yeda'n? Naqayem joote ami janema ga'me yoqotenaĝanaĝac jo'ne yataqachiñe di'yoqo'tegue, ga'me eeta da'me leleuaĝa ñe'me Jesucristo ca'li qoyep'elegue jaga'me sodoso.

Hechos 15:9

Dios ja qo'mi 'te ye'tema da'me qaedi qo'mi yodapecache jogaa'me nataq'aen qo'mi, qa'a nach'e ena'am yoqovite' q'ae'n da'me lepe'e' naa'me lai'li.

Hebreos 1:10

Qama'le nach'e ena'am eetac: “Naqa'am jo'ne am Jaliaĝanec 'me aviyamaĝachiñe joca'li jenjo' aleua, Choqoda'me aue'et di'me piyem ca'li.

2 Timoteo 3:15

anetouetac ca'li am jaqayi, joote auayaten jaga'me Dios 'laqataqa lae't, jo'ne nach'aga am yaloĝo'tague ga'me jetaque aua'uo, nataq'aen male am yauedoue da'me nec'alaĝa jo'ne qaya'te loiquiaqa', jouaĝat da'me yataqata auep'iya'a ñe'me Cristo Jesús.

2 Timoteo 2:15

Nach'e eta't a'nañaĝat da'me a'uonataĝaneuo'o joñe'me Qadet'a, qaedi joñe'me yataqata am 'yamaqaten, da'me am onataĝanaĝaic jo'ne qaya'te adepocoĝoc, jo'ne yataqata auapaĝaguenataĝanec da'me lajoĝoc da'me eja.

2 Ts 2:10

T'onataĝana yema gaa'me letaĝaloĝoco qaedi yoqovi'n jena'me jiyaĝadipi jo'ne uetedaue da'me lejomaĝa'j, nach'egaua jo'ne yataqata ja 'yamaqate'n da'me eja, ja yacoteguet ca'li jena'me jenjo' 'naqataĝanaĝac jo'ne chiyoqo'ot joñe'me Jesucristo 'me nec'alaĝa.

Romanos 8:33

¿Jach'e ga'me yaqanatet da'me yepoleguelo'te jogaa'me Dios liquiyaqapi queda'me Dios nach'eñe e'n yataqatelo'te jogaa'me?

Romanos 6:17

Qalaĝaja yamaic janem ñe'me Dios yajouaĝat da'me ami, ca'li ami lelataqa daa'me adoecodi', nayi naa'me adai'lidi' yoqochideta da'me 'loyaĝac da'me napaĝaguenataĝanaĝac 'me auacoñiyeguet.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Juan 1:1

Da'me 'uaechiñe joca'li, joote 'uo ñe'me jo'ne 'naqatac; nataq'aen ñe'me jo'ne 'naqatac joote ne'tajop joñe'me Dios, nataq'aen da'me nach'eñe joñe'me Dios.

Lucas 1:75

Qaedi yataqachiñe jenaĝa ja 'nalo'te gaa'me qat'onataqa nataq'aen qo'mi chimadichidiñe Da'me ñauegaĝala't da'me qo'mi uetauelo, da'me cha'li 'uo da'me qanejiyaĝauayaĝac.

Colosenses 3:12

Dios ami noqopitalo, nataq'aen ami yatetelo'te qaedi ovitauelo joga'me c'oqo'tepi joñe'me. Chane'eja anaviquila't da'me qaedi ami choĝodenataĝanaĝayaqa, nataq'aen ami qopitaĝanaqataqayaqa nataq'aen ami pogaĝadenaĝayaqa. Ena'te ami 'yoĝodenaĝayaqa, uotaĝa ta'le ami co'yaqayaqa.

1 Corintios 1:21

Dios yauanalo ga'me aleua laje'pi queda'me ja yacota da'me mach'e layatenaĝanaĝa'j qaedi yateto'n joñe'me, chane'eja ñe'me jetaque t'onataĝana da'me qat'aqataĝanaĝac jo'ne ena'am ta'le chiyoĝojoĝoc qaedi nec'aledegue gaa'me jo'ne p'iida'a.

1 Ts 2:12

Qama'le ga'me qadet'ayaĝac 'noota ta'le yataqata ami ejoda auauoyi ga'me yataqata qoyiyamaĝaden ga'me yataqata Dios lec'oqo'te joga, jo'ne nach'egaua male yaqanate't da'me uedaue ga'me lejaliaqa' jo'ne yataqata ja 'nalegue nataq'aen da'me qaya'te loiquiaqa' da'me qo'nonaĝachigui.

1 Ts 4:7

Qa'a auayachiñe joñe'me Qadet'a qo'mi yiyaĝanalo qaedi yataqata ja 'nalegue da'me qat'oyaĝac. Chane'eja ena'te oquiyegue joga'me yataqata ja no'en.