2 Ts 1:7 - Nuevo Testamento Toba Sombrero Negro

⁷ Qama'le ami yichoĝode'n qomle, da'me ami jo'ne 'uo da'me adachoĝodequi nayi, qaedi qadalo'ta't da'me qo'mi yichoĝode'n, qom yovita ga'me nolo' da'me yitaĝa 'niyelaq joñe'me Qadejaliaĝanec Jesús chiyaqa'ague jodi'me piyem, da'me naquetaue joga'me ena'am ta'le dole' lauaq, nataq'aen naequetedapegue' jogaa'me piyem laje' jo'ne yataqata p'ajodaye.

Nuevo Testamento Toba Sur

⁷ qataq da qami' nmataxanaxaneeguesopa qome na qanque'ejnaxaqui, nataq'en qomi', que'eca na'a'q qom ñi'iguelaq so qadataxala' Jesús, chigoqo'ot na piguem da nachaxan, nactaigui na 'ico' l'edaxa na nodec qataq na chigaqshiguem Dios lamaxashicpi mayi 'añaxaicpi.

La'aqtaqa Ñim Lo'onatac 'Enauacna 2013

⁷ Qaq So Qarataxala' Jesús, qom ñe'eguelaq chegoqtot na piguem, nactaigui na le'eraxa ca norec qataq nnaictague' ca 'añaxaicpi lamaxashecpi piguem le'ecpi. Nache Ñim Lo'onatac 'Enauacna qami' ỹanema ca qaramaicỹaxaqui 'eeta'am da 'eetec naqa'en da shenaqta.

2 Ts 1:7 Referans Kwoze

Apocalipsis 14:13

Qama'le jomachiya ga'me nejamaĝa jo'ne chiyaqaje'ma di'me piyem jo'ne eetac: “Auediñe da'me yataqata made'tape jogaa'me yele'u jo'ne chiyoqo'tegue nayi male yele'tedot joñe'me Qadejaliaĝanec.” Qama'le 'yateguet joñe'me Dios Lepaqal, enaac: “Naq'aeta da'me dojo', qa'a male 'nomatedegue, joote yem da'me lachoĝode'j, qama'le nach'e eta't di'yo't da'me 'lonataqa jogaa'me.”

Mateo 16:27

Qa'a jayem jo'ne yataqachiñe jayem Jiyaĝaua Lec'oĝot, qom ñovi' qama'le jayem ue'tajop da'me 'lonaĝa ñe'me Taĝadena' choqoga'me lamaĝa'spi jo'ne piyem laje'pi, qama'le jen nalo'taguet ga'me mach'e 'yetetac onolqa'tape ga'me jiyaĝadipi da'me jejeten.

Apocalipsis 22:16

“Jayem Jesús nach'ayem jo'ne jamaq ñe'me yamaĝajec jo'ne piyem le'ec qaedi ami 'yaĝatema yema da'me dojo', da'me ami jo'ne ovitauelo gaa'me tamenaĝaiqui'. Naqayem jo'ne jachiyoĝoguet di'me David, nataq'aen da'me nach'ayem jo'ne uaqachiñi 'me edetañgui nale ne'teta.”

Tito 2:13

'Noota qom naq'aeta da'me jauoqo qa'a 'uo da'me qadajoĝonataĝanaĝac ga'me 'uo qomle jo'ne qo'mi e'n made'tapolqa: qom male qoyaloĝon da'me 'lonaĝac joñe'me Jesucristo qom 'niyelaq, nach'eñe jo'ne mach'e Qanedios p'ajaye nataq'aen mach'e Qadec'alaĝaiqui.

2 Corintios 4:17

'Uo ga'me qalaqa't jo'ne qo'mi 'uaĝayeta nale qalaĝaja nach'enaua uo'oe jo'ne ja let'adayaqa, nataq'aen ja nale'en uo'oe jogaa'me. Ena'am ta'le qadamaic janemaĝam joga'me qa'a Dios qo'mi e'n najaqachiguilo da'me 'lonaĝac jo'ne ja yitaĝa yem nale'en 'uo: 'lonaĝac jo'ne yataqachiñe let'adaic nataq'aen onaĝaic.

Apocalipsis 21:4

Qama'le joñe'me yiyo'y yema naa'me lachi'y ga'me jiyaĝadipi. Ja yitaĝa ta'le 'uo da'me yeleu ga'me jiyaĝaua, uotaĝa ta'le 'uo joga'me noyetac. Male qaya'te lachoĝode'j, nach'e ena'am da'me qaya'te layaliaĝa'j, qa'a ena'uaque jogaa'me 'uaechidiñe, nayi male ja yitaĝa ta'le uo'oe.

Romanos 8:17

Qama'le queda'me joote qo'mi lec'oqo'tolqa, nach'e ena'am jaconaĝaguet qomle ga'me yaqataĝañi ca'li ñe'me Dios 'me 'yaĝatetac, nach'eda da'me ñetauanaqa'uo ñe'me Cristo qom eja jaconaĝaguet da'me qadachoĝodec qa'a jouaĝat joñe'me qaedi qom'te jouaqa'tajop joñe'me da'me 'lonaĝac.

Lucas 17:30

Nach'e naq'aeta qom'te ga'me nolo' jo'ne jayem di'yo'quena, mach'e jayem Jiyaĝaua Lec'oĝot.

Mateo 25:31

“Da'me jayem jo'ne jayem Jiyaĝaua Lec'oĝot nataq'aen jayem Jaliaĝanec, qom 'ñiyelaq qama'le nachetac da'me yi'yoĝodic, nataq'aen ena'uaque jogaa'me yamaĝa's jo'ne piyem laje' jayem naequetedapegue', qama'le jonañgui jaga'me yejaliaĝaiqui jo'ne p'ajaye da'me li'yoĝodic.

Apocalipsis 22:9

Qalaĝaja male jayem enapega: “Ena'te aua'uo da'me dojo', qa'a ch'e jayem lalemaĝajet joñe'me Dios, qama'le am jena'am, nach'e ena'ama di'me adaqaya' jo'ne Dios 'laqataĝanaĝanaqa nataq'aen ena'uaque jogaa'me jo'ne yoqocha'alo naa'me 'naqataqa 'me uetedalegue janjo' nede. Nach'edata da'me a'nonaĝachigui joñe'me Dios.”

Apocalipsis 22:6

Qama'le joñe'me piyem le'ec jayem dojapegue', enaac: “Naa'me naajo' 'naqataqa nach'enaua jo'ne ejoda nataq'aen da'me chiyaqayilo da'me nepe'e, qa'a joñe'me Jaliaĝanec Dios jo'ne yanema ca'li ñe'me Lepaqal dia'me 'laqataĝanaĝanaqa, nach'eñe jo'ne yamaĝalo nayi ñe'me mach'e lamaĝajec jo'ne piyem le'ec, qaedi yayatenaĝanaĝaneque jogaa'me uo'oe gaa'me jo'ne mach'e lalemaĝaje'te, queda'me paja'a da'me uo'oe qomle jogaa'me di'yo't.”

Apocalipsis 20:11

Nataq'aen jauana jaga'me je'onaĝaiqui lat'edai jo'ne pagaĝai choqoñe'me jo'ne netañgui. Mane'e ca'li naloĝola't joñe'me, qama'le jena'me aleua choqodi'me piyem male nelagaĝa'tape, qama'le nalo'ta't da'me yapalaĝat, ja yitaĝa ta'le qoyauanalo.

Apocalipsis 1:7

¡A'vicheta't! ¡Cristo na'taquena qomle da'me nalegue ga'me piyem lo'oc! Qama'le yema ga'me jiyaĝadipi male yauata, Chayovida'alo jogaa'me nalatoqo't nach'e ena'am da'me yauata joñe'me; Qama'le yema joga'me jiyaĝadipi jo'ne uedalegue jena'me aleua male 'uo da'me lachoĝode'j yajouaĝat joñe'me. Chane'eja naq'aeta da'me dojo'. Jaja'a, nach'e naq'aeta da'me dojo'.

1 Pedro 3:22

Nach'eñe joñe'me Jesucristo joote yec'adije'ma di'me piyem qama'le nayi male neta'ña na'me yayaten joñe'me Dios, qama'le nejaliaĝatelo'te joga'me piyem laje'pi choqoga'me nepaqa'lpi laqaya' jo'ne te'me 'uo da'me lejaliaĝa'j nataq'aen da'me lañoqotaĝanaĝa'j.

Hebreos 9:28

Chane'eja nach'e ena'am ñe'me Cristo onolec da'me qo'yaĝateuo, qama'le qoyen najaqajec jo'ne onolec, qaedi doĝotaĝaneque gaa'me loeco jogaa'me jiyaĝa'u jo'ne qayoĝode'. Qama'le qom'che male yitaĝa di'yoq, male ja naqaenaua naa'me qadoeco ta'le nec'atalo, dite da'me male nec'alaĝatedegue jogaa'me jo'ne yeuatetedaque.

Hebreos 4:11

Chane'eja da'me qo'mi, 'noota qom 'ñañaĝataq qaedi jañoĝotaq da'me jenoĝonaĝauo'o da'me 'nomataĝaiqui joñe'me Dios, qaedi qaya'te ta'le onolec jo'ne ja yenoĝoneuo'o yajouaĝat da'me que'teguelo jogaa'me jo'ne ja p'iida'a joñe'me Dios.

Hebreos 4:9

Chane'eja nayi joñe'me Dios yitaĝa yiyaĝanalo jogaa'me mach'e lec'oqo'tepi qaedi tadoue da'me 'nomataĝaiqui.

Hebreos 4:1

Qama'le nayi, da'me qo'mi maliaĝa qo'mi qoyiyaĝanalo qaedi jenoĝonaĝaue di'me 'nomataqa' joñe'me Dios. Chane'eja, 'noota qom qadetelapega't qaedi qaya'te onolec da'me ami jo'ne qoyauana da'me ja nalo'oguet ta'le yenoĝoneuo.

2 Timoteo 2:12

Qom ñapogaĝadenaq nayi qama'le nataq'aen qo'mi lejaliaĝa'u qomle. Qom qanemanec joñe'me nayi, qama'le ñe'me nach'e ena'am qo'mi nemaneque qomle.

Colosenses 1:16

Qa'a chiyaqayi joñe'me Cristo, ñe'me Dios ye't joca'li ena'uaque gaa'me uo'oe: gaa'me ueteda'ague di'me piyem nataq'aen gaa'me uetedalegue jena'me aleua, gaa'me di'yo't nataq'aen gaa'me ja di'yo't, gaa'me uo'oe jo'ne ja di'yo't 'me nejaliaĝatedelegue jena'me aleua, jo'ne 'uo da'me lañoqotaĝanaĝa'j choqoda'me 'lañaĝa'j. Ena'uaque gaa'me uo'oe qoye'tema joñe'me qama'le qoye'n lalemaĝaje'te joñe'me.

Efesios 1:2

'Noota qom Dios mach'e Qadet'a nataq'aen ñe'me Qadejaliaĝanec Jesucristo ami yanema da'me anichoĝodenataguequi nataq'aen da'me at'emaĝaqui.

Hechos 1:11

qama'le enapega't jogaa'me: —Ami Galilea laje'pi, ¿toqoch'e anechachetañe aueloyitaje'mec jodi'me piyem? Jojo' nach'ejo jo'me Jesús jo'ne ami uetauelo nataq'aen queda'me qoyauegue di'me piyem, yitaĝa 'niyelaq qomle nach'e naq'aeta da'me auañiya da'me ec dajoyi da'me daja'.

Juan 1:51

Nach'e ena'am enaac ñe'me Jesús: —Eja da'me ami ja'aĝatema: da'me auañiya qomle di'me piyem 'nouategue nataq'aen jogaa'me piyem laje' jo'ne lamaĝa's ñe'me Dios yec'adidijeguem choqoda'me nenochidi'ña joñe'me Jiyaĝaua Lec'oĝot.

Juan 1:3

Qama'le nach'eñe q'aen da'me en chiyaqayi yema da'me male yauo'oe ena'uaque naa'me 'lonataqa jo'ne e'n di'yo'quena joñe'me Dios.

Lucas 16:25

Qalaĝaja Abraham 'yateguet: «Am yalec, anetouetac queda'me ca'li cha'li ouetaue da'me anejiyaĝauayaĝac qama'le 'uo da'me adiyamaĝac 'me adamaic, qalaĝaja Lázaro 'uo da'me lachoĝodec da'me 'loyaĝac. Qama'te nayi ñe'me yaconeguet da'me nichoĝodenataguec jena'me jenjo', am qamqa'me auaconeguet da'me adachoĝodec.

Marcos 14:62

Jesús 'yategueta jogaa'me: —Jaja'a, mach'e jayem. Nataq'aen jayem auañiya qomle da'me jayem jo'ne yataqachiñe Jiyaĝaua Lec'oĝot queda'me joneta'ña jena'me yayaten ñe'me jo'ne napacalegue ena'uac, nataq'aen qom ñovi' japetalo'te gaa'me piyem loje'.

Marcos 8:38

Qa'a qom 'uo ga'me jayem nepocoĝolegue nataq'aen daa'me 'yaqataqa qom dajoya'agueta jena'me jenjo' jiyaĝadipi jo'ne ja jayem 'te p'iida'a, jo'ne loeco lo'olpi, qama'le nach'e ena'am da'me jayem jo'ne yataqachiñe Jiyaĝaua Lec'oĝot ñepocoĝolegue joga'me qom yitaĝa 'ñiyelaq nataq'aen da'me jayem uetaue da'me 'lonaĝac ñe'me Yet'a nataq'aen jogaa'me piyem laje' jo'ne ja 'nalo'te.

Mateo 26:64

Jesús 'yateguet: —Naq'aeta da'me mach'e anenaĝategue. Nataq'aen nach'e ena'am ami ja'aĝatema queda'me jayem auañiya qomle jayem jo'ne yataqachiñe Jiyaĝaua Lec'oĝot da'me joneta'ña na'me yayaten ñe'me jo'ne napacalegue ena'uac, nataq'aen japetalo'te gaa'me piyem loje' qom 'ñiyelaq.

Mateo 16:28

Eja ami jayatenaĝaneque queda'me uo'oe gaa'me ueteda'a jena'me jenjo' nayi ja yele'u chayovida'a qom jayem yauata, da'me jayem jo'ne yataqachiñe jayem Jiyaĝaua Lec'oĝot, qom ñovi' qaedi ñejaliaĝatelegue quena.

Mateo 25:41

“Chane'eja nach'e ena'am jenapegalo qomle gaa'me jo'ne neteda'ague jena'me 'ñemaq: «¡Jayem oquiya'ae! Ami jo'ne ja ami 'te qoyichoĝode'n nayi, auec'achiya di'me dole' jo'ne ja 'naidena'a 'me ami qoyaqataĝat'agueta ñe'me payac nataq'aen jogaa'me lamaĝa's jo'ne piyem laje'.

Hechos 3:19

Chane'eja, a'niyelaqaeya ñe'me Qadejaliaĝanec Dios nataq'aen auep'iiya'a ñe'me, qaedi yapalaĝa't jodaa'me adoecodi',

1 Corintios 3:13

Qom yovita ga'me p'ategue nolo', qama'le onolqa'tape qoyauana ga'me 'lonataqa, qa'a ga'me dole' yaloĝon, nataq'aen ga'me dole' yapiyen ga'me 'lonata'j jogaa'me, qom nalo'taguet ga'me dole' uotaĝa ja naq'aeta.

1 Ts 3:13

Nataq'aen yataqata 'yañaĝachilo jonaa'me adai'lidi', qaedi yataqata ami uauelo joga'me ja 'nalegue, nataq'aen da'me yataqata ami ejoda yataqata qaya'te adoecodi' da'me ami nelotapi'ñalo joñe'me ja 'nalegue mach'e Qadet'a Dios, qom male 'niyelaq joñe'me Qadejaliaĝanec mach'e Jesús qama'le naequetedapegue' yema joga'me Dios lec'oqo'tepi jo'ne ja 'nalo'te. Jaja'a, nach'e naq'aeta da'me dojo'.

Hebreos 10:27

Ta'le naq'aeta qama'le nach'edata da'me jeuataqataque ga'me nec'atenaĝanaĝac jo'ne qo'mi na'talo 'me qaya'te ena'am da'me lichic, nach'ega ga'me dole' jo'ne yataqata let'adaic 'me yigouelo qomle ga'me laute'upi joñe'me Dios.

Hebreos 12:29

Qa'a joñe'me mach'e Qanedios nach'eñe jo'ne ena'am ta'le dole' da'me en yema datochiñe.

2 Pedro 3:7

Qalaĝaja di'me piyem nataq'aen jenjo' aleua jo'ne cha'li 'uo nayi, joote qoyeuataqateta'aguet ga'me dole' qa'a nach'eñe ñe'me Dios da'me damaĝajoĝolegue ga'me dole' en yavic, qom yovita ga'me nolo' qom ya'uo da'me lec'atenaĝanaĝac qama'le qoyala't jogaa'me qaleuaĝayaqa.

Judas 1:7

Nataq'aen anetoviñetac di'me noic jo'ne Sodoma nataq'aen di'me Gomorra choqogaa'me noyaqa laqaya' jo'ne leje'gue joca'li. Ena'ama jaajo' piyem laje', nach'egaua gaa'me noyaqa male qoye'n naloqotenaĝanaĝaiqui, yajouaĝat da'me nemedoue da'me nequejeguetaĝa, queda'me najetedoue daa'me namaĝanaĝaco jo'ne ja yauaqa'aguet da'me jo'ne mach'e 'loyaĝa'j qoyen. Chane'eja ñe'me Dios ye'uaĝa'n jogaa'me, qama'le male uetedoue da'me lachoĝode'j jo'ne dole' 'me qaya'te loiquiaqa'.

Apocalipsis 6:11

Qama'le yema jogaa'me qoyanema jaa'me nouo jo'ne pagaĝayaqa, qama'le qo'enapegalo da'me maliaĝa cada'ac da'me 'nomatedegue, chayovida'a qom male nalo'ta't jogaa'me laqaya'olqa jo'ne nach'e ena'am t'onataĝatedape'uo joñe'me Dios, qama'le nach'e ena'am da'me qoyaje'tema da'me qoyala't jo' qom'te.

Apocalipsis 14:10

nach'ega jo'ne niyomigui qoyen ga'me lataĝa jo'ne lalemataic ñe'me Dios. Ena'am ta'le qaya'te lale'gue da'me le'uaĝanaĝanaĝac joñe'me, qama'le qoyen da'me layaliaĝac ga'me jiyaĝaua da'me yaviyeque ga'me dole', nataq'aen ga'me azufre jo'ne yataqata edetañgui, nataq'aen da'me dajo'tagueta ñaa'me piyem laje' jo'ne ja 'nalo'te choqoñe'me 'Naĝanaĝate Lec'oĝot.