2 Ts 1:8 - Nuevo Testamento Toba Sombrero Negro

⁸ Qama'le 'uo qomle ga'me 'yeteque jogaa'me jo'ne ja yoqochideta ñe'me Qadet'a choqogaa'me jo'ne ja yacoteguet da'me 'naqataĝanaĝac 'me 'yaĝatetac ñe'me Qadejaliaĝanec Jesucristo.

Nuevo Testamento Toba Sur

⁸ Anaga da ÿauo'o da nhuaxanaguec na sa ÿoqocha'a ñi Dios qataq sa ÿalaxalec da no'on qad'axaÿaxac mayi n'aqtaguec so qadataxala' Jesucristo.

La'aqtaqa Ñim Lo'onatac 'Enauacna 2013

⁸ Anaga da ỹauo'o ca nhuaxanaguec na saq qocha'a da na'aqtaxanaxac qataq sa ỹa'amaqten.

2 Ts 1:8 Referans Kwoze

1 Pedro 4:17

Nayi male yovita da'me laloqo' da'me 'uo da'me nec'atenague'j jogaa'me jo'ne mach'e lec'oqo'tepi joñe'me Dios. Qama'le naq'aeta da'me male 'uo da'me qanec'atenaguec da'me qo'mi, qama'te ¿jach'e jogamaĝa eeta da'me loiquiaqa't jogaa'me ja yoqochideta na'me 'laqataĝanaĝac joñe'me Dios?

2 Pedro 3:7

Qalaĝaja di'me piyem nataq'aen jenjo' aleua jo'ne cha'li 'uo nayi, joote qoyeuataqateta'aguet ga'me dole' qa'a nach'eñe ñe'me Dios da'me damaĝajoĝolegue ga'me dole' en yavic, qom yovita ga'me nolo' qom ya'uo da'me lec'atenaĝanaĝac qama'le qoyala't jogaa'me qaleuaĝayaqa.

Hebreos 10:27

Ta'le naq'aeta qama'le nach'edata da'me jeuataqataque ga'me nec'atenaĝanaĝac jo'ne qo'mi na'talo 'me qaya'te ena'am da'me lichic, nach'ega ga'me dole' jo'ne yataqata let'adaic 'me yigouelo qomle ga'me laute'upi joñe'me Dios.

Hebreos 10:30

Da'me qo'mi jayatenaq da'me nach'eñe ñe'me Jaliaĝanec jo'ne eetac ca'li: “Naqayem jo'ne ja'uo da'me ne'uaĝanague'j gaa'me jiyaĝa'u, nach'e ena'am da'me 'uo ga'me je'eteque.” Nataq'aen enaac: “Jec'ate'n qomle jogaa'me noyaqa jo'ne mach'e yalaqapi.”

Hebreos 2:3

Qama'le nayi, ¿teua'atoqo' qo'mi yaĝa'n ga'me qane'uaĝanaguec, qom ja qadetela da'me nec'alaĝa let'adaic? Qa'a nach'eñe joñe'me Jaliaĝanec jo'ne 'uaechiñe da'me 'yaĝatetac da'me dojo' nec'alaĝa, qama'le jogaa'me jo'ne joote domachita da'me 'naqatac male qo'mi yaloĝonalo da'me naqaeda da'me jo'ne eja.

Gálatas 4:8

Ca'li jona'li auatetoñi ñe'me Dios, qamaliaĝa ami lelataqa jogaa'me qop'iyapegalo jo'ne ja ejoda.

Romanos 6:16

Ami yataqachiñe auayachiñe mañaĝa queda'me ta'le animiñiyoue da'me anelataguequi qaedi auoqochiiya ga'me adadipai, qama'le ami lelataqa ga'me nadipa jo'ne auoqochiiya. Qama'le da'me dojo' naq'aeta, ta'le auoqochiiyalo gaa'me adoecodi' 'me ami yauequeteda'ague da'me adeleuaqai, ena'am da'me auoqochiiya ñe'me Dios qaedi oviyaue da'me yataqatelegue da'me adec'alitaye.

Mateo 25:41

“Chane'eja nach'e ena'am jenapegalo qomle gaa'me jo'ne neteda'ague jena'me 'ñemaq: «¡Jayem oquiya'ae! Ami jo'ne ja ami 'te qoyichoĝode'n nayi, auec'achiya di'me dole' jo'ne ja 'naidena'a 'me ami qoyaqataĝat'agueta ñe'me payac nataq'aen jogaa'me lamaĝa's jo'ne piyem laje'.

Apocalipsis 20:10

Yem da'me dojo' qama'le joñe'me payac jo'ne yoqovi'n ena'uac joga'me jiyaĝadipi male nach'e ena'am da'me qoyajaĝañgui jaga'me limaĝañi jo'ne uetañgui joga'me dole' let'adaic, di'me jo'ne nach'e ena'am ua'ña da'me qoyajaĝa'ña joca'li joñe'me jiyac polio' choqoñe'me jiyaĝaua jo'ne ja eja da'me lapaĝaguenataĝanaĝac. Qama'le ua'ña da'me 'uo da'me lachoĝode'j yemeda naa'me pi'yaĝadi choqonaa'me noloqo'ote, qaya'te loiquiaqa'.

Hebreos 12:29

Qa'a joñe'me mach'e Qanedios nach'eñe jo'ne ena'am ta'le dole' da'me en yema datochiñe.

Apocalipsis 21:8

Qalaĝaja jogaa'me jo'ne qolanaqaiquipi choqoga'me qoleguetaĝanaĝaiquipi, nataq'aen gaa'me jo'ne qodaqaequeda'a, choqoga'me lataĝanaĝaiquipi nach'e ena'am da'me quejeguetaĝaiquipi nataq'aen gaa'me jo'ne yeda'n gaa'me laqaya', choqogaa'me jo'ne netametot nale ga'me nequi'i, choqoga'me ena'uac joga'me pecaiquipi, yema jogaa'me yovidedeta qomle da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

Apocalipsis 6:10

Qama'le nete'n da'me yauote da'me 'laqata'j: “Am Qadejaliaĝanec jo'ne am ja 'nalegue nataq'aen am jo'ne am yataqatelegue, ¿jach'e ga'me quejetelegue da'me yovita ga'me laloqo' da'me auec'ate'n ga'me jiyaĝadipi jo'ne uetedalegue jena'me aleua qaedi qo'mi 'viyelaĝaque da'me qadeleuaĝa?”

1 Ts 4:5

'Noota qom ch'e aualajaĝañi jena'me jenjo' jo'ne yataqata ja no'en; ena'te auadenaĝachi' jogaa'me jiyaĝa'u jo'ne yataqata ja yateto'n joñe'me Dios.

Romanos 1:28

Qa'a queda'me ja jetaque yatetoteguet ñe'me Dios, joñe'me yegue'm jogaa'me yemegueta gaa'me jomayaqa lelnataĝaco, qaedi ye't ga'me jo'ne yepaquetedapega.

Hechos 6:7

Joda'me 'laqataĝanaĝac ñe'me Dios nichiquetaye da'me qo'yaĝatetac, qama'le ga'me p'etaqadaiquipi jo'ne Jerusalén laje'pi jalcote da'me nichiquetaye, chayovida'alo qayoĝode' ga'me judiopi tamenaĝaiqui lo'olpi yacoteguet da'me 'naqataĝanaĝac.

Juan 3:19

Joote 'uo da'me ne'uaĝanague'j qa'a yauo'oe jogaa'me jo'ne ja 'noe'n, qama'le ca'li novi' ñe'me necoyadaĝanaĝat jo'ne nec'achi'ña jena'me aleua qama'le gaa'me jiyaĝadipi ja yec'adeta joñe'me qa'a noqopideta da'me 'lalaĝa, ja noqopideta da'me 'yoqochiñe.

Mateo 25:46

Da'me ami, auec'achiya ga'me ane'uaĝanaguequi 'me ja 'naidena'a, qalaĝaja gaa'me joĝodayaqa lai'li qamqa'me yec'adeta da'me 'noyaĝac jo'ne ja 'naidena'a.»”

1 Pedro 3:6

Qama'le naq'aeta da'me eeta joca'li jañe'me Sara, da'me yoqocha'a ñe'me Abraham nataq'aen da'me 'nonaĝachigui qama'le da'me yiyaĝana qama'le eet'oi: “Am yejaliaĝanec.” Qama'le nayi ena'am ta'le auovidi'iyaguet da'me ami lec'oqotelpi jadi'me Sara, qom auauoyi da'me chimaqachiñe nataq'aen da'me qaya'te ta'le at'oiya'aguet.

1 Pedro 1:2

Da'me ami jalchi'ena da'me ami liquiyaqa joñe'me Qadet'a Dios qa'a naq'aeta da'me lelnataĝac joca'li, qama'le ñe'me Lepaqal en ami ja 'nalo'te qaedi auoqochiiya joñe'me nataq'aen da'me joote qoyapalaĝa't gaa'me adoecodi' yajouaĝat da'me naliñi q'aen jaga'me letauo' joñe'me Jesucristo ca'li yeleu. Auacoñiyeguet da'me anichoĝodenataguequi 'me chiyoqo'ot joñe'me Dios nataq'aen da'me at'emaĝaqui.

Hebreos 11:8

Ñe'me Abraham yataqata p'iya'a ñe'me Dios joca'li yiyaĝana, qama'le paja'a da'me yoqo'cha. Ec, dajoyi ga'me aleua jo'ne qoyanem qaedi en loĝot, qama'le ca'ae ga'me aleua jo'ne mach'e 'lachaqa', da'me ja yayaten ga'me dajoyi joca'li.

Hebreos 5:9

Qama'le ja yaĝañi da'me yataqata yoqo'cha joñe'me Dios, chayovida'a da'me yovita da'me laloqo' da'me qoyalat. Chane'eja nach'eñe joñe'me jo'ne yovida'a q'aen da'me male qoyen ladic da'me qonec'alaĝatedegue yema jogaa'me jo'ne yoqochideta joñe'me, da'me nec'alaĝa jo'ne qaya'te loiquiaqa'.

Gálatas 3:1

Ami Galacia laje', ¡yataqachiñe ja ami 'te damite' qaedi maqachaĝa auetadenataĝañi! ¿Jach'e jogamaĝa ami yeda'n? Naqayem joote ami janema ga'me yoqotenaĝanaĝac jo'ne yataqachiñe di'yoqo'tegue, ga'me eeta da'me leleuaĝa ñe'me Jesucristo ca'li qoyep'elegue jaga'me sodoso.

2 Corintios 10:5

nataq'aen yema 'yoĝodenaĝaco jo'ne jetaque nauateguet da'me qaedi qoyateton ñe'me Dios. Dojo' nañoqotaĝanaĝac jedoĝolo'te gaa'me loeco lo'olpi qaedi 'yemaĝadiñe yaĝadegue gaa'me lelnataĝaco jo'ne toye's qama'le yoqochideta ñe'me Cristo.

1 Corintios 15:34

Ami, jalcote 'noota ta'le a'viyelaqaiya da'me onaĝaic adadiqui nataq'aen ja yitaĝa auauoyi adoequi, queda'me uo'oe gaa'me ami uetauelo 'me maliaĝa ja yateto'n ñe'me Dios. Jenaac da'me dojo' qaedi 'uo da'me adepocoĝoqui.

Romanos 16:26

Qalaĝaja nayi chiyoqotelo'te naa'me ledii's dia'me Dios 'laqataĝanaĝanaqa da'me qoyajeta da'me qoyaloĝon, naq'aeta da'me lamaĝajoĝonaĝac ñe'me Dios 'me ja 'naidena'a. Dojo' ja di'yoq 'me 'yaeñi ñe'me Dios male qoyatetonaĝaneque ena'uaque gaa'me ale'u lael, qaedi p'iida'a nataq'aen yoqochideta.

Romanos 15:18

qa'a ja ch'e yichicalegue da'me gamachaqaega ja'aĝatetac, dite da'me Cristo jayem yanem 'me jayem ch'e na'ya q'aen, qaedi ga'me ja judiopi yaqanate't da'me yoqochideta ñe'me Dios. Jauo'oe daa'me 'yaqataqa choqodaa'me 'yonataqa 'me di'yo't da'me je'et da'me dojo'.

Romanos 10:16

Qalaĝaja ja ena'uaque yacoteguet da'me onaĝaic 'naqataĝanaĝac. Ena'am da'me Isaías 'yaĝatetac: “Jaliaĝanec, ¿jach'e ga'me 'yamaqaten da'me domachiya ga'me qat'aqataĝanaĝac?”

Romanos 1:5

Chiyaqayi ñe'me Jesucristo jaconeguet da'me jayem qoyeyala'ac da'me jayem namaĝajec, jayem qoyanec da'me jo'onataĝaneuo'o, qaedi yema jena'me aleua uo'oe gaa'me p'iida'a joñe'me nataq'aen yoqochideta.

Juan 8:19

Qama'le qoyenatec: —¿Jach'e ga'me ue'ta ga'me adet'a? Jesús male 'yategueta: —Da'me ami ja jayem 'te auatetoñi, nach'e ena'am ja auatetoñi ñe'me Taĝadena'; ta'le jayem auatetoñi qama'le nach'e ena'am auatetoñi ñe'me Taĝadena'.

Judas 1:7

Nataq'aen anetoviñetac di'me noic jo'ne Sodoma nataq'aen di'me Gomorra choqogaa'me noyaqa laqaya' jo'ne leje'gue joca'li. Ena'ama jaajo' piyem laje', nach'egaua gaa'me noyaqa male qoye'n naloqotenaĝanaĝaiqui, yajouaĝat da'me nemedoue da'me nequejeguetaĝa, queda'me najetedoue daa'me namaĝanaĝaco jo'ne ja yauaqa'aguet da'me jo'ne mach'e 'loyaĝa'j qoyen. Chane'eja ñe'me Dios ye'uaĝa'n jogaa'me, qama'le male uetedoue da'me lachoĝode'j jo'ne dole' 'me qaya'te loiquiaqa'.