2 Ts 1:9 - Nuevo Testamento Toba Sombrero Negro

⁹ Nataq'aen male yataqata qoyapalaĝa't jo' qomle, nataq'aen da'me qoyiyota'alo, yataqata ja yaqanate't ta'le ueteda'ajop joñe'me Jaliaĝanec, uotaĝa ta'le yauata da'me 'lonaĝac choqoda'me lañoqotaĝanaĝac t'adaic.

Nuevo Testamento Toba Sur

⁹ Namayipi ÿataqta saq llalcolec da nhuaxanaguec lta'adaic mayi chochi tateec qanqoÿin, qataq qaimaqhuec, ÿataqta qaÿoqteuga qanqoÿin da yaqto' sa ilogui da lli'oxoyic qataq da l'añaxac so qadataxala',

La'aqtaqa Ñim Lo'onatac 'Enauacna 2013

⁹ Namayepi ỹataqta saq llalcolec ca nhuaxanaguec maye choche tatec, qataq qaimaqauec, ỹataqta qaỹoqteuga qanqoỹen da yaqto' sa ỹalegueua'a da llo'oxoyec qataq da la'añaxac So Qarataxala'.

2 Ts 1:9 Referans Kwoze

Mateo 25:41

“Chane'eja nach'e ena'am jenapegalo qomle gaa'me jo'ne neteda'ague jena'me 'ñemaq: «¡Jayem oquiya'ae! Ami jo'ne ja ami 'te qoyichoĝode'n nayi, auec'achiya di'me dole' jo'ne ja 'naidena'a 'me ami qoyaqataĝat'agueta ñe'me payac nataq'aen jogaa'me lamaĝa's jo'ne piyem laje'.

2 Ts 2:8

Chane'eja qom male qaya ñe'me 'nelaĝatetañe, qama'le yataqata di'yoq joñe'me jo'ne yataqata ja no'en. Qalaĝaja joñe'me Qadejaliaĝanec Jesús yapalaĝat qomle, yalatec na'me layat jo'ne na'ya na'me nedegaĝat da'me yepetetot ga'me, nataq'aen qom di'yoq da'me 'lonaĝac joñe'me Jesús ena'am ta'le qonolaĝachiñe joñe'me jo'ne ja no'en.

Mateo 25:46

Da'me ami, auec'achiya ga'me ane'uaĝanaguequi 'me ja 'naidena'a, qalaĝaja gaa'me joĝodayaqa lai'li qamqa'me yec'adeta da'me 'noyaĝac jo'ne ja 'naidena'a.»”

Apocalipsis 21:8

Qalaĝaja jogaa'me jo'ne qolanaqaiquipi choqoga'me qoleguetaĝanaĝaiquipi, nataq'aen gaa'me jo'ne qodaqaequeda'a, choqoga'me lataĝanaĝaiquipi nach'e ena'am da'me quejeguetaĝaiquipi nataq'aen gaa'me jo'ne yeda'n gaa'me laqaya', choqogaa'me jo'ne netametot nale ga'me nequi'i, choqoga'me ena'uac joga'me pecaiquipi, yema jogaa'me yovidedeta qomle da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

Filipenses 3:19

Da'me dojo' jiyaĝadipi male ta'teda di'me 'lachaqa' joñe'me payac, nach'edata da'me liqui'yaĝac jo'ne uenateteda'a, qama'le yataqata ni'yoĝodetedapiye da'me ja no'en jo'ne mach'e 'lonataĝanaĝa'j, qa'a yataqata qaya'te lepocoĝo, qama'le yemeda'a da'me ja no'en jo'ne uapi'ña jena'me aleua.

Mateo 16:27

Qa'a jayem jo'ne yataqachiñe jayem Jiyaĝaua Lec'oĝot, qom ñovi' qama'le jayem ue'tajop da'me 'lonaĝa ñe'me Taĝadena' choqoga'me lamaĝa'spi jo'ne piyem laje'pi, qama'le jen nalo'taguet ga'me mach'e 'yetetac onolqa'tape ga'me jiyaĝadipi da'me jejeten.

Mateo 7:23

Qalaĝaja ami ja'ategueta qomle: «Qaya'te ua'a ta'le ami jateto'n. ¡Jayem oquiya'e, da'me ami jo'ne yataqata a'vichetac nale da'me ja no'en!»

Apocalipsis 20:14

Yem da'me dojo', qama'le joñe'me lejaliaĝanec da'me neleuaĝa chaqañe'me necoñetaĝanaĝaiqui' ga'me napa'lpi male nach'e ena'ama da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

2 Pedro 3:7

Qalaĝaja di'me piyem nataq'aen jenjo' aleua jo'ne cha'li 'uo nayi, joote qoyeuataqateta'aguet ga'me dole' qa'a nach'eñe ñe'me Dios da'me damaĝajoĝolegue ga'me dole' en yavic, qom yovita ga'me nolo' qom ya'uo da'me lec'atenaĝanaĝac qama'le qoyala't jogaa'me qaleuaĝayaqa.

Lucas 13:27

Qalaĝaja joñe'me ami 'yategueta: «Negue't ja jayaten ga'me auachiyoqoya'ague. ¡Jayem oquiya'e, ami jo'ne ja 'noe'n da'me at'onataqadi'!»

Mateo 22:13

Chane'eja ñe'me jaliaĝanec enapegalo gaa'me jo'ne yelodelegue ga'me niqui'yaĝala': «Auecoñidiye' naa'me lapia'te nataq'aen naa'me loua' qama'le auajaqayi'ya ga'me p'aye 'me 'naltapiye. Ua'a da'me noyenaĝac nataq'aen lachoĝodec.»

Apocalipsis 20:11

Nataq'aen jauana jaga'me je'onaĝaiqui lat'edai jo'ne pagaĝai choqoñe'me jo'ne netañgui. Mane'e ca'li naloĝola't joñe'me, qama'le jena'me aleua choqodi'me piyem male nelagaĝa'tape, qama'le nalo'ta't da'me yapalaĝat, ja yitaĝa ta'le qoyauanalo.

Judas 1:13

Nach'egaua ena'ama gaa'me lepa' let'al ga'me noĝop, qa'a ena'am ta'le ya'uo 'lali nale, nach'egaua 'lonataĝanaĝaco jo'ne ja nepocoĝolo'te. Nataq'aen ena'ama ga'me uaqachiñipi jo'ne yejomateda'ague ga'me dajotegue, qa'a queda'e da'me yoqochiñe jo'ne 'laqatac joñe'me Dios, qama'le qoyecoñe't qaedi tadoue ga'me jo'ne ja 'naidena'a 'me yataqachiñe yeda'at jo'ne 'lalaĝa.

Hebreos 10:29

Qama'le nayi, ¿qo'li ja yaguegue ga'me ne'uaĝanague'j qoyen jogaa'me jo'ne 'yota'n ñe'me Dios Lec'oĝot? Qa'a nach'egaua gaa'me jo'ne ja 'yamaqate'n jaga'me letauo' joñe'me, nach'aga jaga'me letauo' jo'ne naliñi qoyen joca'li qaedi en yepaquichigui da'me 'namaqatenataĝanaĝac dalaĝaic, qama'le en qoyapalaĝa't gaa'me qadoeco. Nach'e ena'am jogaa'me ye'uetedac ñe'me Dios Lepaqal jo'ne qo'mi yichoĝode'tape.

Tito 2:13

'Noota qom naq'aeta da'me jauoqo qa'a 'uo da'me qadajoĝonataĝanaĝac ga'me 'uo qomle jo'ne qo'mi e'n made'tapolqa: qom male qoyaloĝon da'me 'lonaĝac joñe'me Jesucristo qom 'niyelaq, nach'eñe jo'ne mach'e Qanedios p'ajaye nataq'aen mach'e Qadec'alaĝaiqui.

Apocalipsis 22:15

Qalaĝaja joga'me p'aye nach'ega jo'ne ueteda'a jogaa'me jo'ne jomayaqa, nach'egaua jo'ne yeda'n gaa'me laqaya', choqogaa'me jo'ne 'yetetedac da'me nequejeguetaĝa, qama'le nach'e ena'ama jogaa'me lataĝanaĝayaqa nataq'aen jogaa'me p'iya'alo jogaa'me ch'e nequi'il nataq'aen jogaa'me noqopideta da'me napaĝagueteguet da'me noqovinaĝanaĝac.

2 Pedro 2:17

Naajo' paĝaguenataĝanaĝayaqa ena'am jaga'me nejede jo'ne qaya'te noĝop ta'le le'ec, nataq'aen da'me ena'am ga'me piyem lo'oc jo'ne layat layonatac. Chane'eja 'uo qomle da'me laviyaĝajet, da'me qoyen yec'adeta ga'me 'lalaĝa let'adaic jo'ne qaya'te loiquiaqa'.

1 Ts 5:3

Qa'a jena'me jiyaĝadipi enaac jo' qomle: “Yataqata qo'mi 'noote', chayovida'a da'me qo'mi machidiñe,” qama'te paja'a da'me 'uo ga'me ne'uaĝanague'j let'adaic jo'ne yedalo'te jogaa'me, ga'me layaliaĝa'j ena'am jaga'me yauo nale c'oe, yataqata co'yaq nale maliaĝa dayaletac, qama'le yataqata qaya'te yaĝan.

Juan 5:14

Ca'li yem da'me dojo', male Jesús yauana da'me ue'ta ga'me tamenaĝaiqui, qama'le enaac: —Pega, nayi da'me male ademegue; ena'te yitaĝa aua'uo ga'me adoec jo'ne ja no'en, qaedi ja aue qomle ga'me adachoĝodec jo'ne lama'aja.

Mateo 26:24

Jayem jo'ne yataqachiñe Jiyaĝaua Lec'oĝot jequegue da'me jo'ne joote qoyediñe jo'ne jayem 'yaĝate'taguet. Qalaĝaja, ¡degueja qomle ga'me lachoĝodec ñe'me jo'ne jayem p'alegue! ¡Naitoqo' ja niyiñe joca'li joñe'me!

Mateo 24:30

Chane'eja qom male di'yoq ga'me 'yanec jo'ne yataqachiñe ualegue di'me piyem, qama'le yema ga'me jiyaĝadipi jo'ne aleua laje'pi male ye'uaĝalo'te naa'me letoguel, qom yauata da'me japetalegue ga'me piyem lo'oc da'me ñovi', da'me 'uo da'me yañoqotaĝanaĝac nataq'aen da'me 'yonaĝac let'adaic.